د بلوچستان په حب سیمه کې د ګډاني په ساحل د ګاډو ځغاستې مقابله وشوه چې پکې د نارینه موټر ځغلوونکیو ترڅنګ ښځینه وو هغو هم برخه واخیسته. دا سیالۍ له تېرو ۱۰ کلونو راهیسې په یاده سیمه کې ترسره کېږي. سږ کال په ښځینه ډرایورانو کې دینا پټېل او په نارینه وو کې جهان هوت له نورو مخکې شول. نور تفصیل په دې ویډيويي راپور کې.
له نن څخه شپږ کاله مخکې د افغانستان د رسنیو کورنۍ د یوې خونړۍ حملې شاهده وه چې په کې د رسنیو کارکوونکي په نښه شوي وو. د ۲۰۱۸م کال د اپرېل په ۳۰مه خبریالان د یوې چاودنې خبري پوښښ لپاره راټول شوي وو چې بله چاودنه وشوه. په دې پېښه کې د ازادي راډیو د دوو خبریالانو په ګډون د رسنیو ۹ کارکوونکي ووژل شول.
په خوست کې د کاري فرصتونو د موندنو په خاطر ځوانانو لپاره د مهارتونو د لوړولو یو ورځنی سیمینار جوړ شوی وو چې د جوړونکیو په وینا موخه یې اقتصادي پرمختګ، د بې وزلۍ د کچې ټیټول، بهر ته د ځوانانو د تيښتې مخنیوی او د هغو لخوا د هېواد ځان بسیاینې لپاره د اقتصادي طرحو او نوښتونو وړاندې کول دي. د سمینار ګډونوال وايي، د ځوانانو هڅونه او د هغوی لپاره د کاري بوختیاوو برابرول، د اړوندو ادارو او نړیوالو بنسټونو اوږدمهالو هڅو ته اړتیا لري. ویډیویي راپور.
