Қонунгузорони Чин тарҳи ҷанҷолбарангези амнияти миллӣ дар Ҳонгконгро баррасӣ мекунанд. Мунтақидон мегӯянд, ин қонун ҳуқуқи башарро дар Ҳонгконг ба чолиш хоҳад кашид. Лоиҳа дар нишасти хоси Конгресси миллии мардумии Чин рӯзи якшанбеи 28-уми июн баррасӣ шуд ва дар ду рӯзи оянда ҳам мавриди баҳс қарор хоҳад гирифт. Агар тавре ки интизор меравад лоиҳа сешанбеи оянда қабул шавад, ҳаргуна ҷудоиталабӣ, ба чолиш кашидани қудрати давлат ва забон як кардан бо нерӯҳои хориҷиро гуноҳ арзёбӣ хоҳад кард.
Сафири Тоҷикистон дар Маскав баъд аз анҷоми ду парвози ғайринақшавӣ аз Маскаву Қазон ба Душанбе нархи расмии билетҳоро барои парвози чартерӣ аз Русия ба Тоҷикистон эълон кард.
Сафири Тоҷикистон дар Маскав нархи расмии билетҳоро барои парвози чартерӣ аз Русия ба кишвар эълон кард. Имомуддин Сатторӣ 28-уми июн дар суҳбати телефонӣ бо Радиои Озодӣ гуфт, феълан қимати билетҳо аз 23 то 24 ҳазор рубли русӣ аст ва дар муқоиса ба нархи пешина “чандон гарон нест”.
Тоҷикистон барои коркарди тило ба ширкати чинии ТВЕА иҷозатнома додааст. Дар ин бора охири ҳафта Маркази таҳқиқоти иқтисодии Чин "Тонгҳуашун" хабар дод. Марказ дар сомонаи расмии худ навишт, ширкати ТВЕА ба коркарди тилои Кумарғи Боло ва Дуобаи Шарқӣ иҷозатнома (сертификат) гирифт. “Қарор буд ширкат сохтмони лоиҳаро аз баҳори соли 2020 шуруъ кунад, вале пандемияи коронавирус ҷараёни иҷрои лоиҳаро суст кардааст. Сохтмони лоиҳа аз рӯи нақша якуним солро дар бар мегирад. Агар густариши вирус ба кори ҳамлу нақли таҷҳизот халал нарасонад... Читать дальше...
Шумори гирифторони бемории COVID-19 дар ҷаҳон рӯзи 28-уми июн аз марзи 10 миллион нафар гузашт. Тақрибан ним миллион кас ҷон бохта, зиёда аз 5 миллион нафар шифо ёфтаанд. Теъдоди бештари гирифторонро дар Амрикову Бразилия ва Русия сабт карданд.
Дар деҳаи Чорбоғи ноҳияи Хуросон сохтмони беш аз 60 хона барои мардуми аз сел зарардида ҷараён дорад. Ҳар рӯз чанде аз омӯзгорону кормандони идораҳои дигари давлатӣ ва сокинон ба он ҷо рафта, хишт болои хишт мегузоранд, ки то фаро расидани сардиҳо зарардидагонро аз хаймаҳо ба хонаҳои нав кӯчонанд.
Дар Ишқобод ва шаҳрҳои дигари Туркманистон варақаҳои зиддиҳукуматӣ бо аксҳои президент Қурбонқулӣ Бердимуҳаммадов ва навиштаҳои "Гум шав!" (Güm bol!) ва "Дузд" (Ogry) пайдо шудааст. Намояндаи гуруҳи ташаббускоре, ки варақаҳоро паҳн мекунад, ба оҷонси Turkmen.news гуфтааст, "косаи сабри мардум лабрез шуд". Вай афзудааст, дарк мекунанд, ки амалашон хатарнок аст ва дар сурати боздошт ҷазои сахт хоҳанд гирифт, "вале таҳаммули ин режим ва бетараф будан дигар номумкин аст." Туркманистон яке аз кишварҳои пӯшида дар Осиёи Марказӣ аст. Читать дальше...
