Русия афв (амнистия)-и ҳуқуқии муҳоҷиронро баррасӣ мекунад.
Мақомоти интизомии шаҳри Душанбе мегӯянд як нафарро, ки аз роҳи фиребу зӯрӣ телефонҳои ҷавононро мегирифт, дастгир карданд. Дар дафтари матбуоти Раёсати умури дохилии Душанбе рӯзи 19-уми ноябр ба Радиои Озодӣ хабар доданд, ки Акбарҷони Назарзода, сокини маҳаллаи “Теппаи самарқандӣ”, худро корманди Комиссариати ҳарбӣ муаррифӣ карда, чанд ҷавонро тарсонида телефонҳои ҳамроҳашонро гирифтааст. Ба қавли мақомот, Акбарҷони Назарзода, ба ҷавонони синни хидмати ҳарбӣ мегуфтааст, ки корманди комиссариат... Читать дальше...
Кумитаи рушди сайёҳии Тоҷикистон мегуяд, барои ҳалли як мушкили ҷиддии сокинон садҳо ташноб ва ҳоҷатхонаҳои умумӣ сохта, ба истифода доданд. Аммо суҳбати Радиои Озодӣ бо мусофирон ва мардуми оддӣ дар гӯшаҳои гуногун нишон дод, ки нигаронӣ аз камбуди ташноб ва вазъи бади онҳо зиёд аст.
Кабӯтари чолоктарини олам ба нархи 1,6 миллион евро фурӯхта шуд.
Пас аз мулоқоти тақрибан 3 соати ҳайатҳои Тоҷикистону Қирғизистон вазирони хориҷии ду кишвар Барномаи ҳамкориҳо миёни вазоратҳои хориҷии Тоҷикистон ва Қирғизистон барои солҳои 2021-2022-ро ба тасвиб расонданд. Вохӯрии ҷонибҳо рӯзи 19-уми ноябр дар Душанбе баргузор гардид ва ҷузъиёти барномаи нави ҳамкорӣ дар ҳузури расонаҳо гуфта нашуд. Сироҷиддин Муҳриддин, вазири умури хориҷӣ дар оғози мулоқоти ҳайатҳо, таъкид кард, ки масоили муҳими равобити миёни Тоҷикистону Қирғизистон, аз ҷумла муайян ва... Читать дальше...
Вазирони корҳои хориҷии Тоҷикистону Қирғизистон рӯзи 19-уми ноябр масоили ҳамкорӣ ва бахусус таъйину аломатгузории марзи ду кишварро баррасӣ кардаанд.
Додгоҳи шаҳри Ярославли Русия 11 посбони собиқи зиндоне дар ин шаҳрро бо гуноҳи азобу шиканҷаи маҳбусон ба зиндон маҳкум кардааст.
Сафари вазири корҳои хориҷии Қирғизистон ба Душанбе, пешниҳоди афви ҳуқуқии муҳоҷирони кории муқим Русия, 500 муҳоҷири тоҷик дар Русия кореро анҷом доданд, ки таҷҳизоти муосир натавонист ба сомон расонад, кабӯтаре ба нархи 1,6 миллион евро ва матолиби дигар.
Ноҳияи Рӯдакӣ, ки шаҳри Душанберо аз се самт оғӯш гирифтааст, дар панҷ соли охир бо хабарҳои тақсими ғайриқонунӣ ва фурӯши замин шӯҳрат ёфтааст. Инро бори аввал соли 2017 президенти Тоҷикистон Эмомалӣ Раҳмон эътироф кард
Мақомоти Австралия гуфтанд, дар ҷараёни таҳқиқи чаҳорсола иттиҳомоти “бисёр изтиробангез”-ро ошкор кардаанд, ки неруҳои вижаи кишвар 39 зиндонии афғонро худсарона куштаанд.
Имрон Хон нахуствазири Покистон барои дидору гуфтугу бо Ашраф Ғанӣ, раиси ҷумҳури Афғонистон рӯзи 19-уми ноябр вориди шаҳри Кобул шуд.
Додгоҳе дар шаҳри Душанбе амр додааст, ки Абдумалиқ Қодиров, мудири собиқи дафтари “Интернюс”, як созмони амрикоии ҳомии матбуот ба вазифааш барқарор карда шавад.
Маҷлиси намояндагони Конгресси ИМА дар робита ба қазияи заҳролудшавии мухолифи рус Алексей Навалний қатъномаеро ба тасвиб расонд. Қонунгузорони амрикоӣ аз Вашингтон даъват карданд, ки ба хотири ин қазия зидди Русия таҳрим эълом шавад. Қатъномаи қабулшуда хусусияти тавсиявӣ дорад. Ахиран, 18 ноябр маълум шуд, ки Хадамоти федеролии амнияти Русия (ФСБ) аз боз кардани парванда дар мавриди истифода шудани силоҳи кимиёӣ зидди Навалний худдорӣ кард. Бунёди мубориза бо фасоди мухолифи рус барои таҳқиқи қазияи заҳролудшавӣ ба ФСБ муроҷиат карда буд. Читать дальше...
Эмомалӣ Раҳмон, раиси ҷумҳури Тоҷикистон яке аз додрасҳо дар вилояти Суғд дар шимоли кишварро аз кор рондааст.
