Баъзе аз донишҷӯёни тоҷик дар хиёбонҳои Душанбе гуфтанд, ки бештар аз пайдо кардани хонаи иҷора азият мекашанд. Яке аз онҳо гуфт, хобгоҳҳо ҳастанд, вале роҳ ёфтан ба онҳо чандон саҳл нест. Донишҷӯён дар Душанбе боз чӣ мушкил доранд, дар ин навор огоҳ шавед.
Тоҷикистон дар раддабандии нави FIFA (Федератсияи байналмилалии футбол) як зина боло шуд ва дар байни 211 кишвар бо 1143 имтиёз дар ҷойи 121-ум қарор гирифтааст.
Мақомоти Тоҷикистон мегӯянд, бо ташкили ярмаркаҳо кӯшиш доранд, ки аз болоравии босуръати нархи хӯрокворӣ пешгирӣ кунанд. Як моҳ боз арзиши маҳсулоти ниёзи аввал дар бозорҳои кишвар рӯ ба афзоиш аст.
Вазорати умури дохилии Беларус тасдиқ кард, ки дар эътирозҳои 29-уми ноябр алайҳи мардум, ки бо талаби истеъфои Александр Лукашенко ба хиёбонҳо баромада буданд, нирӯҳои амниятӣ аз “васоили вижа” истифода карданд. Сухангӯи вазорат Волҳа Чамаданова дар шабакаи Телеграм рӯзи 30 ноябр навишт, ки сохторҳои ҳифзи қонун тирҳои ҳушдордиҳанда сар доданд, то ки мардум пароканда шаванд. Ин изҳорот хабари Бахши беларусии Радиои Озодиро тасдиқ кард, ки нирӯҳои ҳифзи қонун дар муқобили эътирозгарон аз гази ашковар ва норинҷакҳои баландсадо кор бурдаанд. Читать дальше...
Бо гузашти 28 сол аз қатли Қадриддин Аслонов, раиси пешини Шӯрои олии Тоҷикистон, то ҳол ҷузъиёти кушта шудани ӯро эълон накардаанд.
Бо гузашти 28 сол аз қатли Қадриддин Аслонов, раиси пешини Шӯрои олӣ, то ҳол ҷузъиёти кушта шудани ӯро эълон накардаанд. Ба қавли шоҳидон, ӯро моҳи декабри соли 1992, замони авҷи ҷанги шаҳрвандии Тоҷикистон, пас аз чанд муддати асорат куштаанд. Гӯри ӯ дар теппае дар шаҳри ҳозираи Леваканд боқист.
Ҷамъияти нобиноёни Тоҷикистон таҷҳизоти муосири нашри китобҳои махсусро дастрас намудааст, вале бинои муносибе пайдо накардааст, ки нашри китобҳоро оғоз намояд.
Фатвои худдорӣ аз издивоҷ бо занони ғайримусулмон, ки аз тарафи Шӯрои уламои исломии Русия содир шудааст, муҳоҷирони мусулмонро нороҳат кардааст.
Ярмаркаҳои Душанбе дар муқобили болоравии нарх ташкил шудаанд. Коршиносон мегӯянд, ин иқдом танҳо дар муддати кӯтоҳ таъсир хоҳад дошт ва бояд ҷумҳурӣ маводи ниёзи аввалро дар дохил истеҳсол кунад.
Дар Покистон дар як рӯзи 30 ноябр якбора 24 нафар қурбони садамаҳои ҷудогонаи автомобилӣ шуданд. Ба иттилои полис, дар натиҷаи бархӯрди автобус ва микроавтобус дар маҳаллаи Наранг Мандии минтақаи марказии Панҷоб, 13 нафар ҷон дод. Манзур Ҳусайн, як мақоми полис гуфт, ки дар паи ин садама боз 20 нафари дигар бо ҷароҳатҳои мухталиф ба беморхона интиқол дода шуданд. Ҳанӯз сабаби ин садама маълум нест. Инчунин шаби гузашта як миниавтобус бо мусофирон бо як мошине, ки хишт интиқол медод, бархӯрд кард. Читать дальше...
Дафтари Ҷо Байден гуфт, ки президенти тозаинтихоби ИМА ҳангоми бозӣ бо сагаш пояшро осеб дод ва эҳтимолан дар ҳафтаҳои наздик бо пойфзоли махсуси муҳофизатӣ хоҳад гашт. Байден 78 сол дорад ва рӯзи 28 ноябр пояш осеб диду рӯзи 29 ноябр барои санҷиши эҳтиётӣ назди духтури шикастабанд дар шаҳри Нюворки Делавар рафт. Духтур баъди санҷидани устухони президенти мунтахаб гуфт, ки устухони пояш ду хати хурди шикаста пайдо кардааст барои барқарор шудани по бояд бо пойафзоли махсус бигардад. Ба иттилои аъзои тими Байден... Читать дальше...
Нирӯҳои Афғонистон Ҳамза Вазиристонӣ, як узви Толибонро дар Кобул нобуд карда, гуфтанд, ин шахс дар пушти ҳамлаи маргталабонаи 29-уми ноябр меистод. Дар ин ҳамла дар вилояти Ғазнӣ 30 узви нирӯҳои амниятӣ кушта шуданд.
