Ҳукми Додгоҳи шаҳри Ҳисор, ки як ҷавони гумонбар ба таҷовуз ба номуси духтари ноболиғро мавриди афв қарор дод, дар саҳифаҳои интернетӣ баҳси зиёде ба по кард. Баъзе аз шаҳрнависон чунин рафтори додрасро танқид карда, "беаҳамиятӣ нисбат ба озору азияти ноболиғон" номиданд.
Шукрона Турдиназарова, сокини деҳаи Кӯҳандиёри ноҳияи Фархор, рӯзи 21-уми декабр дар манзилаш худкушӣ кардааст.
Як таҳқиқоти Радиои Аврупои Озод/Радиои Озодӣ (РАО/РО) маълум кард, ки хешовандони собиқ президенти Қазоқистон Нурсултон Назарбоев дар давоми 20 соли гузашта тахминан 785 миллион долларро барои хариди моликият дар шаш кишвари мухталиф сарф кардаанд. Таҳқиқоте, ки рӯзи 22 декабр нашр шуд, мегӯяд, ин тамоми моликияти фарзанду набераҳо, домоду дигар элитаҳои қазоқии наздик ба Назарбоев нест, вале аввалин бор аст, ки бо далелу санадҳо арзиши моликияти онҳо ҳисоб шудаанд. Ин мавзӯъ давоми солиёни дароз мавриди таваҷҷӯҳи матбуот қарор дошт. Читать дальше...
Сенати Амрико қонун ”Дар бораи демократия, ҳуқуқи инсон ва истиқлолияти Беларус”-ро қабул кард. Ин қонун ба президент салоҳиятҳои иловагӣ ва ҳақ медиҳад, ки зидди мақомдорони Беларус, аз ҷумла, дар робита бо интихоботи президентии соли 2020, ки онро ИМА тақаллубшуда меҳисобад ва ҳам хушунат алайҳи эътирозгарон таҳрим ҷорӣ кунад. Қаблан ин тарҳи қонунро Маҷлиси намояндагон ҳам ба тасвиб расонид. Қарор аст ин қонунро президент Доналд Трамп имзо кунад. Дар қонун гуфта шудааст, ки таҳримҳо инчунин на танҳо нисбати шаҳрвандони Беларус... Читать дальше...
Абдуллоҳ Абдуллоҳ рӯзи 22-юми декабр ва пас аз мулоқот бо президент Эмомалӣ Раҳмон ташвиши мақомоти тоҷикро ба марзи тӯлонӣ ва назораташ душвори Тоҷикистону Афғонистон рабт дод.
Федератсияи байналмилалии футбол ё FIFA алайҳи собиқ президенти ин созмон Йозеф Блаттери 84-сола як шикояти наве кардааст, ки ба моликияти осорхонаи Тсюрих рабт мегирад. Дар изҳороти рӯзи 22-юми декабр омадааст, ки баъди ошкор шудани “мавридҳои зиёди муомилаҳои ҷиноӣ бо мақомоту ширкатҳои мухталиф тасмим шуд, ки ба як додситонии шаҳр шикояти расмӣ бурда шавад”. FIFA гуфт, ки дар шикояти онҳо гуфта мешавад, ки Блаттер ва нафарони дигар дар осорхонае, ки соли 2016 боз шуд, мудохилаи мустақим доштанд. Читать дальше...
Бонк роҳи пулакиро монеа дар гардиши моли Тоҷикистон номидааст.
Зиёрати доктор Абдуллоҳ Абдуллоҳ-Раиси Шӯрои олии сулҳи Афғонистон аз Душанбе
Баъзе аз роҳгузарон дар Душанбе ба хабарнигори Радиои Озодӣ гуфтанд, ки 2020 барои онҳо чӣ гуна сол буд. Баъзе аз онҳо аз пандемияи коронавирус ва марги наздиконашон ёд оварданд, иддае дигар аз сабукӣ ва комёбӣ дар корашон.
Нороҳатии навраси таҷовузшуда аз афви марди муттаҳам ба ин ҷиноят.
Русия гуфт, ки феҳристи мақомдорони Иттиҳоди Аврупоро, ки аз ҳақи вуруд ба ин кишвар маҳруманд, тавсеа дод. Маскав гуфт, ки ин иқдом дар посух ба қарори ба қавлаш «ғайри қобили қабул»-и манъи сафари мақомдорони рус ба Аврупо дар паи заҳролудшавии Алексей Навалний, раҳбари мухолифони Русия гирифта шуд. Вазорати хориҷа дар Маскав дар изҳороте гуфт, ки дар миёни таҳримшудаҳо аз 22-юми декабр он мақомоте мебошанд, ки «барои ташвиқи таҳрим ва ташаббусҳои зиддирусӣ дар чаҳорчӯби Иттиҳоди Аврупо» нақш доранд. Читать дальше...
