Сирояти COVID-19 ба Тоҷикистон баррасии даҳҳо парвандаи гумонбарони узвият дар созмони мамнуи "Ихвон-ул-муслимин"-ро ба вақти дигар гузошт. Мақомот мегӯянд, ҳоло 70 парванда дар дасти додгоҳ аст. Дар ин байн наздикони боздошт ва маҳкумшудагон аз шеваи таҳқиқ ва ҳалномаи додгоҳҳо норозиянд.
Ду коргари нирӯгоҳи барқи обии Роғун ҳафтае пеш дар натиҷаи фаромадани ярч тақрибан 60 метр ба поён сарозер шуда, ба ҳалокат расидаанд. Масъулони ҷамъияти саҳомии нирӯгоҳи барқи обии "Роғун" дар ин бора расман иттилоъ намедиҳанд.
Гурӯҳе аз кормандони корхонаи "Талко Кемикал" (Талко - Кимиё) дар ноҳияи Ёвони вилояти Хатлон шикоят доранд, ки панҷ моҳ инҷониб маош нагирифтаанд ва дар шароити бади иқтисодӣ қарор доранд. Як масъули "Талко Кемикал" гуфт, масъала ба вазъи молии корхона рабт дорад.
Доналд Трамп, раиси ҷумҳури Амрико, рӯзи 7-уми июн амр додааст, 5 ҳазор аз сарбозони Горди миллиро аз Вашингтон берун баранд. Ин нерӯҳоро чанд рӯз пеш барои фурӯ нишондани тазоҳуроте ба ин шаҳр сафарбар карданд, ки баъди марги як марди сиёҳпӯст, ҳангоми боздошти маъмурони пулис сар зад.
Бо вуҷуди баста будани марзи Қазоқистону Узбекистон, дар давоми тақрибан як ҳафта 140 шаҳрванди Тоҷикистон дар гузаргоҳи сарҳадии Жибек Жоли ҷамъ омадаанд. Ин гурӯҳи дуюми шаҳрвандони Тоҷикистон аст, ки дар марз ҷамъ шуда, аз мақомот талаб доранд, барои бозгашташон ба ватан кумак расонанд. Дар миёни онҳо занон, аз ҷумла як зани ҳомила ҳам будааст. Таҷаммӯи гурӯҳи дуюми муҳоҷирон дар гузаргоҳи марзӣ баъди 3-юми июн мушоҳида мешавад. Гурӯҳи 237-нафарии муҳоҷирони дармондаро, ки бархе давоми ду моҳ мунтазир буданд... Читать дальше...
Бонки Осиёии Рушд барои бозсозии системаи обу корези шаҳри Душанбе беш аз 41 миллион доллар додааст. Дар марҳилаи аввал системаи корези ба истилоҳ ҷанубии пойтахтро як ширкати олмонӣ бозсозӣ мекунад. Мақомоти Душанбе мегӯянд, ширкатҳои ватанӣ ҳанӯз барои иҷрои чунин тарҳи бузург омода нестанд. Дар баёнияи Бонки Осиёии Рушд гуфта шудааст, ки системаи корези 10-километрии ҷанубии шаҳри Душанбе солҳои 1970 бунёд шуда, феълан корношоям шудааст. Ба иттилои бонк, дар қисмати болоии ин система дар атрофи... Читать дальше...
Мақомоти Ҷумҳурии Бошқирдистон ба мардуми тоҷик ва хонаводаи Ҳоҷимурод Қаландаров, ки ҳангоми наҷоти кӯдаки дар об ғарқшуда ҷони худро аз даст дод, изҳори таслият карданд.
Бино ба санади расмие, ки дастраси Радиои Озодӣ шуд, аз моҳи апрел то 22-юми майи имсол дар ҳудуди вилояти Хатлон 10 корманди тиб ҷони худро аз даст додаанд.
