Шуъбаи корҳои дохилии шаҳри Ҳисор Маҳмурод Одинаев, муовини раиси Ҳизби сотсиал-демократи Тоҷикистонро таҳти ҷустуҷӯ қарор додааст. Маъмурони милиса мегӯянд, ӯ панҷ рӯз пеш барои суолу ҷавоб дар бораи амалҳои писараш ба шуъба даъват шуда буд, аммо ҳозир нашуд.
Ба иттилои расмӣ, дар шабонарӯзи ахир дар Тоҷикистон 39 мавриди дигари гирифторӣ ба коронавируси навро сабт кардаанд.
Хабаргузориҳои Русия дар бораи ин дидор ҷузъиёти зиёд наовардаанд. Аз ҷумла, маълум нест, раиси Маҷлиси Миллии Маҷлиси Олии Тоҷикистон ва шаҳрдори Душанбе Рустами Эмомалӣ бо раиси Шӯрои Федератсияи Русия Валентина Матвиенко масъалаҳои марбут ба муҳоҷирони тоҷикистониро баррасӣ кардааст ё на.
Тоҷикистон ният дорад, дар соли 2021 аз кишвару созмонҳои хориҷӣ, аз ҷумла барои идомаи сохтмони нерӯгоҳи "Роғун", 562 миллион доллар қарз бигирад.
Узбекистон барои ҳар шаҳрвандаш як моя (доза)-и ваксинаи зидди COVID-19 супориш додааст. Дар ин бора нашрияи The Economist хабар дод.
Дар Қирғизистон ба зидди қабули тарҳи нави Конститутсия имзо ҷамъ меоранд. Дар ин бора рӯзи 23-юми ноябр ташаббускорони ҷамъоварии имзо хабар доданд. Ҷамъоварии имзо дар сомонаи www.stop-referendum-kg.com сурат мегирад.
29 сол пеш, дар ҳамин рӯз, бори аввал тавассути интихоботи умумимардумӣ дар Тоҷикистон раиси ҷумҳур интихоб карданд.
29 сол пеш, рӯзи 24-уми ноябри соли 1991, бори аввал дар интихоботи умумимардумӣ раиси ҷумҳури Тоҷикистонро интихоб карданд. Ҳарчанд Раҳмон Набиев як сол кор кард ва баъдан зери фишор истеъфо дод, ҷонибдоронаш ин интихоботро "танҳо раъйдиҳии озоду демократӣ дар Тоҷикистон" унвон мекунанд. Мухолифонаш "интихоботи пур аз тақаллуб, қонуншиканӣ ва суистифода аз имкониятҳо" медонанд.
Додгоҳи ноҳияи Якуми майи шаҳри Бишкек 20 ноябр раиси Бунёди иҷтимоии Қирғизистон Медер Ирсалиевро то 17 январи соли 2021 ҳабс кард.
Таркиш дар ноҳияи Қибрайии вилояти Тошканди Узбекистон, ки дар натиҷаи он падару писаре фавтиданд, ба далели таъмири бесифати лӯлаи газ рух додааст. Рӯзи 23 ноябр Додситонии кулли Узбекистон дар пайи ин ҳодиса парвандаи ҷиноӣ боз кардааст. "Дар натиҷаи тафтишот муайян шуд, ки таъмири лӯлаи газ дар наздикии манзилҳои зист бе сифат сурат гирифта ва ин боиси таркиш шудааст", - хабар медиҳад Додситонии кулли Узбекистон. Мақомоти он кишвар мегӯянд, лӯлаи газ сурох ва дар таҳхонаи манзили баландошёна газ ҷамъ шуда... Читать дальше...
Радиои Озодӣ рӯйхати қурбониёни коронавирус ва илтиҳоби шушро барои нашр омода кард. Дар ин бора Каюмарси Ато тафсилот дорад.
Мақомоти Русия мегӯянд, дар шароити пандемия низоми беҳдошти Русия дар режими бисёр сангин кор мекунад, вале, ба таъкиди мақомот, вазъият таҳти назорат аст. Дар ин бора сухангӯи Кремлин Дмитрий Песков рӯзи 24-ми ноябр дар нишасти матбуотӣ дар Маскав гуфт. “Вазъи эпидемиологӣ то рафт сангинтар мешавад. Ин як чолиши беҳдоштӣ аст, ки ҳамаи кишварҳои ҷаҳон бо он рӯбарӯ шуданд. Дар таърихи навтарин инсоният бо чунин чолишҳо рӯбарӯ нашудааст. Низоми беҳдоштӣ дар як режими бисёр сарборӣ кор мекунад, вале... Читать дальше...
