Вазорати корҳои хориҷии Тоҷикистон ҷадвали парвозҳои чартериро аз Русия ба Тоҷикистон нашр кард. Мақомот гуфтанд, ки аз 25-уми июн то 14-уми июл бо ҳашт парвози ғайринақшавӣ аз Маскаву Санкт-Петербург, Екатеринбург ва Новосибирску Қазон даҳҳо нафарро ба ватан бармегардонанд. Парвозҳои чартерӣ аз тарафи ҳавопаймоҳои ширкати "Сомон Эйр" ва "Тоҷик Эйр" анҷом мешаванд. Ҳавопаймоҳо аз Душанбе ба Русия рафта, ҳангоми бозгашт шаҳрвандонро меоранд, вале шаҳрвандони Тоҷикистонро ба Русия намебаранд. Ҷадвали парвозҳо чунин аст... Читать дальше...
Фаъолияти якҷояи хешовандони наздикро дар бонкҳои Тоҷикистон манъ карданд. Мақомот гуфтанд, ин кор яке аз сабабҳои ба буҳрон печидани ду бонки калонтарин мебошад. Ҷамшед Нурмуҳаммадзода, раиси Бонки миллӣ, рӯзи 24-уми июн дар порлумон гуфт, ба хотири кам кардани хавфҳои бонкӣ фаъолияти хешовандони наздик дар бонкҳо манъ аст. Ба гуфтаи Нурмуҳаммадзода, акнун хешовандони наздик наметавонанд дар вазифаи узви шӯрои нозирон, раис, муовинони ӯ, узви раёсат, сараудитор, сармуҳосиб ё хазинадори ташкилоти қарзӣ якҷоя кор кунанд. Читать дальше...
Омори ба андозаи зиёд фарқкунандаи COVID-19 дар Тоҷикистон – маълумоти расмӣ, рӯйхати ғайрирасмӣ дар интернет ва паёму видеоҳои корбарон, пурсишеро пеш меорад, ки кадоме дурусттар аст.
Сухангӯи президенти Русия Дмитрий Песков изҳороти раиси ҷумҳурии Беларус Александр Лукашенкоро дар бораи дахолати Кремл ба интихоботи кишвараш рад кард. Песков гуфт, ҷонибе, ки чунин айбмонӣ мекунад, “пеш аз ҳама бояд далел пешкаш кунад”, вале чунин далел вуҷуд надорад. Песков гуфт, “дар робита бо таҳқиқоти дохилӣ бошад, худоро шукр, мо дар Вашингтон зиндагӣ намекунем”. Рӯзи 25 июн президенти Беларус Лукашенко дар бораи дахолати Русияву Полша ба умури дохилии кишвараш сӯҳбат кард. Ҳеҷ шарҳе дар ин замина надод... Читать дальше...
Ду созмони ҳомии ҳуқуқи инсон мегӯянд, телевизиони давлатии Эрон дар солҳои 2009 то 2019 ҳадди аққал 355 ҳолати эътирофи ҷиноятро намоиш додааст, ки барои эҷоди фазои тарс аз дигарандешӣ равона шудааст. Гузориши рӯзи 25 июн нашршуда таҳқиқоти муштараки созмони “Адолат барои Эрон”, мақарраш дар Лондон ва Федератсияи байналмилалии ҳуқуқи башар, қароргоҳаш дар Париж мебошад. Гузориш мегӯяд, ки ин таҷрибаи қадимии режими ҷумҳурии исломӣ барои таҳти назорати додситонҳо ва бо ширкати ТВ-и давлатӣ маҷбур... Читать дальше...
Бо қарори президенти Қазоқистон рӯзи 25 июн вазири беҳдошти ин кишвар Елжан Биртанов аз мақомаш озод ва ба ҷои ӯ Алексей Тсой таъин шуд. Биртанов дар ин мақом се сол кор кард, вале сабаби расмии барканории ӯ нашр намешавад. Рӯзи 14 июн Биртанов гуфт, ки ба коронавирус олуда шудааст ва баъди чанде маълум шуд, ки пневмония дорад. Вазорати беҳдошт таҳти раҳбарии Биртанов тадбирҳои зидди паҳншавии COVID-19-ро амалӣ мекард. Аввалин ҳодисаҳои олудагӣ ба коронавирус дар Қазоқистон расман дар моҳи март расонаӣ шуд. Читать дальше...
