Як гурӯҳ аз муҳоҷирони кории тоҷик дар шаҳри Екатеринбурги Русия бо нишони эътироз ба пардохт нашудани ҳаққи корашон девори сохтаи худро вайрон кардаанд. Кордиҳандаи рус мегӯяд, таъхире дар пардохти маош ҷой надошт ва баръакс барои тахриби девор ба зидди муҳоҷирон ба пулис шикоят кардааст.
Эмомалӣ Раҳмон, раиси ҷумҳури Тоҷикистон, дар паёме ба Ҷо Байден хоҳони рушди ҳамкориҳои Душанбеву Вашингтон шудааст.
Додгоҳи шаҳри Душанбе рӯзи 10-уми декабр ба муҳокимаи ду ҷавон оғоз кардааст, ки ба қатли ду духтар дар ҳудуди ноҳияи Варзоб гумонбаранд.
Пизишкони тоҷик бори аввал дар Душанбе пайвандсозии ғадуди зери меъдаро таҷриба карданд. Онҳо гуфтанд, "баъд аз ҷарроҳӣ меъёри қанд дар бадани бемор муътадил шуда, кори гурдаҳоро танзим мекунад".
Мубинҷон Аҳмадов, як гуштигири тоҷик, ки барои иштирок дар мусобиқаи ҷаҳонӣ дар Сербистон омодагӣ медид, дар занозании гуруҳӣ дар Хуҷанд пас аз бозии футбол захмӣ шудааст. Намояндаи Раёсати корҳои дохилии вилояти Суғд ба Радиои Озодӣ гуфт, Мубинҷон Аҳмадовро бо корд задаанд.
Пайвандони Ҷунайдулло Умаров, сардори пешини Раёсати бозрасии ҳарбии Вазорати дифои Тоҷикистон мегӯянд, давлат ғайриқонунӣ манзили онҳоро гирифта истодааст. Вале мақомот бар инанд, ки хонаву дари Умаров дар деҳаи Нилкони ноҳияи Рӯдакӣ бо қарори додгоҳ мусодира шудааст.
Як гуруҳи муҳоҷирони кории тоҷик дар шаҳри Екатеринбург пас аз пардохт нашудани ҳаққи корашон ба нишони эътироз девори бинокардаашонро вайрон карданд. Кордиҳандаи рус мегӯяд, таъхире дар пардохти маош ҷой надошт ва барои тахриби девор ба пулис шикоят кардааст.
Пайвандони Ҷунайдулло Умаров, сардори пешини Раёсати бозрасии ҳарбии Вазорати дифоъ мегӯянд, давлат ғайриқонунӣ манзили онҳоро гирифта истодааст. Вале мақомот бар инанд, ки хонаву дари Умаров дар деҳаи Нилкони ноҳияи Рӯдакӣ бо қарори додгоҳ мусодира шудааст.
Ҷарроҳони тоҷик бори аввал амалиёти пайвандсозии гурда ва ғадуди зери меъдаро анҷом додаанд. Ин навъи ҷарроҳиро табибони Маркази миллии пайвандсозии узв ва бофтаҳои инсон дар Душанбе ба сомон расонданд.
Владимир Путин, раиси ҷумҳури Русия, баъд аз шаш ҳафтаи интихоботи президентии Амрико хомӯширо шикаст ва Ҷо Байденро барои пирӯзӣ табрик гуфт.
Сӯхтор дар хонаи пиронсолон дар Бошқирдистони Русия боис ба ҳалокати 11 нафар шудааст.
Эъдоми рӯзноманигори мухолиф Руҳуллоҳ Зам дар Эрон, ки гуё фаъолиятҳои онлайнияш ба тазоҳуротҳои зиддиҳукуматии соли 2017 дар он кишвар ташвиқ кардаанд, вокунишҳои байналмилалиро ба бор овард.
Аъзои ҳукумати Тоҷикистон баъд аз тасдиқи номзадияшон аз тарафи порлумон ба номи раиси ҷумҳур савганд ёд карданд. Ин маросим 15-уми декабр дар Душанбе баргузор шуд.
Амрико барои азнавсозии посгоҳи сарҳадии Чалдовар дар вилояти Хатлон қариб як миллион доллар медиҳад.
Додситони Додгоҳи байналмилалии Ҳейг (Гаага) дархости як гурӯҳ аз уйғурҳои берун аз Чинро дар бораи муҳокимаи Пекин барои саркӯби мусалмонҳо рад кардааст.
Содир Ҷабборов, иҷрокунандаи пешини вазифаҳои президент ва яке аз довталабони асосии курсии раисҷумҳури Қирғизистон, ки баъди ҳаводиси 5-6-уми октябри имсол сари қудрат омадааст, гуфт, барои чӣ хешонашро ба вазифаҳои давлатӣ таъйин кард.
Нашрияи France Football дастаи орзуҳо (Dream Team) - беҳтарин футболбозонро дар таърихи варзиш муаррифӣ кард. Рӯйхати пурра дар вебсайти маҷалла дастрас аст. Дарвозабони дастаи мунтахаби миллии СССР Лев Яшин дар дарвозаи дастаи рамзӣ ҷой гирифт. Беҳтарин ҳимоятгарон дар таърих Кафуи бразилӣ, намояндаи Олмон Франс Бекенбауэр ва Паоло Малдинии итолиёвӣ мебошанд. Нимҳимоятгарони дастаи France Football Лоттар Маттеуси олмонӣ, Диего Марадонаи аргентинӣ, Хави Эрнандеси испанӣ ва Пелеи бразилӣ интихоб шуданд. Читать дальше...
