Döwlet sektoryndaky edaralarda we kärhanalarda aýal-gyzlardan häkimiýetleriň edýän ähli talaplaryny ýerine ýetirmek barada dilhatynyň alynmagy dowam etdirilýär. Aşgabatdaky döwlet edaralarynyň işgärleri kosmetika serişdelerinden ýüz öwürýändiklerini we özüne çekijiligiň beýleki usullaryndan el çekýändikleri barada ýazmaça habar bermäge mejbur bolýarlar.
Lebabyň dolandyryş merkezi Türkmenabatda, prezidentiň mümkin saparyna görülýän taýýarlyklaryň çäginde, giň gerimli arassaçylyk işleri geçirilýär. Bu ýagdaýlary içginden yzarlaýan ýerli habarçymyz mejbury ýowarlara, dynç günlerine hem garamazdan, ýüzlerçe býujet işgärleriniň-de çekilýändigini gürrüň berdi. Bu aralykda türkmenabatlylar, bu hili saparlarda adatça bolşy ýaly, şäheriň gündelik durmuşynyň doly togtap galmagyna eýýäm häzirden taýýarlanýarlar.
Aşgabatda hususy awtoulagda kireýine ýolagçy gatnatmak gadagan edilýär. Bu barada Azatlyk Radiosynyň habarçylary we çeşmeleri türkmen paýtagtyndan habar berýärler.
Hytaýyň Sinjiaň sebitiniň Köneşäher etrabynda tasdan her 25 ýaşaýjynyň biri terrorçylyk ýa-da ekstremizm bilen baglanyşykly aýyplamalarda aýyplanyp, tussaglyga höküm edildi diýip, AP habar gullugy ýerli häkimiýetleriň syzdyran maglumatlaryna salgylanyp ýazýar. Bu maglumatlara seredilse, bu etrapdaky tussaglyk derejesi dünýäde iň ýokary dereje bolýar diýip, AP belleýär. AP tarapyndan alnan we bölekleýin tassyklanan sanawda Sinjiaňyň günortasyndaky bir etrapda tussag edilen 10,000-den gowrak uýguryň ady bar. Читать дальше...
Günbataryň Täjigistandaky diplomatik wekilhanalarynyň birnäçesi soňky ganly tolgunyşyklara we häkimiýetleriň Owganystan we Hytaý bilen serhetleşýän Merkezi Aziýa döwletiniň durnuksyz Dagly-Badahşan sebitinde gurnalan halk protestlerini basyp ýatyrmagyna “çuňňur” alada bildirdi. Resmi maglumatlara görä, DBAS-niň paýtagty Horogda ýaşaýjylar bilen hökümet güýçleriniň arasyndaky çaknyşyklar we sebitiň Rushan etrabynda "terrorçylyga garşy” geçirilen operasiýa 10 adamyň ölmegine, 27 adamyň ýaralanmagyna sebäp boldy. Читать дальше...
Owganystan bilen Täjigistanyň serhedinde 200-den gowrak ýük awtoulagy saklandy. "Talyban" barlyşyksyz hereketi (Täjigistanda terrorçy gurama hökmünde gadagan edildi) Täjigistanyň döwlet belgileri bolan ýük awtoulaglarynyň Owganystanyň "Şerhan-Bandar" barlag-gözegçilik nokadyndan geçmegine rugsat bermedi. Duşanbe ýagdaý barada teswir bermeýär. "Talyban" hereketiniň resmi wekili täze owgan häkimiýetlerine Duşanbäniň tutanýerli barlyşyksyz syýasaty sebäpli barlag-gözegçilik nokadynyň ýapylandygyny aýtdy. Читать дальше...
Russiýanyň prezidenti Wladimir Putin Türkmenistanyň prezidenti Serdar Berdimuhamedowy “Dostluk” ordeni bilen sylaglady, bu baradaky karar kanuny maglumatlaryň resmi internet portalynda çap edildi diýip, Russiýanyň “Nowosti” habar gullugy 18-nji maýda habar berdi. Mundan öňki ýyllarda Putin Gurbanguly Berdimuhamedowy, onuň atasy Berdimuhammet Annaýewi orden-medal bilen sylaglasa, G.Berdimuhamedow W.Putini orden bilen sylaglaýardy. "Russiýa Federasiýasy bilen Türkmenistanyň arasyndaky strategiki... Читать дальше...
Belarus dünýä belli iňlis ýazyjysy we žurnalisti Jorj Orwelliň "1984" kitabynyň satylmagyny gadagan etdi diýip, “Настоящее Время” "Naşa Niva" neşirine salgylanyp habar berýär. "Orwell J.-yň “1984” kitabynyň ähli görnüşini satuwdan aýryň. Bu görkezmäniň ýerine ýetirilişi barada 19-njy maýdan gijä galman hasabat beriň" diýip, "Naşa Niva" iňlis ýazyjysynyň belarus dilinde hem okyjylaryny tapan kitabynyň gadaganlygy baradaky buýrugyň göçürmesine salgylanyp ýazýar. Bu roman belarus dilinde ilkinji gezek 1992-nji ýylda... Читать дальше...