Менеҷери Ҳабиб Нурмуҳаммадов гуфт, эҳтимол дорад рақобати Гейҷӣ ва Ҳабиб моҳи сентябр баргузор шавад, вале то ҳол ин масъала ба пуррагӣ ҳал нашудааст
Ичликӣ-ғизоӣ камёб, вале хушмаззаи туркманҳои Афғонистон
Вазорати тандурустӣ ва ҳифзи иҷтимоии аҳолии Тоҷикистон эълон кард, ки шабонарӯзи гузашта дар кишвар 81 ҳолати гирифторӣ ба КОВИД-19 сабт шудааст. Ин вазорат шумораи фавтидаҳо аз замони эълони сирояти ин беморӣ дар рӯзи 30-юми апрел то 9-уми июнро 48 нафар гуфтааст. Ба иттилои Дафтари матбуоти вазорати тандурустии Тоҷикистон, аз замони эълони сирояти беморӣ, 2815 нафар ё 60 дар сади беморон шифо ёфтаанд. Мақомот шумораи умумии гирифторон ба ин бемориро 4690 нафар мегӯянд. Дар баёнияи Вазорати тандурустӣ омадааст... Читать дальше...
Бино ба арзёбии Бонки Ҷаҳонӣ, иқтисоди Тоҷикистон дар соли 2020 рушд намекунад, балки баръакс коҳиш ёфта, дар сатҳи ду дарсади зери сифр қарор мегирад.
Фиристодаи президент Доналд Трамп оид ба гуфтушунидҳои силоҳи ҳастаӣ гуфтааст, Иёлоти Муттаҳида ва Русия дар бораи вақт ва ҷойи музокирот дар бораи силоҳҳои ҳастаӣ дар ин моҳ ба созиш расиданд ва Чинро ҳам даъват карданд. Фиристодаи вижаи Амрико оид ба назорати аслиҳа Маршал Биллингслеа рӯзи 8-уми июн дар Твиттер навишт, "имрӯз бо муовини вазири корҳои хориҷии Русия Сергей Рябков дар бораи ҷой ва вақти гуфтушунидҳо оид ба яроқҳои атомӣ дар моҳи июн созиш карда шуд. Чин низ даъват гардид. Оё Чин... Читать дальше...
Бозорчаи мавсимӣ дар роҳ ба ноҳияи Бобоҷон Ғафуров.
Дар Маскав режими иҷозатнома (пропуск) хотима ёфт.
Ҳафтаи оянда бозорҳоии молу колои Душанбе боз мешаванд.
Раиси Комиссияи марказии интихоботи Беларус гуфт, дар изҳороти чанде пеши Александр Лукашенко, президенти кунунӣ ва бо гумони ғолиб номзади асосӣ дар интихоботи моҳи августи имсол, ҳеч таҳдидеро намебинад. Лукашенко рӯзи чаҳоруми июн дар суханроние хитоб ба мардуму мухолифон аз бесуботӣ дар чанде аз кишварҳои Шӯравии собиқ, аз ҷумла "тирборон кардани ошӯбгарон дар Андиҷон" ёд овард ва гуфт, кишварро "ба касе доданӣ нест". Баъди ин суханронӣ гурӯҳе аз Комиссияи марказии интихоботи Беларус хостанд... Читать дальше...
Додгоҳи вилояти Хатлон Муҳаммадсаид Акрамов, сархатиби масҷиди ноҳияи Восеъ ва 13 пайванди ӯро ба узвият дар созмони дар Тоҷикистон мамнӯи "Бародарони мусулмон" (Ихвон-ул-муслимин) гунаҳкор донист, аммо сархатибу се бародарашро шартан озод кард.
Маросим ё оини дафни Ҷорҷ Флойд, амрикоиии африқоиасле, ки аз зӯроварии пулис ба ҳалокат расид ва марги ӯ даъватҳои густардаи ислоҳоти низоми адлияи ИМА-ро барангехт, рӯзи 9 июн дар Ҳюстони Техас баргузор мешавад. Дафн дар ҳоле барпо мегардад, ки эътирозҳои зидди нажодпарастии ангезишёфта аз ин воқеа дар саросари ҷаҳон идома доранд. Ин тазоҳуроти гоҳе омехта бо хушунату зӯроварӣ ва сӯхтору ғоратгариҳо тақрибан ду ҳафта давом карда, акнун ба маҷрои оромтар даромаданд ва дар онҳо ба ислоҳи кори пулис... Читать дальше...