Мақомоти Фаластин ва Лигаи кишварҳои Араб гуфтанд, ки умедвор ҳастанд маъмурияти нави ИМА дар амри бунёди давлати мустақили Фаластин нақши “мусбат” бозӣ хоҳад кард. Президенти Фаластин Маҳмуд Аббос ва раҳбари Лигаи кишварҳои Араб Аҳмад Абулғайт рӯзи 29 ноябр дар Қоҳира, пойтахти Миср мулоқот карда, аз ҷумла, натиҷаҳои интихоботи раёсатҷумҳурии ИМА-ро баррасӣ карданд. Интихоботи 3 ноябр зоҳиран бо пирӯзии Ҷо Байден бар президенти амалкунанда Доналд Трамп анҷомид. Мақомот гуфтанд, ки шоҳи Урдун Абдуллоҳ... Читать дальше...
Президенти ИМА Доналд Трамп рӯзи 29-уми ноябр ишора кард, ки ҳатто тасдиқи пирӯзии Ҷо Байден дар аёлати Висконсин дар натиҷаи бозшумории овозҳо, ки зарбаи дигаре ба Трамп шуд, ба ин ғалаба тан намедиҳад. Трамп дар мусоҳиба бо телевизиони Fox News бори дигари бидуни далеле иддао кард, ки интихобот тақаллуб шуд ва дар овоздиҳӣ як сохтакории сартосарӣ ҷой дошт. Ӯ гуфт: “Ин интихобот тақаллуб шуд. Ин як интихоботи комилан тақаллубӣ буд ва то замоне, ки онро пинҳон мекунанд, ҳамингуна мемонад. Мушкиле... Читать дальше...
Маоши кормандони Раёсати ҳифзи тартиботи ҷамъиятии Вазорати умури дохилии Узбекистон 30-40 дарсад кам карда шудааст. Дар ин бора кормандони пулиси ноҳияҳои Бешариқу Бувайдаи вилояти Фарғона ва вилоятҳои Тошканду Хоразм иттилоъ доданд. "Маоши буҷавиҳо, аз ҷумла кормандони пулис бо баҳонаи 50 дарсад кам карда шуд. Дастурҳо маъмулӣ ҳастанду маош кам. Барои иҷрои дастурҳо коғазу бензин лозим аст. Саҳару нисфирӯзӣ ва шом маҷбур мешавӣ, дар берун ғизо бихӯрӣ, ки хеле гарон аст. Давлат харҷҳои моро ҷуброн намекунад. Читать дальше...
Ҷо Байден, президенти тозаинтихоби ИМА масъулони иртибот бо ҷомеаро дар ҳукумати ояндааш эълом кард. Ҳамаи мақомҳои асосиро дар ин бахш занҳо соҳиб хоҳанд шуд. Тими иртибот бо ҷомеаро Кейт Бедингфилд сардорӣ хоҳад кард, ки дар ситоди интихоботии Ҷо Байден роҳбари шуъбаи робита бо ҷомеа буд. "Гуфтугӯи мустақим ва ростин бо амрикоиҳо - яке аз вазифаҳои муҳимтарини президент аст ва тими мазкур масъулияти бузурге хоҳад дошт. Ман бо ифтихор дар бораи тими масъули робита бо ҷомеа дар Кохи Сафед хабар медиҳам... Читать дальше...
Созмондиҳандагони Бозиҳои олимпии Токио мегӯянд, ба таъхир гузоштани баргузории мусобиқаи мазкур то ба соли 2021 ба иллати пандемияи коронавирус тақрибан 1,9 миллиард доллар харҷро дар пай дорад. Нашрияи ҷопонии "Yomiuri" 29 ноябр бо истинод ба созмондиҳандагони мусобиқот навиштааст, ки ин маблағ ба пардохти маоши кормандон ва ташкили низоми баргардонидани пули билетҳо харҷ мешавад. Кумитаи ташкили бозиҳо тасмим дорад, моҳи оянда харҷҳои иловагиро дар ин замина муфассал нашр намояд. Олимпиадаи... Читать дальше...
Мақомот дар Беларус беш аз 300 эътирозгарро боздошт карданд, ки рӯзи 29 ноябр бо талаби истеъфои Александр Лукашенко раҳпаймоӣ карданд. Аксари боздоштҳо дар Минск ҷараён гирифт, вале ба иттилои маркази ҳуқуқи башари “Весна”, дар Брест, Ҳродно, Боровляни ва шаҳру манотиқи дигари кишвар ҳам нафароне дастгир шуданд. Ин ҳафтаи дуюм буд, ки эътирозгарон дар Беларус бо шиори “Раҳпаймоии ҳамсояҳо” дар хиёбонҳо эътироз карданд. Мухолифон ин навбат стратегияи навро ба роҳ монданд, ки аз ташкили намоишҳои... Читать дальше...
