Вазорати тандурустии Тоҷикистон эълон кард, ки дар як шабонарӯзи гузашта 58 гирифтори нави COVID-19-ро сабти ном кардааст ва то рӯзи 21-уми июн теъдоди умумии беморон ба 5457 нафар расид.
Муҳоҷирони тоҷик дар Русия асосан бо сабтином (регистратсия) ва патент (иҷозаи кор) ҳаққи будубош пайдо мекунанд. Муҳлати ин ҳуҷҷатҳо ба таври автоматӣ то 15 сентябр дароз шуд.
Дар яке аз шаҳрҳои Олмон, муҷассамаи Владимир Ленин пешвои инқилоби болшевикии Русияро барафрохтанд, ҳарчанд вакилони ин шаҳр мухолифи ин кор буданд. Муҷассамаи баробар бо қади Ленинро Ҳизби Марксистӣ ва Ленинӣ, як ҳизби чапгарои тундрави шаҳри Гелсенкирхен дар назди қароргоҳи ҳизб насб кард. Садҳо нафар дар маросими афрохтани муҷассама ширкат карданд ва даҳҳо маъмури пулисро ҳам барои таъмини амният сафарбар карданд. Қарор буд, ҳайкали Ленинро рӯзи 21-уми апрел ҳангоми таҷлили 150-солагиаш бигузоранд... Читать дальше...
Дар натиҷаи таркиши газ дар яке аз биноҳои баландошёна дар шаҳри Киев, пойтахти Украина камаш 1 нафар ҳалок шудааст. Хадамоти Ҳолатҳои Фавқуллода гуфт, ки ҳодиса рӯзи 21-уми июн рух дод ва мумкин аст, зери чаҳор табақаи фурӯрафтаи бинои нӯҳошёна чандин нафари дигар монда бошанд. Дар баёнияи хадамот омадааст, ки “то соати 11 як фавтидаро пайдо кардаанд ва 21 нафарро берун овардаанд.” Ҳоло маълум нест, ки дар умум чӣ қадар дар дохили бинои вайроншуда будаанд.
Бино ба гузоришҳо, як ниҳоди аслии қонунгузори Чин барои баррасии тарҳи қонуни нави амниятӣ барои Ҳонг Конг дуввумин ҷаласаи худро дар як ҳафтаи ахир баргузор мекунад. Хабаргузории давлатии “Синхуа” рӯзи 21-уми июн навишт, ки ҷаласаи серӯзаи Кумитаи доимии Маҷлиси Миллии Чин рӯзи 28-уми июн дар шаҳри Пекин оғоз мешавад. Ҷузъиёти тарҳи мазкурро аз ин пештар нашр карданд ва дар он омадааст, ки санад бояд ҷойи Қонуни бунёдии Ҳонг Конгро бигирад. Дар тарҳ гуфта шудааст, ки дар Ҳонг Конг бояд пулиси нав таъсис дода шавад... Читать дальше...
Доналд Трамп, раиси ҷумҳури Амрико баъди таваққуфи бештар аз се моҳа нахустин ҳамоиши интихоботиашро дар шаҳри Тулсаи иёлати Оклаҳома баргузор кард. Корзори интихоботи ӯ ба сабаби пандемияи коронавирус қатъ шуд ва ин нигаронӣ вуҷуд дошт, ки мумкин аст, ҳамоиши рӯзи 20-уми июн сабаби густариши вирус дар Оклаҳома шавад. Ӯ дар ин ҳамоиш гуфт, ки раъйдиҳандагон дар Амрико рӯзи 3-уми ноябр ду интихоб доранд, ки яке шеваи ҳукуматдории ӯ, яъне талош барои рушди тиҷорат, тақвияти ниҳодҳои интизомӣ ва дуввумӣ чапгароии ифротӣ аст. Читать дальше...
Вазорати корҳои хориҷии Тоҷикистон эълон кард, ки 50 ҷасади муҳоҷирони тоҷикро аз Русия оварда, ба пайвандонашон доданд. Дафтари матбуоти вазорат рӯзи 21-уми июн хабар дод, ки мошини махсус бо ҷасади шаҳрвандони Тоҷикистон, ки дар қаламрави Русия ҷон бохтаанд, рӯзи 20-уми июн ба Душанбе расид. Мошини яхдондор рӯзи 16-уми июн ба самти Тоҷикистон ҳаракат карда буд. Вазорат гуфтааст, интиқоли ҷасадҳо бо кӯмаки як тоҷики саховатпеша ва мусоидати мақомоти Русия ва Қазоқистону Қирғизистон имконпазир шудааст. Читать дальше...
Дар Бразилия, ки барои монеъ шудан ба густариши коронавируси нав даступо мезанад, теъдоди фавтидагон ба марзи 50 ҳазор нафар наздик шуд. Вазорати беҳдошт гуфт, ки шумораи мубталоёни COVID-19 дар ин кишвар дар Амрикои ҷанубӣ аз 1 миллион нафар гузашт.
Ҳар вақт дар деҳаи Сарбанд дар наздикии обанбори Қайроқум бод мевазад, сокинони деҳа фавқуллода хурсанд мешаванд, на барои онки ҳаво салқин мешавад.
Ҳар вақт дар деҳаи Сарбанд дар наздикии обанбори Қайроқум бод мевазад, сокинони деҳа фавқуллода хурсанд мешаванд, на барои онки ҳаво салқин мешавад. Сабабаш дигар аст ва он ҳам кӯмак бод барои дур кардани магасҳои сиёҳ ва сафедбол, ки мардуми деҳаро ба дод овардаанд.
Амрия Холиқова, сокини деҳаи Шарафи ноҳияи Фархор маълули модарзод аст ва аз ду издивоҷ ду фарзанд дорад. Ҳарду дасти Амрия дуруст рушд накардаанд ва кӯтоҳанд.