Новости за 14.08.2018

Iамеркан Конгрессан сайта тIехь шинарин дийнахь документ арахецна, Оьрсийчоьнна дуьхьал кхайкхийна сакцеш чIагIъярх лаьцна долу. Иза хьалхо кечдинера Республикан а, Демократин а шина партерчу сенаторша, шайн коьртехь сенатор Грэм Линдси а волуш.   Цу документан цIе ю "Кремлан агрессех Iамеркан кхерамазалла ларъяр" аьлла. Иза кечдинера Iамеркан президент Трамп Доналд Оьрсийчоьнан президентца Путин Владимирца ХIелсинкехь Товбеца-беттан 16-чохь цхьаьнакхеттачул тIаьхьа. Цу документана тIехь ду политикан дIахьедарш а... Читать дальше...

Садовская Алена ГIалгIайчоьнан прокуратура кхетта, амма Iедал "ца кхета" бахархойн бакъо юйла гулам вовшахтоха Несарарчу жигархошна кху беттан 11-чохь шаьш хIоттабо баьхна гулам хIотто новкъарло йина юха а. Мехкан куьйгалхо хоржуш хила веза, "лакхара охьаваийтина а воцуш", аьлла ю Iедало жигархошка ца йойтучу митинган тема.   "Хан тIекхача ши кIира дуьсуш оха президентан администраце хаам хьажийра, тхаьш гулам бан дохку аьлла – дихкира тхуна. Оха тхайна гулдала бIегIийла ду аьлла хетачу кхаа меттиган цIе яьккхинера... Читать дальше...

Оьрсийчоьнца цхьана дIахьош йолу "Схьайиллина стигал" программана хьажийна ахча далар сацийна Вашингтоно. Шина пачхьалкхо бинчу бартаца а догIуш, тергам беш кеманаш лелуьйтуш дара Оьрсийчоьнна а, Цхьаьнатоьхначу Штаташна а тIехула. Цунах лаьцна яздо РБК-но. Хьалхо президенто Трамп Доналда тIеман бюджет тIеийцира. Цунна юкъахь хьахош яц "Схьайиллина стигал" программа. Бахьана ду Оьрсийчоьно шена цу программо тIедохкуш долу декхарш кхочуш деш ца хилар. Ша аьлча, Вашингтонна хета, Москохо сацо деза аьлла... Читать дальше...

Туркойчоьнан президенто ЭрдохIан Реджепа дIахьедар дина, Iамеркерчу электроникана бойкот ярх лаьцна. Цу кепара Анкарано жоп лур ду Вашингтоно "экономикан" тIом кхайкхорна дуьхьал, аьлла президенто.   Туркойчоьнан коьртачу гIалахь шен АК партин гуламехь вистхуьлуш, ЭрдохIана билгалдаьккхира, Iамерко экономикан сферехь еш йолу агресси Туркойчоьнах хилла ца Iаш хьакхалуш ю кхечу пачхьалкхех а аьлла, масала Оьрсийчоьнах а, Китайх а, Канадех а. Президентана ЭрдохIанна хетарехь,лира дайдалар Туркойчоьно... Читать дальше...

Ингалсан "Ливерпул" футболан клубо хаам бина шен ловзархочо низам дохорах лаьцна. Цуьнан куьйгалхоша полице хьажийна, Салахь Мохьаммеда, низам а дохош, машенна урхалла деш яьккхина видео. Машенна хьалха хиина а волуш, гонах бевлла фанаташ боллушехь, телефонехула хаам язбина цо. "Ливерпулан" администрацин векалша чIагIдарехь, полици латкъам цара бина, Салахьца къамел динчул тIаьхьа. Иза варе вина цара шаьш дийриг хьокъехь а, цуьнан хир йолу тIаьхьалонийн хьокъехь а, хаам бо «Лента» сайто. 26 шо... Читать дальше...

