Hepdäniň esasy temalaryna gysgaça synymyzy; Türkmenistanda aýal-gyzlaryň kanunda kepillendirilen hukuklary we durmuşdaky ýagdaýlary; Halkara hukuk guramasynyň hukukçy Pygambergeldi Allaberdiýewiň kazyýet işi boýunça gelen karary baradaky söhbetlerimizi diňläp, öz pikirleriňizi aýtmaga çagyrýarys.
Döwlet baştutanynyň tabşyrygyna laýyklykda, Magtymguly Pyragynyň täze gurulýan medeni-seýilgäh toplumynyň bezeg işleriniň çäginde şahyryň "ganatly setirlerini” baýyrlaryň ýüzünde ýagtylandyryp görkezmek hem nazarda tutulýar. TDH-nyň maglumatyna görä, prezident bäşinji gün alnyp barylýan işler we ýurduň baş şäheriniň durmuş düzümini döwrebaplaşdyrmaga gönükdirilen taslamalar bilen tanşyp, dikuçarly täze gurulýan Magtymguly ýadygärliginiň hem üstünden öwrüm etdi. Serdar Berdimuhamedow soň awtoulagly... Читать дальше...
Türkmenistanda şu gün 25-nji maýa çenli geçirilýän “Türkmen teatr sungaty” festiwaly öz işine başlady. Türkmen mediasy bu festiwalyň çäklerinde paýtagtdaky teatrlarda dürli sahna oýunlarynyň görkeziljekdigini, teatr toparlarynyň ýolbaşçylarynyň hem-de döredijilik işgärleriniň gatnaşmagynda iş maslahatlarynyň guraljakdygyny habar berdi. Şeýle-de, festiwalyň açylyş dabarasynyň barşynda daşary ýurt teatrlarynyň ýolbaşçylarynyň we döredijilik toparlarynyň çykyşlarynyň sanly ulgam arkaly görkeziljekdigi aýdyldy. Читать дальше...
2022-2026-njy ýyllarda Özbegistanda, geologiki gözlegleriň ýörite maksatnamasynyň çäginde, 8 sany täze uran ýatagy özleşdiriler diýip, prezident Şawkat Mirziýoýew 19-njy maýda, geologiýa pudagyny mundan beýläk-de ösdürmäge gönükdirilen taslamalaryň tanyşdyrylyş dabarasynda aýtdy. Prezidentiň metbugat gullugynyň maglumatyna görä, soňky ýyllarda Özbegistanda 27 sany täze ýatak açylyp, durnukly çig mal bazasy döredildi. Tanyşdyryş dabarasynda emeldarlar seýrek duşýan metallaryň önümçiligini artdyrmak meýilnamalary barada gürrüň berdiler. Читать дальше...
“Freedom Now” we halkara hukuk firmasy Vinson & Elkins tarapyndan berlen kanuny arza jogap berip, BMG-niň Eden-etdilikli tussag edilmeler boýunça işçi topary Türkmenistan hökümetiniň, hukukçy Pygambergeldi Allaberdiýewi tussag etmek bilen, halkara adam hukuklary kanunyny bozandygy baradaky netijä geldi diýip, düýbi Birleşen Ştatlarda ýerleşýän “Freedom Now” guramasy 13-nji maýda habar berdi. Türkmen Helsinki gaznasy bu kararyň tussag baradaky maglumatlaryň wagtynda jemgyýete ýetirilmeginiň netijesi bolandygyny öňe sürýär. Читать дальше...