Шикояти омӯзгори мусиқӣ аз дағалгуфтории раҳбараш.
Рустам Акрамзода аз мансаби раиси ноҳияи Рӯдакӣ барканор шуд ва ба ҷойи ӯ Азизулло Исматзода таъин гардид. Дар фармони раиси ҷумҳур аз 24-уми ноябр гуфта шудааст, Акрамзодаро бо сабаби "ба вазифаи дигар гузаштан" аз мансаб гирифтанд, аммо худи ӯ гуфт, "ба ҳеч вазифаи дигар таъин накарданд".
Дар аввалин баёнияҳои шоҳидони куштори ҳашт низомӣ, ки дар он сарбоз Рамил Шамсуддинов айбдор мешавад, ҳамхидматҳояш аз шаклҳои бисёр сангину таҳқиромези меҳтарсолорӣ дар қисми низомӣ нақл карданд. Шамсуддинов баъди куштори моҳи октябри соли 2019 дар қисми ҳарбии Горнии минтақаи Забайкалеи Русия ба ҷавобгарӣ кашида шуд. Шоҳиди аввал Дмитрий Коновалов дар ҷараёни мурофиаи додгоҳии 23-юми ноябр гуфтааст, ки яке аз кушташудаҳо лейтенант Даниил Пянков Шамсуддиновро маҷбур мекард, ки ҳоҷатхонаву ҳаммомро тоза кунад. Читать дальше...
Президенти Афғонистон Ашраф Ғанӣ ҳушдор дод, ки ҳама гуна коҳиш дар ҳаҷми кӯмакҳои байналмилалӣ ба Афғонистон ба хадамоти ҷамъиятӣ, фаъолиятҳои иқтисодӣ ва мизони зиндагии мардум дар ин кишвар таъсири манфӣ мерасонад. Ғанӣ рӯзи 24-уми ноябр зимни суханронӣ дар ҷаласаи кишварҳову созмонҳои ёрирасони Афғонистон дар Женева гуфт, кӯмаки байналмилалӣ “на танҳо барои рушд, балки барои ҳифзи сулҳ муҳим аст”. Конфронси Женева ҳам бо роҳи онлайнӣ ва ҳам ҳузурӣ ҷараён мегирад ва ин дар ҳолест, ки ҳукумати... Читать дальше...
Афроди номаълум дар шаҳри Челябински Русия мошини як журналисти вебсайти хабарии мустақилро оташ заданд. Вебсайти Znak.com гуфт, ки хароб кардани мошини журналист Марина Малкова ба фаъолияти касбии ӯ рабт дорад. Ҳодиса шаби гузашта рух дод. Ба иттилои Znak.com, Малкова дар хона буд, ки ногаҳон садои баланди монанд ба таркишро шунид ва баъди он дид, ки мошинаш оташ гирифтааст. Дар наворҳои видеоӣ ду нафари ношиносе сабт шудаанд, ки аз макони сӯхтор фирор мекунанд. Нашрия гуфт, дар ҳоле, ки дар таваққуфгоҳ чанд мошини дигар ҳам истода буд... Читать дальше...
Бино ба фармонҳои нави раиси ҷумҳури Тоҷикистон, ки рӯзи 24-уми ноябр нашр шуд, раисони шаш шаҳру ноҳия иваз шудаанд.
Раҳбари ширкати азими ҳавоии Австралия тахмин кард, ки ширкатҳои интиқолдиҳандаи бор дар ҷаҳон эҳтимолан баъди дастрас шудани воксинаҳои зидди коронавирус аз мусофирон талаб кунанд, ки ҳатман санади эмкуниро пешниҳод кунанд. Алан Ҷойс, раҳбари кулли ширкати Qantas рӯзи 23-юми ноябр гуфт, ки дар сурати ҷорӣ шудани чунин қарор онҳо низ онро иҷро хоҳанд кард. Ҷойс дар сӯҳбат бо телевизиони маҳаллӣ гуфт, “Мо тағйироти қоидаву муқарраротро интизор ҳастем, то ки ба мусофирони парвозҳои байналмилалӣ бигӯем... Читать дальше...