Википедин нохчийн маттахь долу дакъа тIехдаьлла 200 000 артиклална. Иза тоьшалла ду иза уггаре доккха а, сиха кхуьуш а дакъа хиларан, Советан пачхьалкхан юкъахь хиллачу къаьмнийн меттанашна юкъахь. Оццу Википедехь бинчу хаамца, 200 000-гIа ю Мисарбиев СаьIида язйина «Ланцет» це йолу артикл. Нохчийн Википеди кхоьллина 2005-чу шарахь Чиллан-беттан 26-чу дийнахь. Лелош йолу графика ю кириллица. 2015-чу шарахь цу тIехь дIахIоттийнера 100 000 артикл. 2014-чу шарахь дуьйна, Оьрсийн Википеди дIаяьллачул тIаьхьа... Читать дальше...

ГIалгIайчуьрчу оппозиционеран Хазбиев Мохьмадан адвокташ бу кхеле вало гIерташ республикан куьйгалхо Евкуров Юнус-Бек.  Евкуров эшам хилла лоруш ву Хазбиевн бехктакхаман гIуллакхехула. Амма ялхозза хиллачу суьдан кхеташоне ца веана иза. "Медиазона" зорбанан гIирсо зорбане даьхна гIалгIайн куьйгалхочо дина цхьадолу тоьшаллаш. Цигахь Евкуровс чIагIдо Хазбиевн видеороликаша шен сий а, ларам а бойуш хилар. Масал санна даладо цо Хазбиевс шех "дебилбек" а, "уркабек" а, "халкъан мостагI" а, "Делан мостагI" а, иштта дIа кхин а аьлла хилар. Читать дальше...

Юккъерчу Африкин Республикехь байинчу Оьрсийчуьрчу журналистийн Джемал Орханан а, Расторгуев Александран а, Радченко Кириллан а машенлелорхо хилла стаг чувоьллина набахте. Бахьана ду цуьнан кхерамазалла ларъяр. Цунах лаьцна хаам бина РИА Новости агенталло, Оьрсийчоьнан цу махкарчу векалаллана тIе а тевжаш. Карарчу хенахь и стаг теш санна юкъаозийна ву журналисташ байар хьокъехь толлучу бехктакхаман гIуллакхна.

Муртазалиева Зара   Бакъоларъярхоша орца доху: Омскерчу набахтехь гIелойо нохчочунна Омскерчу колонехь хьийзош ву Бисултанов Малхо, хаам баржийна Оьрсийчуьрчу журналисто, бакъоларъярхочо, "Чохь йоллу Оьрсийчоь" юкъараллан куьйгалхочо Романова Ольгас. "Чохь йоллучу Оьрсийчоьнан" адвокато Гончарова Верас ша "Кавказ.Реалиица" динчу къамелехь бахарехь, юхьанца Омскерчу ИК-7 набахтехь етташ кхаьбна Бисултанов. Дехьаваьккхина циггарчу ИК-6 набахте, амма тоьлла хьал дац цуьнан цигахь а. Адвокато ша арздинера оцу хьокъехь... Читать дальше...

Тамов Анзор Краснодар мехкан дозанашна чу а оьзна, Адыгей Республика йохош ю аьлла хета чергазийн жигархошна Краснодар-мехкан а, Адыгейн а юкъахь хир экономика – иштта бу шина регионан куьйгалхоша, Кондратьев Вениаминан а, Кумпилов Муратан а хилла барт. Агламерацин декъахь хир ю Краснодар а, цунна гена йоццуш лаьтта Адыгейра Тахтамукайн, Теучежан кIошташ, Адыгейск-гIала, иштта Краснодар-махкара станица (юьрт) Красноармейский, Северский, Динский къошташ а. Юкъарчу экономиках жоп луш йолу центр къастош ю кху муьрехь Краснодар. Читать дальше...

ДуьнентIехь а вевзаш волчу бIе сов культуран гIуллакххочо гIортор йина Оьрсийчуьрчу набахтехь мацалла хьоьгуш волчу Украинерчу режиссерна Сенцов Олегана. Цара кхайкхам бина Евробертан а, Цхьаьнакхеттачу Къаьмнийн Вовшахтохараллан а официалан белхахошка Оьрсийчоьнан Iаткъам баре, тутмакх сиханца дIахецийта. Културан гIуллакххойн кхайкхам зорбане баьккхина Францерчу Le Monde зорбанан гIирсо. Украинера режиссер, 20 шо хан а тоьхна, чувоьллина ву Оьрсийчохь, Кремло дIалаьцначу ГIирмехь терроран акташ ян дагахь хилла аьлла бехке а вина. Читать дальше...