Aşgabatda çagalary mekdebe mobil telefonlary elten ene-atalara pul jerimesi salnyp başlandy. Bu waka Türkmenistanyň orta mekdeplerinde mobil telefonlary getirmäge we ulanmaga garşy gözegçiligiň güýçlendirilmeginiň yzýanyna gabat geldi.
Günorta-gündogar Gazagystanda ýene etnikara zorluk döredi. Bu gezekki çaknyşyk gazaklar bilen ýurduň dungan jemagaty arasynda boldy. 7-nji fewralda Žambul welaýatynda ýerleşýän Kordaý şäheriniň golaýynda iki toparyň arasyndaky gazaply herekete näme zadyň sebäp bolandygy hakda dürli maglumatlar bar. Ýöne şular ýaly ýagdaýlarda köplenç bolşy ýaly, zorlugy mobil telefonlarynda we sosial ulgamlarda ýaýran myş-myşlar güýçlendirdi. Konfliktde 10 adam öldi, onlarça adam ýaralandy, müňlerçe dungan serhetden aşyp, goňşy Gyrgyzystan gaçyp bardy. Читать дальше...
Soňky 17 ýylyň dowamynda, 2001-nji ýylda Birleşen Ştatlaryň liderligindäki harbylar Owganystana girenden we “Talybany” agdarandan soňra, bu ýurtdaky täzeden gurmak we durnuklylaşdyrmak işlerinde 5 müň 135 adam öldi ýa-da ýaralandy diýip, ABŞ-nyň hökümetiniň gözegçi edarasy aýdýar. Owganystany täzeden gurmak boýunça ABŞ-nyň Ýörite Baş Inspektorynyň, ýagny SIGAR edarasynyň 11-nji fewralda ýaýradan täze hasabatyna görä, ýurdy täzeden gurmak baradaky aglaba ABŞ-nyň liderligindäki proýektlerde 2 müň 214 adam öldi. Читать дальше...
Türkmenistanyň oba hojalyk resmileri ýurduň obasenagat toplumyny yzygiderli ösdürýändiklerini gaýtalaýan wagty, lebaply daýhanlar ekin meýdanlaryny suwarmak üçin zerur bolan suwuň kadasyz üpjünçiliginden şikaýat edýär.
Aşgabatda işleýän welaýat ýaşaýjylaryny ýene-de köpçülikleýin çykarýarlar. Bu barada Azatlyk Radiosynyň Aşgabatdaky habarçylary aýdýarlar. "Geçen hepdede häkimiýet wekilleri döwlet edaralaryna aýlanyp, Aşgabatda propiskasy bolmadyk işgärleri işden çykarmagy talap etdiler. Diňe aşgabatly bilen maşgala guranlara eglişik edýärler. Duşenbe güni hersinde birnäçe adamy işden çykaran edaralary bilýärin" diýip, Aşgabatdaky habarçymyz 10-njy fewralda habar berdi. Azatlyk Radiosyna welaýat ýaşaýjylary... Читать дальше...
Eýranda 1979-njy ýyldaky Yslam rewolýusiýasynyň 41-nji ýyl dönümini bellemek üçin Tähranda we ýurduň beýleki şäherlerinde on müňlerçe adam köçä çykyp, ýöriş geçirdi. Bu waka Eýran bilen Birleşen Ştatlaryň arasynda dartgynlygyň ýitileşen mahalyna gabat geldi. Yslam respublikasyny esaslandyran Aýatollah Ruhollah Homeýniniň portretlerini we Eýranyň baýdagyny göterýän adamlaryň köpçüligi Tähranyň merkezindaki “Azadi meýdanynda ýygnandy. Bu ýerde prezident Hassan Rohaniniň 11-nji fewralda giçlik çykyş etmegine garaşylýar. Читать дальше...
Marynyň harby hassahanasyna getirilen ýaş esger aradan çykdy diýip, Azatlyk Radiosynyň welaýatdaky habarçysy 11-nji fewralda habar berdi.
10-njy fewralda Hytaýyň Milli Saglygy goraýyş komissiýasy täze respirator wirusyndan ýene 108 adamyň ölendigini habar berdi. Munuň netijesinde Hytaýda bu wirusdan ölenleriň sany 1016 adama ýetdi. Häzirki wagt bu wirusa ýoluganlaryň sany Hytaýda 42 müň 638 we dünýäniň başga-da 24 ýurdunda 319 adama ýetdi diýip, Bütindünýä saglyk guramasy (BSG) we Hytaýyň saglyk resmileri aýdýarlar. Epidemiýanyň episentri hasaplanýan Hubeý welaýatynda 103 adam öldi we başga-da 2097 adam täzelikde bu wirusa ýolugdy diýip... Читать дальше...
Özbek prezidenti Şawkat Mirziýoýewiň kiçi körekeni ýakynda esaslandyrylan Garyşyk söweş sungaty boýunça Merkezi Aziýa konfederasiýasynyň başlyklygyna saýlandy. Bu konfederasiýanyň baş edarasy Daşkentde ýerleşer. Mirziýoýewiň kiçi gyzyna öýlenen Otabek Umarow bu wezipä 6-8-nji fewralda Gazagystanda geçirilen Garyşyk söweş sungaty boýunça halkara federasiýanyň konferensiýasynda saýlandy. Bu konfederasiýa Azerbaýjanyň, Gazagystanyň, Gyrgyzystanyň, Täjigistanyň we Özbegistanyň Garyşyk söweş sungaty... Читать дальше...
Türkmenistanyň Türkmen howa ýollarynyň biletleri soňky 1 ýylyň içinde näme sebäpli beýle artdy?
Owganystanda janyndan geçen hüjümçiniň Kabulyň harby akademiýasyna eden bomba hüjüminde azyndan alty adam öldi diýip, resmiler aýdýarlar. Owgan Içeri işler ministrliginiň metbugat wekili Nasrat Rahiminiň aýtmagyna görä, 11-nji fewralda amala aşyrylan hüjümde başga-da 12 adam, şol sanda parahat ilatdan bäş ýaşaýjy ýaralandy. Owganystanyň Goranmak ministrligi wakada ýaralananlaryň sanynyň alty adamdan ybaratdygyny mälim etdi. Hüjümiň jogapkärçiligini häzire çenli hiç bir topar öz üstüne almady. Читать дальше...
Türkmenistanyň Merkezi bankynyň Aşgabatdaky edarasynyň bir işgäri ýakyn wagtda dollaryň resmi kursunyň ýokarlanjakdygyny aýdýar. Howpsuzlyk aladalary sebäpli gizlinlik şertinde söhbetdeş bolan bank işgäri bu barada Azatlyk Radiosynyň ýurt içindäki habarçysyna gürrüň berdi.