Hepdäniň esasy temalaryna gysgaça synymyzy; Türkmen häkimiýetleriniň koronawirusy ilkinji gezek resmi derejede agzap, ýurtda kesellänleriň ýokdugyny aýtmagy; “Türkmenhowaýollarynyň” ýatyrylan Stambul gatnawlaryna bilet satyn alan ýolagçylaryň pullaryny gaýtarmaýandygy bardaky reportažlary diňläp, öz pikirleriňizi aýtmaga çagyrýarys.
ABŞ we “Talyban” topary, Owganystandaky konflikti togtatmaga gönükdirilen, taryhy parahatçylyk ylalaşygyna gol goýdular. Mundan 18 ýyl ozal, Birleşen Ştatlaryň şol wagtky prezidenti Jorj W. Buş (George W. Bush), 2001-nji ýylyň 11-nji sentýabryndaky ABŞ-a edilen terror hüjümlerinden soň, Owganystany bombalamaga we oňa goşun salmaga görkezme beripdi Gol çekmek dabarasyndan öň, eger-de “Talyban” ylalaşygyň şertlerine ygrarly bolup galsa, onda 14 aýyň dowamynda ABŞ-nyň we onuň ýaranlarynyň ýurtdaky... Читать дальше...
Belarusyň Milli tehniki instituty, Eýrandan gelen bir talypdan koronawirusyň ýüze çykarylmagyndan soňra, synp sapaklaryny geçirmegini bes etdi. Turkmen.news neşiriniň maglumatyna görä, bu ýokary okuw jaýynda türkmenistanly talyplar hem bilim alýarlar. Belarusyň ýokary okuw jaýyndaky bu çäre 28-nji fewral – 15-nji mart aralygynda dowam eder. Turkmen.news neşiri uniwersitetiň wekillerinden türkmenistanly talyplaryň sany barada maglumat almak başartmandygyny belleýär. 2018-2019-njy okuw ýylynda... Читать дальше...
Türkmenistanyň prezidenti Gurbanguly Berdimuhamedow Mary welaýatyna iş saparyny amala aşyryp, welaýatyň baş metjidinde sadaka berdi we Ministrler kabinetiniň göçme mejlisini geçirdi.
Türkmenistanyň Daşary işler ministri Reşid Meredow 29-njy fewralda Kataryň paýtagty Doha iş saparyny amala aşyrar. Resmi maglumata görä, saparyň dowamynda syýasy, söwda-ykdysady, medeni-ynsanperwer ulgamlarda ikitaraplaýyn gatnaşyklary mundan beýläk-de ösdürmek bilen baglanyşykly meseleler ara alnyp maslahatlaşylar. Bellemeli ýeri, 29-njy fewralda Dohada ABŞ bilen “Talyban” toparynyň arasynda, Owganystandaky 18 ýyllyk urşuň tamamlanmagyna getirip biljek, parahatçylyk ylalaşygynyň baglaşylmagyna garaşylýar. Читать дальше...
Russiýanyň prezidenti Wladimir Putin we türk prezidenti Rejep Taýyp Erdogan krizis gepleşiklerini geçirdiler. Bu Siriýada Moskwa tarapyndan goldanylýan hökümet güýçleriniň howa zarbasy netijesinde 33 türk esgeriniň öldürilmeginden soň dörän dartgynlylyklaryň arasynda bolup geçýär. Şol bir wagtda, ABŞ-nyň prezidenti Donald Tramp we döwlet sekretary Maýk Pompeo (Mike Pompeo) Waşingtoyň NATO boýunça ýarany Türkiýä goldawyny täzeden ýola goýdular. Şeýle-de, Siriýanyň we Russiýanyň “wagşylygyna” garşy... Читать дальше...
29-njy fewralda Moskwada we Russiýanyň beýleki ýerlerinde mundan bäş ýyl ozal Kremliň golaýynda öldürilen ozalky oppozisiýa syýasatçysy we prezident Wladimir Putiniň ýiti tankytçysy bolan Boris Nemtsowyň hatyrasy tutulýar. Munuň bilen baglylylykda, paýtagtda geçirilmeli ýörişe Moskwanyň resmileri rugsat berdiler. Nemtsowyň hatyrasyna Russiýanyň ikinji şäheri Sankt-Peterburgda hem geçjek ýörişe ygtyýar berildi. Hatyra çäreleri Nemtsowyň 1990-njy ýyllarda häkimi bolan regionynyň paýtagty Nižniý Nowgorodda hem geçiriler. Читать дальше...
Gazagystanda aktiwistler, şu hepde polisiýanyň edarasynda nämälim ýagdaýlarda ölen aktiwist Dulat Aghadiliň jesedinde gök tegmilleriň we beýleki ýara yzlarynyň bardygyny görkezýän wideo peýda bolandan soňra, häkimiýetlerden düşündiriş soradylar. Aghadil 27-nji fewralda paýtagt Nur-Soltanyň etegindäki özüniň Talapker obasynda jaýlandy. Munuň yzy bilen, Aghadiliň jesedini görkezýän ýazgy Internetde ýaýrap başlady. Aghadil 24-nji fewralda saklananyndan birnäçe sagat soňra, tussaglykda aradan çykypdy. Читать дальше...