Пайвандонаш мегӯянд, Зулфиқор Одинаев, бародарзодаи Маҳмурод Одинаев, муовини боздоштшудаи раиси Ҳизби сотсиал-демократи Тоҷикистон, низ дастгир шудааст. Ба иддаои онҳо, ӯ даҳ рӯз боз дар боздоштгоҳи муваққатии Шуъбаи корҳои дохилии Ҳисор нигоҳдорӣ мешавад ва "барояш хӯрок мебаранд".
Дар таркиши бомба ва тирборон дар Кобул рӯзи 15 декабр ба камияш, се нафар, аз ҷумла муовини волии вилояти Кобул кушта, чандин каси дигар захмӣ шуданд. Сухангӯи Вазорати корҳои дохилии Афғонистон Тариқ Ориён гуфт, таркиши бомбае, ки ба мошини зиреҳдори муовини волӣ Маҳбубуллоҳ Муҳибӣ часпонда шуда буд, ду нафарро кушт ва дуи дигарро захмӣ кард. Бомбгузорӣ дар маҳаллаи Мукриён (Микрорайон)-и шаҳри Кобул ба вуқӯъ пайваст. Дар ҳамлаи дигар, афроди мусаллаҳ як афсари полисро куштанд ва як полиси дигарро дар ноҳияи Баграм захмӣ карданд... Читать дальше...
Дар мусобиқаи шиноварӣ, ки бо ширкати 60 варзишгар дар Қасри теннис ва маҷмааи варзиши обии шаҳри Душанбе баргузор шуд, мубориза барои медалҳо миёни шогирдони мактабҳои шиноварии шаҳри Душанбе ва вилояти Суғд сурат гирифт. Ба иттилои Федератсияи шиноварии Тоҷикистон, рақобатҳо оид ба тарзҳои мухталифи шиноварӣ (озод, пуштнокӣ, парвона ва брасс) дар масофаҳои гуногун миёни писарону духтарон баргузор шуд. Дар натиҷа намояндагони дастаи Душанбе-1, ки дар бештари масофаҳо ғолиб омаданд, дар ҳисоби дастаӣ ҷойи аввалро азони худ карданд. Читать дальше...
Фурқат Ғафуров, зодаи шаҳри Хуҷанд, ки тайи тақрибан ҳашт сол боз дар Русия машғули кору зиндагист, рӯзи 4-уми декабр барои фаъолиятҳои пизишкӣ соҳиби ҷоизаи вижа шуд. Губернатори вилояти Маскав аз заҳматҳои ин ҷарроҳи тоҷик қадрдонӣ кардааст.
Рӯзноманигори мустақил Алӣ Токтакунов ва асосгузори сомонаи Factcheck.kg Болот Темиров таҳқиқотеро дар бораи робитаи иҷрокунандаи вазифаҳои президенти Қирғизистон Талант Мамитов ва муовини пешини раиси Хадамоти гумруки ин кишвар Райимбек Матраимов нашр карданд. Рӯзноманигорон суол гузоштаанд, ки чаро иҷрокунандаи вазифаҳои президенти Қирғизистон роҷеъ ба қазияи пурсарусадои Матраимов хомуш аст. Онҳо гуфтаанд, Мамитов соли 2019 раиси комиссияи порлумоние буд, ки масъалаи ғайриқонунӣ берун бурдани... Читать дальше...
Ҷо Байден, раиси ҷумҳури мунтахаби Амрико рӯзи душанбеи 14-уми декабр чанд соат пас аз он, ки Коллеҷи интихоботии он кишвар пирӯзии ӯ дар интихоботро ба расмият шинохт, зимни суханронӣ аз мардуми ИМА хост, ки бо ваҳдат ба сӯи оянда бингаранд. Ӯ бо ишора ба раъйи Коллеҷи интихоботӣ онро натиҷаи "пирӯзии демократия" донист ва гуфт, ки асосҳои ҳокимият дар кишвар мавриди фишор, озмун ва таҳдид қарор гирифт", аммо фурӯ нарехт. Вай афзуд, "он чӣ дар таҳи дили мардуми Амрико метапад, ин аст, демократия... Читать дальше...
Тимҳои миллии футболи ҷавонон ва наврасони Эрон чор мусобиқаи тадорукотӣ дар Тоҷикистон баргузор мекунанд
На камтар аз 387 корманди расонаҳо дар саросари дунё барои иҷрои вазифаҳои касбӣ зиндонӣ шудаанд. Дар ин бора дар гузориши созмони ҳомии ҳуқуқи "Хабарнигорони бидуни марз" зикр шудааст. Аз Тоҷикистон дар гузориш исми журналисти мустақил Далер Шарипов ёд шудааст, ки моҳи апрел бо иттиҳоми барангехтани кинаву адовати миллӣ ва мазҳабӣ ба як соли зиндон маҳкум шуд. Наздиконаш ин ҳукмро ноодилона номиданд. Бештаре аз ин рӯзноманигорон дар зиндонҳои панҷ кишвар: Чин, Арабистони Саудӣ, Миср, Ветнам ва Сурия қарор доранд. Читать дальше...