Додгоҳе дар ниҷазираи Қрими таҳти контроли Русия мурофиаи пешакии пешвои тоторҳои Қримро дар ғайбаш ба таъхир гузошт. Мустафо Ҷемилов як дигарандеши даврони шӯравӣ ва мухолифи сарсахти ишғоли нимҷазираи Украина дар соли 2014 мебошад. Никола Полозов, вакили дифои Ҷемилев гуфт, додгоҳ бояд рӯзи 25 июн дар шаҳри Армянск шурӯъ мешуд, вале бо сабаби ин ки на айбдоршаванда ва тими ҳимоятгари ӯ аз додситонӣ дар бораи иттиҳомоти зидди Ҷемилев ҳеҷ санади расмӣ дарёфт накардаанд, мурофиа ба 9 июл таъин шуд. Читать дальше...
Ҷасади бесаре, ки дар ноҳияи Кирови вилояти Ленингради Русия пайдо гардид, шаҳрванди Ӯзбекистон будааст. Дар ин бора расонаҳои русӣ бо такя ба Кумитаи тафтишотии Русия дар вилояти Ленинград хабар доданд. Бино ба хабарҳо, ҷасадро як хонандаи синфи 11, ки 15 июн дар дарёи Мгаи ноҳияи Киров оббозӣ дошт, пайдо кардааст. Ӯ дар ин бора ба пулис хабар дод. Дар ҷараёни тафтиш маълум гардидаааст, ки ҷасади бе дасту по ва сар, аммо бо синаи сунъӣ ба мард таалуқ дорад. Ташхиси судӣ-тиббӣ муайян кардааст,... Читать дальше...
Дар ИМА рӯзи 24 июн шумори рекордии сокинони олудашуда ба коронавирус – 34,700 нафар ба қайд гирифта шуд. Ин омор аз моҳи апрел ба ин сӯ баландтарин ба ҳисоб меравад. Афзоиши фавқулоддаи шумори олудашавиҳои нав аз сӯе ба тавсеаи тестҳои санҷишӣ дар кишвар рабт дорад, вале нигаронӣ аз он ҷост, ки беш аз як моҳ дар кишвар поинравии нишондодҳо мушоҳида мешуд. Волии Техас аз мардум тақозо кард, ки дар хона бимонанд, чунки давлат дар муқобили хатари “олудашавии оммавӣ” аст, дар Аризона мақомот пӯшидани ниқобро талаб карданд. Читать дальше...
Михаил Саакашвилӣ, президенти пешини Гурҷистон нақл кард, ки роҳбари пешини Туркманистон Сафармурод Ниёзов дар як ҷаласаи кишварҳои узви Иттиҳоди давлатҳои мустақил (ИДМ) дар ҳузури дигарон вазиронашро чи гуна таҳқир карда буд. Саакашвилӣ, ки айни ҳол раисии кумитаи иҷроияи Шӯрои миллии ислоҳоти Украинаро бар дӯш дорад, таҳқири вазирони туркманро дар мусоҳибаи рӯзноманигор Дмитрий Гордон ёдовар шуд. Вай гуфт, дар ҷаласаи ИДМ Ниёзов вазиронашро маҷбур карда буд, ки чорпо биистанд ва "мисли саг" ба онҳо қанд дода буд. Читать дальше...