Дар шаҳри Хуҷанд ду консерти бахшида ба ёдбуди овозхони саршинос ва яке аз қурбониёни ҷанги шаҳрвандӣ, Кароматуллоҳи Қурбон, баргузор нашуд.
Мақомот дар Бритониё гуфтанд, ки 2 миллион адад воксинаи зидди коронавирусро захира карданд ва ният доранд дар чанд ҳафтаи наздик барномаи эмкунии сартосариро ба роҳ монанд. Бритониё дар Аврупо яке аз осебдидатарин кишварҳо аз коронавирус буда, 58 ҳазор сокинаш бар асари ин вирус ҷон додаанд. Мақомот рӯзи 30 ноябр гуфтанд, ки умедворанд аввалин кишвар дар ҷаҳон мешаванд, ки эмкунии аҳолиро бар зидди вируси марговар ба роҳ мемонанд. Ҳукумат розӣ шуд, ки аз 7 истеҳсолкунандаи мухталиф беш аз 350 миллион дона воксина харида... Читать дальше...
Дар 10 моҳи соли ҷорӣ дар Тоҷикистон 3,64 миллион тонна семент истеҳсол шудааст, ки назар ба ҳамин давраи соли 2019 - 2,4 дар сад бештар аст. Дар ин бора рӯзи 30-юми ноябр вебсайти jcement.ru бо такя ба Оҷонсии омори назди президенти Тоҷикистон хабар додааст. Вебсайте, ки хабару гузоришҳо дар бораи истеҳсоли сементро пайгирӣ мекунад, мегӯяд, аз январ то октябри соли ҷорӣ дар Тоҷикистон инчунин истеҳсоли бетони сохтмонӣ беш аз 25 дарсад зиёдтар назар ба соли гузашта истеҳсол шуда, дар маҷмӯъ наздики 350 ҳазор метри мукаабро ташкил додааст. Читать дальше...
Дар Эрон маросими дафни донишманди улуми ҳастаӣ Мӯҳсин Фахризода баргузор шуд, ки дар куштори ӯ Теҳрон Исроилро гунаҳгор кардааст. Телевизиони давлатии Эрон рӯзи 30-юми ноябр маросими хоксупории Фахризодаро намоиш дод ва қабл аз он дар наворҳо дида шуд, ки ҷанозаи донишманд дар маросими хосе дар назди вазорати дифои кишвар ва дар иҳотаи низомиён гузошта шуда буд. Дар ин маросим мақомоти эронӣ, аз ҷумла вазири дифоъ Амир Ҳотамӣ иштирок карданд ва ҳар як мақом бо ниқоби тиббӣ дар рӯй ва бо риояи фосилаи иҷтимоӣ дида шуданд. Читать дальше...
Федератсияи байналмилалии ҷудо (IJF) мусобиқаи “World Judo Masters” дар Давҳаи Қатарро, ки ба далели пандемияи COVID-19 мавқуф гузошта шуда буд, аз 11-ум то 13-уми январи соли 2021 баргузор хоҳад кард. Дар ин бора дар сомонаи расмии IJF хабар дода шудааст. Ба иттилои манбаъ, барои ширкат дар ин мусобиқа дар ҳар вазн 36 варзишгари пешқадам тибқи мавқеашон дар феҳристи ҷаҳонӣ даъват мешаванд. Мариус Визер, раиси Федератсияи байналмилалии ҷудо, дар як номаи худ гуфтааст, ки агар вазъияти беҳдоштии ҷаҳонӣ ба таври ғайримунтазира вахим шавад... Читать дальше...
Дар ҳоли ҳозир дар Қазоқистон 12 ҳазору 651 бемор аз вабои коронавирус муолиҷа мешаванд. Ба иттилои вазорати ҳифзи тандурустии он кишвар, миёни ин теъдод гирифторон 895 кӯдак низ ҳаст. Бештаре аз гирифторон дар манзилҳои худ табобат мегиранд. Мақомоти Қазоқистон мегӯянд, 214 тан аз гирифторон дар ҳолати вазнин қарор доранд. Дар як шабонарӯзи гузашта 826 гирифтори нав ба вабои коронавирус дар Қазоқистон сабт шудааст. Дар як рӯзи гузашта ҳамчунин 10 тан аз гирифторони коронавирус дар Қазоқистон фавтидааст. Читать дальше...
Дар Аргентина додситонӣ пизишки шахсии футболбоз Диего Марадонаро дар қатл аз сари беэҳтиётӣ гумонбар мекунад. Дар шаҳри Буэнос-Айрес коргоҳ ва манзили Леополдо Луке, пизишки шахсии Марадонаро бозҷӯӣ карданд. Ин тафтишот баъди он шуруъ шуд, ки духтари Марадона аз рафторҳои Луке изҳори шубҳа кард. Пулис айни замон ҳолати марги Марадонаро таҳқиқ мекунад. Марадона рӯзи чаҳоршанбеи 25 ноябр дар синни 60 вафот кард. Ибтидои моҳи ноябр вай ҷарроҳӣ шуд ва дар хонааш табобат гирифт. Тафтишот дар пайи таҳқиқи он аст... Читать дальше...