Пулиси молии Қирғизистон хабар дод, ки О.Б., мудири пешини Театри академии опера ва балети кишварро ба далели сӯистифода аз мақоми хизматӣ боздошт кардааст. Пулиси молӣ хабар дод, ки мудири пешин шартномаеро имзо кардааст, ки дар натиҷа будҷаи Қирғизистон дар ҳаҷми бештар аз 1 млн сом (муодили тақрибан 150 ҳазор сомонӣ) зиён дидааст. Додгоҳи ноҳияи Якуми майи шаҳри Бишкек ӯро имрӯз ба ҳабси пешакӣ гирифт. Тафтишот аз рӯи ин ҳодиса идома дорад
Мақомот дар Бадахшони Афғонистон таъйид карданд, ки вулусволӣ ё ноҳияи Моймайи ин вилоят ба дасти гурӯҳи Толибон афтодааст. Ин ноҳия дар рӯбарӯи Дарвози Тоҷикистон воқеъ аст. Мақомоти маҳаллии Бадахшон қаблан аз эҳтимоли суқути ин минтақа ба дасти Толибон ҳушдор дода буданд. Комбиз Қурбонӣ, раиси ноҳияи Моймайи Бадахшони Афғонистон ба Радиои Озодӣ гуфт, ки соатҳои панҷи субҳи рӯзи панҷшанбеи 19-уми ноябр гурӯҳи Толибон аз чанд тараф ба маркази ин ноҳия юриш бурда, пас аз чанд соат даргирӣ онро тасарруф карданд. Читать дальше...
Барак Обама, раиси ҷумҳури собиқи Амрико, дар китоби наваш Владимир Путин, раиси ҷумҳури Русияро ба раҳбари ҳукумате монанд кардааст, ки ба гуфтаи ӯ мисли “ташкилоти ҷиноӣ” аст”, ки асрҳои 19 ва аввали асри 20 дар шаҳрҳои Амрико мудирият мекарданд. Ба навиштаи Барак Обама, он раҳбарон сарпарастӣ ва ришвахориро “абзори қонунии тиҷорат” медонистанд. Раиси ҷумҳури собиқи Амрико навиштааст, Путин як кишваре сохтааст, ки “аз он битарсанд, на бо он рақобат кунанд” ва афзудааст, шояд Русия барои ҳеҷ... Читать дальше...
Бозиии дӯстонаи дастаи футзали Тоҷикистон бо мунтахаби Қирғизистон дар пойтахти Ӯзбекистон шаҳри Тошканд баргузор шуд, дар пеш бозӣ бо дастаи Ӯзбекистон
Дастаи мунтахаби футзали Тоҷикистон бозии дӯстонаро бо тими миллии Қирғизистон бо ҳисоби мусовии 1:1 анҷом дод. Ин бозӣ рӯзи чоршанбеи 18-уми ноябр дар маҷмааи варзишии АГМК-и шаҳри Олмалиқи Узбекистон баргузор шуд. Голи мунтахаби Тоҷикистонро Алишер Сафаров ба самар расонид. Ӯ ба голи Юлдошбой Салимбоев дар охири нимаи аввали бозӣ посух дода, ҳисобро баробар кард – 1:1. Дар 20 дақиқаи нимаи дувуми дидор ҳисоб тағйир наёфт. Бозии дӯстона Қирғизистон – Тоҷикистон – 1:1 Голҳо: Юлдошбой Салимбоев, 6 (1:0). Читать дальше...
Бар асари боридани барфи зиёд ҳаракати мошинҳои калони борбар дар шоҳроҳи Душанбе-Чаноқ, ки маркази Тоҷикистонро бо шимоли кишвар мепайвандад, манъ карда шудааст. Шаби 18 ба 19-уми ноябр дар аксари минтақаҳои Тоҷикистон, аз ҷумла дар шаҳри Душанбе, ноҳияҳои атрофи пойтахт ва вилоятҳои Суғду Хатлон барф борид. Ҳавошиносони тоҷик эҳтимоли сард шудани ҳаво ва боридани барфро дар ин рӯзҳо пешбинӣ карда буданд. Ба иттилои Маркази ҳавошиносии Тоҷикистон, сардиҳо то рӯзи 21-уми ноябр идома мекунад. Дар... Читать дальше...
Бар асоси омори Донишгоҳи Ҷон Ҳопкинс, шумори қурбониёни коронавирус дар Амрико рӯзи чаҳоршанбе аз 250 ҳазор нафар гузашт.
Дар назди бинои шаҳрдории Нурсултони Қазоқистон сарфи назар аз сард будани ҳаво ду ҳамоиши эътирозӣ - тазоҳуроти хонаводаҳои дорои фарзанди маъюб ва табибоне баргузор шуд, ки пардохти иловапулиро талаб доранд. Кормандони "Ёрии таъҷилӣ"-и пойтахти Қазоқистон аллакай се моҳ мешавад, адолатро ҷустуҷӯ доранд. Онҳо мегӯянд, аз аввали тирамоҳ иловапулиро барои кор бо мубталоёни коронавирус дарёфт накардаанд. Мақомоти қазоқ гуфтаанд, онҳо дигар бо гирифторони вирус тамос надоранд ва бинобар ин, пардохти изофапулӣ қатъ шудааст. Читать дальше...