Бозии рафиқона миёни тими Тоҷикистону Ӯзбекистон мебоист моҳи апрел баргузор шавад. Вале ба далели авҷи маризии коронавирус ин бозӣ ба таъхир афтод
Мақомоти марзбонии Қирғизистону Узбекистон рӯзи 24 июн дар деҳаи Чашмаи ноҳияи Қадамҷои Қирғизистон мулоқот карданд. Ба иттилои Хадамоти марзбонии Қирғизистон, мулоқот дар ҳоле баргузор шуд, ки марзбонони Узбекистон ахиран дар назди чашмаи деҳаи Чашмаи ноҳияи Сӯх талоши муайянсозии марзро кардаанд. Ҷониби Қирғизистон гуфтааст, ҳама гуна иқдомҳо дар минтақаи мазкур бояд бо созиш ва розигии тарафайн анҷом шаванд. "Ҷониби Узбекистон бо хулосаҳои ҷониби Қирғизистон розӣ шуд. Дар поёни мулоқот тасмим шуд... Читать дальше...
Дар Русия рӯзи 25 июн овоздиҳӣ барои тағйири конститутсияи кишвар шурӯъ шуд, ки ба президенти амалкунанда Владимир Путин ҳақи тамдиди қудрат ба 12 соли дигарро фароҳам мекунад. Нуқтаҳои раъйдиҳӣ дар тамоми 14 минтақаи Русия субҳи 25 июн боз шуданд ва қарор аст овоздиҳӣ дар саросари Русия ҳафт рӯз идома кунад. Кишваре, ки бо пандемияи коронавирус дастбагиребон аст, раъйдиҳии ба 1 июл таъиншударо қарор кард дар ҳафт рӯз баргузор кунад. Овоздиҳӣ, ки бо ширкати шумори зиёди мардум мегузарад, мавриди нигаронии мақомоти беҳдоштӣ шуд. Читать дальше...
Зарбаи коронавирус ба телефонҳои ҳамроҳи сокинони Тоҷикистон.
Абдуллоҳ Ҳотӣ, нахуствазири Косово аз ширкат дар гуфтугӯ бо президенти Сербия Александр Вучич дар Вашингтон, ки бо миёнҷигии ИМА ба рӯзи 27 июн таъин шуда буд, даст кашид. Таҳаввулот дар ҳолест, ки рӯзи гузашта додраси додгоҳи Гаага президенти Косово Ҳошим Тачӣ, раиси собиқи парлумон Қадрӣ Весели ва “дигарҳоро” барои нақшашон дар ҷангҳои Косово дар солҳои 1998-99 дар “ҷиноятҳои ҷангӣ” ва “ҷиноят алайҳи башарият” гумонбар донист. Ҳотӣ рӯзи 25 июн аз шаҳри Брюссел, ки он ҷо қарор буд бо мақомоти аврупоӣ гуфтугӯ мекард... Читать дальше...
Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Фазои сиёсии Тоҷикистон дар назари аввал интихоботӣ наменамояд. Оре, рақобати байни ҳам ва муаррифии барномаву шахсияту аҳзоби сиёсиро, ки хос ба як соли сиёсӣ аст, эҳсос намекунем. Танҳо Саидҷаъфар Усмонзода, раиси Ҳизби демократ буд, ки пеш аз интихоботи парлумонӣ дар шабакаҳои иҷтимоӣ хеле фаъол гардид. Вале пас аз ин маърака ва вакил шуданаш, ӯ ҳам хомӯширо беҳтар донист. Инро мешавад то ҷое ба вазъи саломатии демократи №1 нисбат дод... Читать дальше...
Фаъолони боздоштшудаи "Гурӯҳи 24" дар додгоҳи Маскав муҳокима мешаванд, шумори зиёди чароғакҳои раҳнамои Кӯлоб хомӯш шудаанд, сокинони як маҳаллаи ноҳияи Рӯдакӣ санади сабтином надоранд ва поксозии санитарии давраи сирояти коронавирус боиси вайрон шудани телефонҳои мобил шудааст.
Донишманди маъруфи афғон Наҷиб Моили Ҳиравӣ аз наздик ба 50 сол дар ҳамсоякишвари Эрон зиндагӣ мекунад ва хизматҳои қобили мулоҳизае дар нусхашиносии қадими форсӣ, таҳқиқи адабиёт ва тасаввуфи исломӣ анҷом додааст. Ин донишманди 68-солаи зодаи Ҳирот дар ғарби Афғонистон, хонуми эронӣ дорад ва ду писараш дар Эрон ба дунё омадаанд. Аммо бо танҳо иқомати муваққатӣ, Наҷиб Моили Ҳиравӣ барои даҳсолаҳо аст, ки дар тарси ҳамешагӣ аз ихроҷ аз ин кишвар зиндагӣ кардааст. Эрон ба таври маъмулӣ шуморе аз муҳоҷирони афғонро... Читать дальше...
