Вазорати дифои Русия рӯзи 2-юми март ва бори аввал шумораи сарбозони кушташудаашро дар ҷанги Украина эълон кард.
Маҷмаи Умумии Созмони Милали Муттаҳид бо аксарияти оро ба тарафдорӣ аз қатъномае рой дод, ки дар он аз Русия тақозо шудааст, фавран ҷангро дар Украина бас карда, нерӯҳояшро аз қаламрави Украина берун кашад.
Украина сафираш дар Қирғизистон Валерий Жовтенкоро барои машварат даъват кард. Дар ин бора президенти Украина Владимир Зеленский дар Фейсбук хабар дод.
Намояндаи Вазорати дифои Русия Игор Конашенков дар як нишасти хабарӣ рӯзи 2-юми март дар шаҳри Маскав гуфт, дар давоми шаш рӯзи "амалиёти махсус"-и ин кишвар 1325 иншооти низомии Украина маҳв карда шудааст.
Сармуҳаррири телевизиони мустақили "Дожд" мегӯяд, баъди баста шудани сомонаи шабака аз ҷониби мақомоти давлатӣ, аз Русия рафтааст.
Дар аксар минтақаҳои Тоҷикистон маҳдудияти интиқоли нерӯи барқ ҷорӣ шудааст. Сокинон шикоят доранд, ки чанд соат рӯзона ва чанд соат шабона аз гармӣ ва рӯшноӣ маҳруманд. Дар ширкати "Барқи тоҷик" батакрор мегӯянд, ки маҳдудияте нест.
Ҳар рӯз даҳҳо нафар ба Радиои Озодӣ менависанд, ки дар маҳалли зисташон дастрасӣ ба нерӯи барқ маҳдуд шудааст. Мақомоти тоҷик ҳеч эълоне дар бораи лимит ё реҷаи интиқоли нерӯи барқ накардаанд, вале дар як ҳафтаи охир сокинон аз вуҷуди лимит хабар медиҳанд.
Маҷлиси Қазоқистон рӯзи 2-юми март ваколатҳои Дариға Назарбоева, духтари Нурсултон Назарбоев, президенти пешини ин кишварро дар порлумон пеш аз муҳлат қатъ кард.
Пайвандони Шоҳида Маҳмадҷонова, модари блогери тоҷики муқими Олмон Шерзод (Абдураҳмон) Маҳмадҷонов, гуфтанд, ки бо гузашти як моҳ аз боздошташ, ӯро надидаанд. Эътилофи зидди шиканҷа хабар дод, ки вакили мудофеъ чанд дафъа бо ӯ вохӯрд. Мақомот ба таври расмӣ чизе намегӯянд.
Тошканд тасмим гирифтааст, 2-юми март барои ба ватан баргардонидани узбекистониҳое, ки аз Украина ба Лаҳистон фирор кардаанд, ду ҳавопаймои дигар фиристад.
Дар Украина 7- рӯз боз ҷанг идома дорад. Дар ҳамлаҳои низомиёни рус дар хоки Украина биноҳои зиёде валангор ва мардумони оддӣ ҳам кушта шудаанд. Шаби 1-ум ба 2 юми март ҳамлаҳо авҷ гирифтанд ва дар Украина як пойгоҳи низомӣ ва бемористони ҳарбӣ осеб диданду хонаҳои истиқоматӣ оташ гирифтанд.
Аз боздошти Шоҳида Маҳмадҷонова, модари блогер Шерзод Маҳмадҷонов, як моҳ гузашт. Наздиконаш мегӯянд, дар ин муддат натавонистаанд, бо ӯ мулоқот кунанд.
Қуръакашии тақвими бозиҳои мусобиқаи қаҳрамонии футболи Тоҷикистон-2022 миёни дастаҳои лигаи олӣ имрӯз, 2-юми март, дар “Кохи Парфенон”-и шаҳри Душанбе баргузор шуд. Ба иттилои Федератсияи футболи Тоҷикистон, дар 31-умин мусобиқаи қаҳрамонии футболи Тоҷикистон даҳ бошгоҳи лигаи олӣ – «Истиқлол», КМВА (ҳарду аз Душанбе), “Хуҷанд”, “Эсхата” (ҳарду аз Хуҷанд), “Истаравшан” (Истаравшан), “Хатлон” (Бохтар) , «Файзканд» (Восеъ), «Равшан» (Кӯлоб), «Регар-ТадАЗ» (Турсунзода) ва «Равшан» (Зафаробод) - иштирок мекунанд. Читать дальше...
Раҳбари зиндонии мухолифон дар Русия, Алексей Навалний, сокинони ин кишварро ба тазоҳуроти ҳаррӯза алайҳи ҳамлаи бесабаби Маскав ба Украина даъват кард.