Ҳаҷвнигорони Узбекистон аз кормандони Раёсати бехатарӣ дар роҳҳои ин кишвар барои як тақлиди ҳаҷвияшон узр пурсиданд. Видеои узрпурсии ҳаҷвнигорон дар сомонаи раёсат нашр шудааст. Ҳунармандони узбек Эркин Чолиев ва Дониер Ҳасанов моҳи апрел саҳнаеро дар бораи фаъолияти нозирони роҳ таҳия карда буданд: Нозири роҳ ронандаро барои бо суръати баланд рондан боз медорад, вале ронанда иддаои нозирро рад мекунад. Сипас нозир мегӯяд, ӯро барои таваққуф дар ҷои номумкин ҷарима мекунад. Ронанда дубора эътироз карда, мегӯяд, дар онҷо аломат нест. Читать дальше...
Аъзои кумитаи умури байналмилалӣ, дифоъ ва амнияти порлумони Қирғизистон лоиҳаи қонуни ворид кардани тағйиру иловаҳо ба созишномаи ин кишвар бо Русияро дар бораи шароити будубоши пойгоҳи низомӣ баррасӣ ва қабул карданд. Русия барои пойгоҳи низомии худ дар Қирғизистон 866,2 га заминро ба иҷора гирифта, солона 4,5 миллион доллар медод. Ҷониби Қирғизистон дар пайи як санҷиш муайян кардааст, ки низомиёни рус 100 га замини бештар истифода мебаранд. Баъди ба иҷро даромадни тағйиру иловаҳо пули иҷораи замин $291,6 бештар шуда... Читать дальше...
Кормандони муассисаҳои буҷавии Туркманистон чанд моҳ мешавад, ки маош намегиранд. Ин мушкилро президенти Туркманистон Қурбонгулӣ Бердимуҳаммадов низ маҷбур шуд, эътироф кунад. "Корхонаи сементбарории Лебап маоши моҳи марти кормандонашро напардохтааст. Корхонаи нафти Семей низ аз моҳи апрел ба ин сӯ маоши кормандонашро надодааст. Дар мактаб, бемористон ва хонаҳои фарҳанг низ маоши моҳи майро нагирифтаанд", - иттилоъ дод хабарнигори бахши туркмании Радиои Озодӣ. Ба гуфтаи ӯ, аз ҳама вазъи бад кормандони соҳаи кишоварзӣ доранд... Читать дальше...
Куриёи Шимолӣ аз имрӯз фаъолияти "телефони боварӣ" бо Куриёи Ҷанубиро қатъ хоҳад кард, ки қадаме барои баҳамзании робитаҳо бо Сеул шумурда мешавад. Дар ин бора хабаргузории расмии Куриёи Шимолӣ иттилоъ додааст. "Мо бо мақомоти Куриёи Ҷанубӣ дигар чизе барои баррасӣ кардан надорем. Раҳбарияти кишвар дастур дод, ки ҳамаи тамосҳо миёни Шимол ва Ҷануб қатъ карда шавад, то хоинон ва фиребгарон барои ҷиноятҳои худ посух диҳанд", - навиштааст хабаргузорӣ. Ба ин кор амали фаъолони мадании Куриёи Ҷанубӣ сабаб шуд... Читать дальше...
Як хабарнигори тоҷик мақомоти ноҳияи Ашти вилояти Суғдро ба додгоҳ кашидааст. Ҳаётҷони Одил даъво дорад, ки дархости ӯро барои гирифтани порчаи замин панҷ моҳ боз бепосух гузоштаанд, дар ҳоле ки ба номаҳои дигарон барвақт расидагӣ сурат мегирад.