Кумитаи дифоъ аз журналистон (The Committee to Protect Journalists) мегӯяд, имсол дар саросари ҷаҳон 30 журналист (21 нафар барқасдона) кушта шуданд. Ин рақам дар муқоиса ба омори соли 2019 ду баробар зиёдтар аст. Гузориш 22-юми декабр нашр шуд.
Мақомоти Русия мегӯянд, соли 2020 шаҳрвандони Тоҷикистон дар 599 ҳодисаи садамаи роҳ даст доштанд. Бино ба навиштаи Маркази бехатарӣ дар роҳҳои Русия, ки назди ВКД амал мекунад, дар маҷмӯъ дар 9 моҳи соли 2020 3,5 ҳазор ҳодисаи садама дар роҳ бо ширкати шаҳрвандони хориҷӣ рух додааст. Оҷонсии ТАСС, ки ин хабарро нашр кардааст, мегӯяд, аз назари шумор дар ҷои аввал шаҳрвандони Узбекистон мебошанд. Бо ширкати узбекистониҳо дар роҳҳои Русия то моҳи сентябр 797 садамаи нақлиётӣ ба қайд гирифта шудааст, ки дар 58 ҳолат бо марги инсонҳо анҷомидааст. Читать дальше...
Тошканд ба шаҳрвандони 8 кишваре, ки бо афзоиши якбораи олудашавиҳо ба COVID-19 рӯбарӯ ҳастанд, ҳақи вуруд ба Узбекистонро манъ кард. Дар ин бора радиои Озодлик хабар медиҳад. Ба навиштаи ин манбаъ, як комиссиюни вижа дар умури муқобила бо коронавирус рӯзи 22 декабр қарор кард, ки шаҳрвандони Австралия, Австрия, Дания, Олмон, Итолиё, Ҳолланд, Африқони Ҷанубӣ ва Бритониёи Кабир ҳақ надоранд то 10 январ вориди хоки Узбекистони иборат аз 32 миллион ҷамъият шаванд. Шаҳрвандони Узбекистон, ки аз ин кишварҳо ба ватан бармегарданд... Читать дальше...
Муовини сарвазири Қирғизистон Элвира Суроболдиева дастур дод, ки издивоҷи баҳсбарангези духтари 16-сола бо марди 31-сола дар ноҳияи Ҷетӣ-Оғузи вилояти Иссиқкӯли он кишвар таҳқиқ карда шавад. Дар бораи ин издивоҷ пештар ҳомии ҳуқуқ Комил Рӯзиев хабар дода буд. Ба гуфтаи ӯ, духтар дар синфи 9-ум мехонад ва дар мактаб низ аз ин қазия огаҳ ҳастанд. Дар Раёсати пулиси вилояти Иссиқкӯл қазияро бо ҳадафи таҳқиқ ҳамчун издивоҷи марди калонсол бо ноболиғ ба қайд гирифтаанд. Суроболдиева ба Комиссияи давлатӣ дар умури динӣ низ тавсия додааст... Читать дальше...
Маҷлиси намояндагон ва Сенати ИМА рӯзи душанбе лоиҳаи қонунеро ба тасвиб расонданд, ки ҷудо кардани наздик ба 900 миллиард долларро барои пуштибонии шаҳрвандон ва ширкатҳои осебдида аз коронавирус пешбинӣ мекунад. Бар асоси қонуни нав, ба ҳар як амрикоии хурду бузург 600-долларӣ ҷудо хоҳад шуд. Вале ҳаҷми кумакпулӣ барои онҳое, ки дар сол беш аз 75 ҳазор доллар даромад доранд, кам карда мешавад. Кумакпулӣ барои бекорон низ то ба 300 доллар боло бурда шуда, муҳлати пардохти он то баҳори соли оянда тамдид карда мешавад. Читать дальше...
Рӯзноманигор ва коргардони узбек Абдукарим Мирзоев, ки дар шаҳри Истамбули Туркия боздошт шуда буд, ба ватан истирдод намешавад. Дар ин бора канали онлайнии худи Мирзоев - Registan TV бо истинод ба Хадамоти муҳоҷирати Туркия иттилоъ дод. Хабарнигори сомонаи Gazeta.uz 19 декабр иттилоъ дод, ки блогер, рӯзноманигор, коргардон ва донишҷӯи яке аз донишгоҳҳои Туркия Абдукарим Мирзоеви 38-сола дар Истамбул дастгир шуд. Вакили дифои рӯзноманигор гуфтааст, касе ба пулис хабар додааст, ки Мирзоев бо шахсони шубҳанок телефонӣ суҳбат мекунад. Читать дальше...
