Вазорати тандурустии Тоҷикистон 13-уми декабр гуфт, дар шабонарӯзи гузашта 38 мавриди гирифторӣ ба коронавируси нав ошкор шуд. Дар умум, аз охири моҳи апрели имсол то кунун, бемории ҳамагир ба 12704 кас сироят кардааст. Ба иттилои расмӣ, 88 нафар аз COVID-19 ҷон бохта, 12133 кас шифо ёфтанд. Мақомот аз ин бештар ҷузъиёт намедиҳанд. Мунтақидон ба омори расмӣ бо шубҳа менигаранд. Ба бовари онҳо, омори воқеии беморон ва талафот аз коронавирус бамаротиб бештар аст.
Эътирозгарони мухолифи ҳукумати Белорус рӯзи якшанбе роҳпаймоиҳоро дар шаҳри Минск ва шаҳрҳои дигар идома доданд. Онҳо талош мекунанд, то фишор бар Александр Лукашенкоро афзоиш диҳанд, то даст ба созиши сиёсӣ занад. Гуруҳи ҳуқуқи башари “Весна” хабар дод, ки пулис то нимирӯзи якшанбе дастикам 28 нафарро боздошт кардааст. Бисёре аз раҳбарони мухолифи ҳукумат боздошт шуда, ё ба монанди Светлана Тихановская маҷбур кишварро тарк кардаанд. Дар айни замон хонум Тихановская дар талоше барои касби ҳимояти... Читать дальше...
Мақомоти Озарбойҷон гуфтанд, аз оғози оташбас дар минтақаи Қаробоғи Кӯҳӣ чаҳор сарбози ин кишвар кушта шудаанд. Вазорати дифои Озарбойҷон дар ин маврид рӯзи 13-уми декабр хабар дод, аммо дар изҳорот дар бораи ин ки талафот кай ва дар куҷо шудааст, тафсилот надодааст. Як рӯз пеш Арманистону Озарбойҷон якдигарро барои шурӯи даргирии нав ва поймол кардани оташбас муттаҳам карданд. Оташбас бо миёнравии Русия баъд аз 10-уми ноябри имсол барқарор шуд.
Пайвандони Абдуҷаббор Қурбонов (Ҳоҷӣ Ҷаббор), аз чеҳраҳои шинохта дар миёни муҳоҷирони кории тоҷик дар Русия, гуфтанд, ки маъмурони Раёсати мубориза ба зидди терроризм ва экстремизми ВКД онҳоро мавриди пурсиш қарор додаанд.
Тони Фергюсон дар муҳорибаи ахири худ ба бохти навбатӣ рӯбарӯ шуд. Ҳарифи ӯ Чарлз Оливейра дар ин рақобат пирӯзӣ ба даст овард
Сафири Эрон дар Душанбе гуфт, ки бо вазири энержӣ ва захираҳои оби Тоҷикистон Далери Ҷумъа мулоқот кардааст. Дар ҳоле ки ҷониби Тоҷикистон дар ин бора ҷузъиёт намедиҳад, Муҳаммадтақии Собирӣ рӯзи 12-уми декабр дар Твиттер навишт, "ҳамкориҳо дар ҳавзаи обу энержӣ ва низ иҷрои тасмимҳои кумитаи пайгирии Кумисюни муштараки иқтисодии Эрону Тоҷикистон мавриди табодули назар ва гуфтугӯ қарор гирифт." Ҷузъиёти аз ин бештар дастрас нест. Тоҷикистону Эрон панҷ сол муносибати хуб надоштанд. Душанбе Теҳронро... Читать дальше...
Мақомот гуфтанд, рӯзи 14-уми декабр дар Амрико истифода аз ваксинаи зидди коронавирус оғоз хоҳад шуд. Ин ваксина аз сӯйи ширкатҳои Pfizer ва BioNTech (Амрико ва Олмон) сохта шудааст. Генерал Густав Перна, масъули Кумитаи вижаи расидагӣ ба коронавируси нав дар Амрико, рӯзи 12-уми декабр гуфт, дар марҳилаи аввал ваксина ба кормандони соҳаи тандурустӣ ва пиронсолон татбиқ мешавад. Ваксинаи сохташуда аз сӯи ширкатҳои Pfizer ва BioNTech бояд дар 70 дараҷаи зери сифр нигаҳдорӣ шавад. Идораи Ғизо ва Дорувории... Читать дальше...
Волидони як сарбози тоҷик мегӯянд, ки ҳафт моҳ инҷониб ӯро меҷӯянд, вале намеёбанд. Масъулони қисми низомӣ иддао доранд, ки Иброҳим Абдузоиров силоҳашро гузоштаву рафтааст. Додситонӣ қазияро таҳқиқ мекунад.
Созмони Афви Байнулмилал ва Иттиҳоди Аврупо эъдоми як хабарнигори мухолифро дар Эрон маҳкум карданд. Рӯҳуллоҳ Зам ба он муттаҳам шуда буд, ки бо корҳои онлайни худ дар ташвиқи тазоҳуроти соли 2017 ба хотири мушкилоти иқтисодӣ дар Эрон кумак мекард. Ба гузориши хабаргузории нимарасмии Эрон, асноди дафтари додситони инқилоби исломӣ тасдиқ кард, ки Зам рӯзи 12-уми декабр ба дор овехта шуд. Созмони Афви Байнулмилал гуфтааст, ин эъдом рафтори бераҳмонаи ҳукумати Эронро нисбат ба мухолифон нишон медиҳад. Читать дальше...
Муҳаммад Бошта, як ҷавони 25-солаи мисрӣ, ки бостоншиносӣ хондааст, баъди ҷустҷуҷӯи “Фиръавн” дар биёбонҳои Миср, кори дигареро пеша кард. Он ҳам каждумпарварӣ. Таъму таъсири заҳри каждумҳои ӯро то дар Аврупову Амрико чашидаанд. Каждумҳоро Муҳаммад Боштаву ҳамкоронаш аз биёбонҳои Миср ҷамъ оварда мепарваранд, на барои заҳр задан ба мардум, балки барои муолиҷаи онҳо. Ӯ ба хабарнигори “Ройтерс” мегӯяд: “Заҳри каждумро барои истеҳсоли дору истифода мебаранд. Аз заҳри каждум ва мор дар ҷаҳон 24 навъи дору месозанд. Читать дальше...