Аз ҳамлаи низомии Русия ба Украина як ҳафта гузашт. Нерӯҳои Русия ба бомбаборони минтақаҳои аҳолинишин дар Украина идома медиҳанд, вале ҳеч шаҳри бузурги ин кишвар вожгун нашудааст.
Фаъолияти радиои "Эхо Москвы" пас аз интиқоди мақомҳои Русия аз шеваи бозтоби ҳамла ба Украина қатъ карда шудааст.
Порлумони Аврупо рӯзи 1-уми март даъват кард, ба Украина мавқеи давлати номзад ба шомил шудан дар Иттиҳоди Аврупо дода шавад. Бо ин вуҷуд, порлумон гуфт, бояд ҳамаи талабот риоя шавад.
Як зани тоҷик, ки шавҳарашро дар ҳодисаи нохуш дар сохтмони нерӯгоҳи “Роғун” аз даст додааст, мегӯяд, чанд сол боз наметавонад аз ширкатии эронии “Собир” ҷуброни молӣ бигирад. Ин ширкат дар бахше аз бунёди нерӯгоҳ саҳм дошт.
Як зани тоҷик, ки шавҳарашро дар ҳодисае дар нерӯгоҳи "Роғун" аз даст додааст, мегӯяд, чанд сол боз наметавонад аз ширкате, ки падари фарзандонаш дар он кор мекард, ҷуброни молӣ бигирад.
Аз 17 то 22 март дар шаҳри Душанбе бахшида ба ҷашни байналмилалии Наврӯз–2022 мусобиқаи қаҳрамонии Осиё оид ба кураш ва сеюмин мусобиқаи байналмилалӣ оид ба гуштингирӣ байни мардон ва занон барои дарёфти «Ҷоми Пойтахт» баргузор мешавад. Тибқи қарори раиси шаҳри Душанбе барои гузаронидани ин чорабиниҳо аз буҷаи шаҳрдорӣ 2 миллион сомонӣ ихтисос дода шудааст. Мусобиқаи қаҳрамонии Осиё оид ба кураш дар Қасри теннис ва маҷмааи варзишҳои обӣ ва мусобиқаи байналмилалӣ оид ба гуштингирӣ дар Муассисаи давлатии «Наврӯзгоҳ»-и пойтахт доир мегарданд. Читать дальше...
Ҷо Байден, раиси ҷумҳури Амрико рӯзи сешанбе дар нахустини суханронии солонаи худ дар Конгресси он кишвар сиёсатҳои ҳукуматаш дар баробари ҳамлаи Русия ба Украинаро шарҳ дод ва таъкид кард, ки президент Путин товони ин корро пас хоҳад дод.
32 варзишгари тоҷик, ки соли 2021 дар мусобиқоти қаҳрамонии Осиё оид ба 4 намуди варзиш – ҷудо, гуштии варзишӣ, бокс ва таэквондо WT миёни бузургсолон, ҷавонон ва наврасон медал ба даст оварданд, бо Ҷоизаи президенти Тоҷикистон мукофотонида шуданд. Маросими ҷоизасупорӣ 1-уми март дар Кохи “Суруш”-и Душанбе доир гардид. Дар байни онҳое, ки бо Ҷоизаи президенти Тоҷикистон сарфароз шуданд, варзишгарони маъруф, ба мисли Сомон Маҳмадбеков – барандаи медали нуқраи қаҳрамонии Осиё оид ба ҷудо, Далер Ризозода... Читать дальше...
Қосимҷомарт Тоқаев, президенти Қазоқистон бори аввал дар бораи вазъи Украина, баъди ҳамлаи Русия, изҳори назар кард. "Мавқеи мо бояд аз зарурати қатъии таъмини амният, ягонагии арзӣ ва истиқлоламон бархезад. Ҳамчун кишвар мо бехатарии тақсимнашавандаи Авруосиёро талаб мекунем. Дар ин бора ман рӯзи 10 феврал дар сафар ба Москва гуфта будам. Мо ҳар ду кишварро ба пушти миз, даст ёфтан ба созишу муросо даъват мекунем. Роҳи дигаре нест. Сулҳи бо каму кост беҳ аз ҷанги хуб аст. Бидуни сулҳ рушд намешавад. Читать дальше...
Вазорати корҳои хориҷии Қирғизистон рӯзи 1-уми март хабар дод, як шаҳрванди ин кишвар бо дархости Тоҷикистон дар Русия боздошт шудааст. Ба иттилои сафорати Қирғизистон дар Русия, Достматов, соли таваллудаш 1981 ҳанӯз рӯзи 23 феврал боздошт шудааст. "Бино ба иттилои мавҷуд, шаҳрванди Қирғизистон ҳангоми ҳодисаҳое, ки дар дархости Тоҷикистон зикр шудааст, дар ҳудуди Русия қарор дошт. Ҳоло интизори асоснок кардани ин далел ҳастем, ки бо санаду ҳуҷҷат беасос будани парванда нисбати Достматов исбот карда шавад"... Читать дальше...