Новости за 08.08.2018

Оьрсийчуьрчу набахтехь мацалла кхайкхийначу украинхойн режиссеран Сенцов Олеган йишас Каплан Натальяс, шен вешигахь вуон хьал ду аьлла, хаамбина. 87-гIа де ду цо юучух бат тоханза. Цо бахарехь, шен адвокатехула кехат даийтина цуьнга вашас, ша "гIатталуш вац", "хан герга кхочуш ю" шен аьлла. ХIетте а Сенцов дуьхьал ву дарбан цIийне дехьаваккхийта ша, цо бахарехь набахтехьчул а "алсам ницкъ бо" цунна тIехь лазартнехь. Сенцовс ишта дIахаийтина, шега цхьа а кехат схьакхачош цахиларх а, информацин вакуумехь ша латтош хиларх. Читать дальше...

Маршо Радионо бовзуьйту таханлера боцца хаамаш

Оршоьтадийнахь Урдунерчу Сувейлехь вайнах гулбелира, шен къоман йоI ерна чIир оьцуш стаг вийна аьлла, Оьрсийчоьно набахте хьажийначохь веллачу Темирханов Юсупна кадам бан. Меттигерчу нохчаша а, гIалгIаша а доIанаш а деш, сийдарца ехира кхелхинчун цIе. Видео яийтина Урдунерчу Вайнехан юкъараллин декъашхоша

Краснодаран кIоштахь герз духкуш ву аьлла, шеконашца лаьцна ГIалгIайчуьра кхо вахархо. Талламчийн хаамашца, регионерчу къайлахчу сервисийн белхахоша цара герз чудохьуш хилла канал дIакъевлина. ФСБ-н белхахочо, ша герз эца луург а хилла, Iорабаьхна зуламхой, дуьйцу прокуратуран пресс-гIуллакххоша. Краснодаран Советский олучу кIоштарчу кхеле дIахьажийна ГIалгIайчуьрчу бахархошна дуьхьал даьккхина бехкзуламан гIуллакх.  Набахтехь даккха ялх шераш хенаш йогIу царна, нагахь бехк тIехь бисахь.

Соьлжа-ГIалара "Шаурма" кхачан хIусам дIакъевлина кхелан пурстоьпаша. Хьалхо цу чохь санитаран - эпидемологин хьелаш теллинчу Роспотребнадзоран векалшна гучудаьллера, белхахоша шаьш еш, юхкучу фастфудашца чуоьхучийн могушаллина кхерам бохьуш хилар. Административан протокол а хIоттийна, гIуллакх кхеле кхи дIа листа дIакховдийна Роспортеднадзоро. Бутт хьалха пурстоьпаша мухIар таIийна, дIакъевлира "Шаурма" кхачан чоь кхаа баттана, кхачамбацарш дIанисдан.

Соьлжа-ГIаларчу "Мемориалан" куьйгалхочун Титиев Аюба дов хоттучехь виъ теш ву, бисинарш довзуьйтуш доцчу бахьанашца ца баьхкина, хаамбина кхелехь секретаро. Маршо Радионо ма-яздарра, Дечкен-баттахь дуьйнна лаьцна ву Титиев Аюб, марихуана яьккхина цуьнгара аьлла. Титиевс а, цуьнан коллегаша бакъ ца йо и верси, наркотикаш цунна кхийсина ю аьлла цара. Кхааридийнахь кхелан кхеташоне баьхкинера бакъонашларъяран центран Кхеташонан куьйгалхо Черкасов Александр а, Москохарчу Human Rights Watch бюрон хьалханча Локшина Татьяна а... Читать дальше...

Украинерчу Днепр гIалахь мемориал схьайиллина 2015-чу шарахь Дебальцеворчу тIематасадаларехь кхелхинчу нохчийн инарлан Мунаев Iийсан цIарахчу урамехь. ХIоллам схьабоьллуш дакъалецира Украинерчу политикаша а, эскархоша а, меттигерчу жигархоша а. Бараме кхайкхина вара Мунаев Iийсан воI Тимерхан.

Дагестанехь теллина а даьлла, кхеле дIакхачийна Басаев Шемалан а, Хаттабан а тобанашкахь лаьттинчу Даутов Маратан а, Мухатдинов Дамиран а, Аджибрагимов Русланан а, Бакиев Батырбекан а гIуллакх. Уьш бехкебо герзашца тIелетарш дарна а, бунт гIатторна а, полисхошна кIелонаш ярна а. Дагестанерчу Ботлихан кIоштахь конституцин къепе латточу оьрсийн эскархошна 1999-чу шарахь тIелатарш дина хилла цара. Вийра хIетахь 33 стаг, 34-нна кеп-кепара чевнаш йира. Накануне.RU хьостано хаамбарца, шинаридийнахь... Читать дальше...

Индонезехь мохкбегийна беллачу нехан терахь кхааридийнахь 131-нне хьаладаьлла. Меттигерчу Iедалхойн хаамашна тIе а тевжина, бина и хаам Франс-Пресс агенталло. 6, 9 магнитуда йолуш мохкбегийра Ломбок гIайре тIехь. Дохийна хIусамийн тхевнаш, дIаяьлла ток, херцаршлахь белла дуккхахболу нах. Луларчу Бали гIайрехь а хаабелла мохкбегор. Кхечу пачхьалкхашкар оьхучу туристех буьзна хуьлу Ломбок гIайре. Ростуризман зерашца, Iаламан бохамна гергахь ву карарчу хенахь Оьрсийчуьра вахана 5 эзар гергга турист а. Читать дальше...

Консервативан партин куьйгалхочо тIедожийнашшехь, Британин хилла арахьарчу гIуллакхийн министр Джонсон Борис дуьхьал ву, бусулбачийн духарх ша йинчу забарна гечдар деха. Би-Би-Си медиакорпорацино бо и хаам кхааридийнахь. Почтан яьшканех тера хуьлу аьллера цо, юьхь лачкъийна духарца лела зударий. Банкашка къола дечу талорхошца а буьстинера Джонсона буркаш йоьхна лела бусулба зударий. Питане а, сийсаз а ю цуьнан забар аьллера цхьа могIа бакъонашларъярхоша а, бусулба жигархоша а, лейбористийн оппозицино а... Читать дальше...

Волгодонскехь а, Москох а цIенош лелхийтина аьлла, бехкевина, велла дIаваллалц набахтехь яккха хенаш тоьхначу Крымшамхалов Юсупна а, Деккушев Адамна а шолгIа хенаш кхайкхийна, оьрсийн салтишна Нохчийчохь тIом боьдучу заманчохь тIелетарш дина аьлла. ШолгIа а, белла дIабовллалц чохь бахкош сацам тIеэцна кхелахоша. Маршо Радионо яздира, цушинна дуьхьал керла бехктакхаман дов долийна хиларх Оьрсийчоьнан прокуратуро. Талламхоша чIагIдарехь, Крымшамхалов а, Деккушев а декъашхой хилла Басаев Шемила а... Читать дальше...