Дар тирандозӣ дар аёлати Калифорнияи Амрико ду кас куштаву дастикам чаҳор нафари дигар захмӣ шуданд. Тирпарронӣ 27-уми июн дар фурӯшгоҳи Волмарт рӯй дод. Кормандони ҳолатҳои фавқулода, ки ба ҷойи ҳодиса фиристода шудаанд, ба расонаҳо гуфтанд, марди ҳамлавар бо силоҳ муҷаҳҳаз буд. Шахси гумонбар захмӣ аст ва ба шифохона бурда шудааст. Ҳангоми ҳодиса дар бино ҳудуди 200 нафар ҳузур доштанд.
Яҳудиёни эронитабори Исроил бахши муҳим ва таъсиргузори ҷомеаи ин кишвар ҳастанд. Гуруҳе бо вуҷуди доштани шаҳрвандии Исроил, ҳамчунон пайвандҳои амиқе бо Эрон доранд ва ҳанӯз худро эронӣ ва дилбастаи Эрон медонанд. Ҳасани Сарбахшиён, аккос ва мустанадсоз, дар филми "Аз Теҳрон то Байтулмуқаддас" ба зиндагии наслҳои гуногуни эрониҳои муқими Исроил нигоҳе кардааст. Филмро дар ин ҷо бинед.
Русия аз моҳи январ то марти имсол ба 161,170 кас шиноснома тақдим кард. Ин дар муқоиса ба ҳамин давраи соли гузашта ду баробар зиёдтар аст. Моҳи апрел президенти Русия Владимир Путин қонунеро имзо кард, ки то 10 миллион шаҳрванди навро ҷалб мекунад. Чаро?
Амонулло Қодиров, ҳунарпешаи мардумии Тоҷикистон, субҳи 28-уми июн дар 75-солагӣ даргузашт. Вай хатмкардаи Донишкадаи давлатии санъати театрии ба номи Луначарскийи шаҳри Маскав буда, зиёда аз сӣ сол дар Театри ҷавонони ба номи Маҳмудҷон Воҳидови шаҳри Душанбе кор кардааст. Амонулло Қодиров дар намоишномаҳои театрии "Дон Жуан", "Умри ҷовид", "Якпула савдо, садпула ғавғо", "Робиаи Балхӣ", "Тобистони гузашта дар Чулим" ва филмҳои "Субҳи Ганг", "Достони Сиёвуш", "Ҳафт арӯси дуздидашуда", "Хоби хирси сафед" ва ғайра нақшҳои намоён офаридааст. Читать дальше...
24 муҳоҷири тоҷик дар боздоштгоҳи муваққатӣ дар минтақаи Мордовияи Русия даст ба гуруснанишинӣ задаанд. Онҳо солҳои дароз дар зиндон буданд ва моҳи апрел муҳлати ҳабсашон ба поён расид, аммо ба далели баста будани марзҳо натавонистанд ба кишвар интиқол ёбанд.
Маросими видоъ ва дафни Абдураҳим Дӯстматов, машҳур бо номи Мулло Абдураҳим (Қаландар), рӯзи 27-уми июн бо ҳузури садҳо нафар дар зодгоҳаш ҷамоати Понғози ноҳияи Ашт баргузор шуд. Ӯ 23-юми июн дар 63-солагӣ дар шаҳри Ижевски Русия даргузашт. Мулло Абдураҳим дар яке аз наворҳои пеш аз маргаш гуфта буд, мумкин аст, ҷасадаш дар Ижевск бимонад, вале дертар тобути ӯро аз Русия ба Тоҷикистон фиристоданд. Яке аз иштирокдорони маросими видоъ бо ӯ дар ҷамоати Понғози Ашт гуфт, "мардуми зиёде ҷамъ омада буд. Читать дальше...