Поккории ҳудуди қисми низомӣ дар шаҳри Ариси Қазоқистон, ки соли гузашта дар онҷо анбори аслиҳа таркид, то панҷ сол вақт мегирад. Дар ин бора Асилбек Сатвалдинов, сардори раёсати ақибгоҳ ва таслиҳотии неруҳои мусаллаҳи Қазоқистон хабар дод. Ба гуфтаи вай, поккорӣ дар маркази таркиш идома дорад. "Дар бораи поёни поккорӣ сухан гуфтан барвақт аст", - афзуд Сатвалдинов рӯзи 24 июн. "Ҳудуди таркиш бештар аз 500 га заминро дар бар мегирад",-гуфт вай. "Поккории сатҳӣ дар майдони бештар аз 133 га анҷом шудааст. Читать дальше...
Аз 25-уми июн Тоҷикистон бо ҳашт парвози чартерӣ шаҳрвандони ниёзмандашро аз Русия ба ватан бармегардонад. Мақомоти Тоҷикистон гуфтанд, Русия барои иҷрои парвозҳо иҷозат додааст, аммо нархи билет расман маълум нест.
Сарбози говдузд ҷазо гирифт. Модараш мехоҳад фармондеҳаш ҳам ҷазо гирад
Лаҳистон аз Иёлоти Мутаҳҳида хост, ки шумори сарбозони амрикоиро дар ҳудуди кишвар бештар кунад. Дар ин бора рӯзи чаҳоршанбе дар як нишасти хабарии муштарак президентҳои ду кишвар иттилоъ доданд. Анҷей Дуда, президенти Лаҳистон нахустин роҳбари хориҷӣ аст, ки Кохи Cафед баъди хуруҷи коронавирус қабул мекунад. Трамп дар ҳузури хабарнигорон гуфт, бо беқарорӣ мунтазири бастани созишномаи ҳамкориҳои низомӣ бо Варшава аст. Вай ёдовар шуд, ки соли гузашта ду эъломияи муштараки амниятӣ ба имзо расида буд. Читать дальше...
Вазорати тандурустии Қазоқистон ахиран иттилоъ дод, ки дар ин кишвар 7 тани дигар аз вируси корона фавтидааст. Дар маҷмуъ дар он кишвар 134 ҳолати фавт аз вируси корона сабт шуд. Ахиран шумори касоне, ки талош доранд, бидуни тавсияи табибон аз ташхиси коронавирус гузаранд ва табобат гиранд, афзоиш ёфтааст. Аз субҳи барвақт пушти дари ташхисгоҳҳои хусусӣ дар шаҳри Алматои Қазоқистон навбатпойии тӯлонӣ дида мешавад. Касоне, ки бо тавсияи табибон инҷо омадаанд, хеле каманд. Аксарият довталабона барои супоридани санҷиши коронавирус омадаанд. Читать дальше...
Александр Лукашенко, президенти Белорус ба Қурмонбек Боқиев, президенти фирории Қирғизистон дар наздикии қароргоҳи президентии "Заславл-2" дар соҳили кӯли Минск ду қитъаи замин дод. Дар ин бора расонаҳои Белорус бо такя ба Руйхати ягонаи амволи ғайриманқули кишвар иттилоъ доданд. Як қитъаи замин ба Боқиев ҳамчун замини кишту кор рӯзи 17 март дода шудааст ва қитъаи замини дигар, ки низ ҳамон рӯзи 17 март ҷудо шудааст, барои сохтмони манзил пешбинӣ гардидааст. Қурмонбек Боқиев солҳои 2005-2010 президенти Қирғизистон буд. Читать дальше...