Сарояндаи машҳури узбек Ж. У., ки дар дастдарозӣ ба номуси ноболиғ Ш.М. айбдор мешавад, 21 декабр бо қарори додгоҳ ба ҳабс гирифта шуд. Ба огаҳии додситонии шаҳри Самарқанд, зидди сароянда 9 октябри соли равон бо банди "Таҷовуз ба номус бо истифода аз заъфи ҷабрдида" парвандаи ҷиноӣ боз шуда, тафтишоти пешакӣ идома дорад. Ш.М. ҳамроҳи вакили дифои худ М. Рустамова ба додситонии Самарқанд муроҷиат карда, норозигии худро ба рафти тафтишот баён кардаанд. Шикояти ҷониби ҷабрдидаро додситони вилояти Самарқанд Р. Читать дальше...
Рӯзи 22 декабр дар ИМА нахустин намунаҳои воксинаи Moderna ба кормандони тиб дода мешавад. Эмкунии воксинаи навро баъди як ҳафта пеш шурӯъ шудани эмкунии воксинаи навъи Pfizer-BioNTech оғоз карданд. Шурӯи эмкунӣ агар аз сӯе оҳи сабуке аз таҳдидҳои афзояндаи коронавируси нав бошад, аз тарафи дигар, ҳамоно аз назари дастрас шуданаш ба ҳамагон дар моҳҳои наздик зери суол аст. Дар Амрико ба ҳисоби миёна дар як ҳафтаи гузашта ҳамарӯза 210 ҳазор нафари нав ба коронавирус олуда шуда, ҳоло 115 ҳазор нафар дар беморхонаҳо боқӣ мемонанд. Читать дальше...
Бонки Осиёии Рушд дар пажӯҳише ошкор кард, ки пулакӣ шудани роҳи Душанбе-Хуҷанд боиси 19% кам шудани гардиши мол шудааст. Ин дар ҳолест, ки мақомот мегӯянд, пулакӣ будани роҳ имкон додааст, сифати роҳ дар сатҳи хуб нигаҳдорӣ шуда, пайванди шимол ва маркази кишварро дар чаҳор фасли сол таъмин намояд.
Бонки Осиёии Рушд дар пайи як пажӯҳиши иқтисодӣ ошкор кард, ки пулакӣ шудани роҳи Душанбе – Хуҷанд боиси 19 дарсад кам шудани гардиши мол дар Тоҷикистон шудааст.
Мақомоти тоҷик мегӯянд, дар кишвар мизони нашъамандӣ пойин рафтааст. Дар ин бора Ҳабибулло Воҳидзода, раҳбари Агентии назорати маводи нашъаовари Тоҷикистон дар як ҷаласа хабар додаанд. Ба гуфтаи ӯ, то 1 октябри соли ҷорӣ 5 ҳазору 130 нафар нашъаманд сабт шудааст, ки дар муқоиса ба соли гузашта 245 нафар камтар будааст. Имкони санҷидани дурустии ин иттилоъ тавассути манобеи мустақил феълан имкон надорад. Ба қавли манбаъ, аксарияти маводи мухаддир, ки ба таври қочоқ ба Тоҷикистон ворид мегардад... Читать дальше...
Дар вилояти Суғд баъди таҳқиқи як навори видеоӣ сокини 23-солаи ноҳияи Бобоҷон Ғафуровро боздошт карданд. Бино ба маълумоти Раёсати вазорати корҳои дохилӣ, Мубин Мамадҷонов “ҳангоми рондани мошин худнамоӣ кардааст”. Ба қавли манбаъ дастгиршуда бо “Жигули”-и худ дар бевақтии шаб дар рӯ ба рӯи Қасри фарҳанги ҷамоати деҳоти Ҳайдар Усмони ноҳияи Б.Ғафуров намоишкорона воситаи нақлиётро дар ҷои ист бо суръати баланд давр занонидааст. Навори ӯ дар шабакаҳои иҷтимоӣ ба гардиш даромад. Видеои мошинронии... Читать дальше...
Абдуллоҳ Абдуллоҳ, раиси Шӯрои олии мусолиҳаи миллии Афғонистон, гуфт, ҳайати кишвараш дар даври дуввуми гуфтугӯҳо бо Толибон ба ҳифзи дастовардҳои кишвар дар 19 соли ахир пойфишорӣ мекунад.
Вазири нави меҳнат ва муҳоҷирати Тоҷикистон бо занони корҷӯ дар мардикорбозори шаҳри Бохтар мулоқот намудааст. Вазир Ширин Амонзода аз ин мулоқоташ рӯзи 21 декабр дар саҳифааш дар Фейсбук хабар дода, ҳамчунин чанд аксеро ҳам нашр кардааст. Бештари шореҳон дар шабакаи иҷтимоӣ барои чунин амал Ширин Амонзодаро намунаи ибрат барои дигар мансабдорони тоҷик номидаанд. Ӯ ба занон пешниҳод намудааст, ки барои соҳибкасб ва бо кори доимӣ таъмин шудан, дар як ҳафта се маротиба аз курсҳои қаннодӣ, бофандагӣ... Читать дальше...
