Дури и да се донесе сега Законот за нефер трговски практики со кои маржата ќе се ограничи на 10 отсто на 2.500 производи, првите ефекти би се почувствувале наесен. Цените растат, а опозицијата е скептична дека со усвојување на законот ќе се намалат. Сојузот на стопански комори смета дека влста доцни со предлог законот, но и дека има многу недоречености.
Највисоките претставници на Европската Унија (ЕУ) го претставија планот за ревизија на европската одбранбена индустрија, кој вклучува заеднички набавки и зголемено производство на оружје и помало потпирање од Соединетите Држави, како и намалување на бирократијата за европските одбранбени проекти од заеднички интерес.
Една година од потпишување на договорот за автопати со Бехтел и Енка и три прослави за почеток на градба, а на асфалт уште не замирисало. Досега е одземен нешто повеќе од половина од имотот каде ќе поминуваат трасите, и на третина од земјиштето му е направено геотехничко испитување. Властите очекуваат март да го одбележи градежна експанзија. Жителите на местата каде ќе поминуваат патиштата не сакаат на нивните ниви да никне автопат.