Hepdäniň esasy temalaryna gysgaça synymyzy; Türkmenistanda maý aýynda ‘gün tertibine’ gelen gurluşyk desgalary we Aşgabadyň golf hyýallary; Eýranly türkmenleriň 98 ýyl öňki awtonomiýa göreşleri baradaky söhbetlerimizi diňläp, öz pikirleriňizi aýtmaga çagyrýarys.
Moldowanyň sudy Moskwa tarapyndan goldanylan ýurduň ozalky prezidenti Igor Dodony 30 günlük öý tussaglygyna ýerleşdirdi. Bu sülçülere oňa korrupsiýa we dönüklik boýunça bildirilýän aýyplamalary derňemäge mümkinçilik bermek üçin edildi. Kişinýowyň sudunyň 26-njy maýda çykaran kararyndan iki gün öň, Dodonyň öýünde gözleg işleri geçirildi we ol 72 sagatlyk saklandy. Dodon suduň kararyndan soň, aýyplamalaryň syýasy matlaplydygyny aýtdy. Moldowa hökümeti muny ret etdi. Moskwa tarapyndan açyk goldanylan... Читать дальше...
Eýranyň Yslam rewolýusiýa sakçylary korpusy Pars aýlagynda Gresiýanyň iki nebit tankerini ele geçirendigini aýdýar. Mundan bir gün öň, Afinylar Birleşen Ştatlara, sanksiýalary bozmakda güman edilen, Eýranyň nebit tankerini saklamaga hemaýat beripdi. Sakçylaryň korpusy grek gämileriniň “düzgüni bozandygy” sebäpli saklanandygyny aýtsa-da, başga hiç hili aýdyňlaşdyryjy maglumat hödürlemedi. Gresiýanyň Daşary işler ministrligi eýran ilçisini soraga çagyrdy we hadysa boýunça protest bildirdi.