Рустам Акрамзода рӯзи 24-уми ноябр аз мансаби раиси ноҳияи Рӯдакӣ барканор шуд. Худи ӯ дар суҳбати кӯтоҳ бо Радиои Озодӣ хабарро тасдиқ кард. Вай дар ин мансаб ду сол фаъолият дошт.
Бо вуҷуди ҳушдорҳои батакрори мақомот дар ИМА барои худдорӣ аз таҷлили ҷашни суннатии “Шукргузорӣ”, хатари нодида гирифта шудани ин даъватҳову афзоиши ҳодисаҳои олудашавӣ ба коронавирус вуҷуд дорад. Даҳҳо миллион амрикоиҳо мехоҳанд имсол ҳам ҷашнро дар ҳалқаи оилаву наздиконашон пешвоз гиранд. Дар қиёс бо ИМА, дар Мексикаи ҳамсоя бо сабаби пандемияи коронавирус калисои католикии Рум маросими азими зиёрати маконҳои муқаддаси динӣ дар Гваделупаро бекор кард. Дар Олмон мақомоти маҳаллӣ маҳдудиятҳои... Читать дальше...
Бебарқӣ ва сардии тақрибан як моҳи ахир зиндагӣ дар биноҳои баландошёнаро мушкилу тоқатфарсо ва сокинонро ба шинондани “печка” ё бухории бобоӣ маҷбур кардааст.
Додгоҳи вилояти Хатлон ба баррасии парвандаи як зан, ки чаҳор фарзанди ноболиғашро тариқи бӯғӣ кардан ба ҳалокат расонд, оғоз мекунад. Ҳодисаи қатли ин чаҳор ноболиғ рӯзи 9-уми сентябри соли ҷорӣ дар ҷамоати Ориёни ноҳияи Кӯшониён рух дода буд. Як масъули Додгоҳи вилояти Хатлон дар сӯҳбат бо Радиои Озодӣ гуфт, ки баррасии ин парванда рӯзи панҷшанбеи 26-уми ноябр оғоз мешавад. Ба гуфтаи манбаъ, нисбати Назокатхон Тоирова бо моддаи 104-и Кодекси ҷиноӣ, яъне "куштор" парванда боз шудааст. Таҳқиқотро додситонии вилоят анҷом дода... Читать дальше...
Рӯзи 24-уми ноябр Чин як киштии бесарнишинро ба кайҳон фиристод, то намунаҳое аз қишри Моҳро барои таҳқиқ биёрад. Истгоҳи "Чанъэ-5" бомуваффақият аз киштӣ ҷудо шуда ба мадори Замин ворид шуд. Интизор меравад, ки ковишгар ё киштии таҳқиқотии кайҳонӣ рӯзи якшанбе дар рӯи Моҳ фуруд меояд. Дар давоми ду ҳафта ковишгар бо ҷамъоварии намунаҳои хоку санги “Уқёнуси тӯфон” машғул мешавад, ки онро донишмандон баҳри азимтарин дар қишри Моҳ меноманд ва он дар қисмати дидашавандаи он ҷойгир аст. Қаблан ин ноҳияи Моҳ таҳқиқ нашуда буд. Читать дальше...
Президенти Кумитаи байналмилалии олимпӣ (КБО) Томас Бах дар саммити “Бистгонаи бузург” (G20), ки бо ташаббуси Арабистони Саудӣ ташкил ва тариқи онлайн сурат гирифт, суханронӣ кард. "Варзиш метавонад ҳаётро наҷот диҳад. Дар ҷараёни ин бӯҳрони коронавирусӣ, ҳамаи мо дидем, ки варзиш барои солимии ҷисмонӣ ва рӯҳӣ то чӣ андоза муҳим аст, - гуфт Бах ҳангоми суханрониаш дар саммит, ки онро сайти расмии КБО иқтибос овардааст. Созмони ҷаҳонии тандурустӣ инро бо имзои як созишномаи ҳамкорӣ бо КБО эътироф кардааст. Читать дальше...
