ТIаьххьарчу шерашкахь, лаьцна, изоляторехь тоьшаллаш луш волчу криминалан баьччас Гагиев Аслана («Джако») дареш дина "Цхьааллин Оьрсийчоь" депутатна Макиев Зурабна а, сенатор лаьттинчу Тотоонов Александрна а дуьхьал. Оцу хьокъехь хаам бо "База" телеграм-канало. Гагиевс дийцарехь, 2008-чу шарахь вуьйцучу шимма тIедиллина хилла Къилбаседа ХIирийчохь вице-премьер хилла Пагиев Казбек вен. "Болх" кхочушбина оццу шеран ГIуран-беттан 31-чохь Къилба ХIирийчуьрчу къайлахчу сервисан белхахочо Гагиев Олега ("Ботэ") ... Читать дальше...
Къайлахчу сервисаша шаьш Краснодар-махкахь а, Оьрсийчоьнан кхечу цхьацца регионашкахь а кегийрхойн радикалан "М.К.У." юкъараллера 16 декъашхо лаьцна аьлла даржийна. ЧIагIдарехь, лечнарш хилла Iедалан административан гIишлош лелхийта а, маьршачу бахархошна тIелата а кечлуш, хаам бо "Интерфаксо", ФСБ юкъараллица уьйраш латторан центрна тIе а тевжаш. ХIусамаш толлуш хила тарлучу экстремисташкара даьхна уьрсаш, электронан информаци чохь йолу гIирс, терроран коьчалш кечъярх йолу инструкцеш, дан кечдинчу зуламех лаьцна кехаташ, боху урхалло. Читать дальше...
Тахана, Охан-беттан 29-чохь, Канадерчу документалан кинон Hot Docs Toronto фестивалехь премьера ю "Тийна аз" ("Тихий голос") фильман. Нохчийчуьрчу ММА-латархочух, гей волчу жимчу стагах лаьцна ю иза. Оьрсийчохь "Река Валерик" ("Валарг-хи") цIе лелочу кинорежиссеран оцу фильман премьера яра хила езаш Москвахь дIаяьхьначу "Артдокфест" фестивалехь, амма ца хилла Соьлжа-ГIалара бинчу тIеIаткъамца доьзна. Фильман анонс ю хIоттийна Къилбаседа Америкехь уггаре йоккха ларалучу документалан кинон Hot Docs Toronto фестивалан официалерчу сайте. Читать дальше...
Къилбаседа Кавказ ю молханийн мехаш лакхара гойтучу рейтингехь хьалхара; ГIалгIайчоьнан, Къилбаседа ХIирийчоьнан дозанехь машенлелорхо вийна полисхоша; Конгрессна белхан Iалашонаш йовзуьйтуш, дуьххьара дIахьедар дина президента Джо Байдена
Адыгей ю Оьрсийчуьрчу аптекашкара молханийн мехаш гойтучу рейтингехь хьалхарчу кхаа регионан декъахь. Республикехь кхушеран хьалхарчу кварталехь молханийн мехаш бистина, стохкалерчаьрца буьстича, 16,9%. Иза уггаре доккха терахь ду Къилбаседа Кавказехь. Хьалхарчу итт регионийн могIарахь мехаш массанхьачул а дукха бистинчех ю Кхарачой-Чергазийчоь (14,7%), Краснодар-мохк (13,8%), Ставропол-мохк (13,7%), Дагестан (13,4%). Рейтинг хIоттийнарг ю дуьненаюкъара аудитан-консалтинган FinExpertiza тоба. ... Читать дальше...
Бакъоларъяран "Мемориал" центро (Оьрсийчоьнан Iедало арахьарчу агентийн тептара яьккхина "Мемориал", амма "Мемориал" реза ца хилла и статус тIеэца – Редакцин билгалдаккхар) политикан тутмакх лору ГIалгIайчоьнан вахархо, цигахь чоьхьарчу гIуллакхийн министран даржехь Iийна, Iедалан ницкъашна дуьхьалоярна, "экстремистийн юкъаралла" кхолларна бехкевен Погорв Ахьмад. "Тхан кхетамехь, гIалгIайн оппозицин кхиболу лидерш а санна, иза таIзарна кIел вигар дозу цуьнга Iедална критика яр дитийта гIертарца... Читать дальше...
Адыгейхь чоьхьарчу гIуллакхийн министраллин урхаллерчу наркотикашна дуьхьало латточу декъехь болх бина масех стаг набахти 8 шарахь халачу хьелашкахь такха хьажийна кхело. Кхаьънаш эцарна а, даржо луш хиллачу бакъонел совбийларна а бехке бина уьш, хаам бо республикерчу Талламан комитетан урхалло. Официалан версица, 2019-чу шеран Зазадоккху-баттахь Майкопан кIоштарчу вахархочунна "белхан лерринчу гIирсашца" гIелойина цара, кхаа сахьтехь сов латтийна шайгахь, машен чохь дIаса а хоьхкуш. Цуьнгара ахча доьхуш хилла полисхоша... Читать дальше...
Несара йистехь ницкъхоша вийна Toyota Camry машенца хилла стаг. Цкъачунна йолчу информацица, вийнарг ву федералан лехамашкахь хилла ТIой-Юьртара (Кантышево) вахархо Кодзоев. ЦIе йоккхуш яц. Официало бахарехь, полисхошна тIе герз детта волавелларг иза ву. Герзан кхийсарш лилхина Охан-беттан 28-чу сарахь ГIалгIайчоьнан а, Къилбаседа ХIирийчоьнан а дозанашкахула чекхболучу некъа тIехь. "Ницкъхой автотранспорт зен гIоьртича, машенлелорхочо герз детта долийна. Дуьхьалоеш иза хIаллаквина", - яздо "Интерфаксо", шен хьостанна тIе а тевжаш. Читать дальше...
Американ Цхьаьнатоьхначу Штатийн президента Джо Байдена шен дуьххьара дIахьедар деш, вистхилла Когрессна хьалха, шуьйрра йовзийтина "хиндерг Американна тIечIагIдеш" бен болчу белхан некъаш. Шен къамел президента долийра пачхьалкхехь вакцинаци жигара дIахьош хиларх а, экономика дика кхуьуш хиларх а лаьцна. Бахам кхиоран болар чехкадалар Байдена дуьйзира, президентан харжамаш дIабоьлхуш а болуш, Конгрессо экономиканна аьттонаш бен низамийн кочар арахецна хиларца. Амма иза юьхьиг бен яц, элира Байдена. Читать дальше...