Красно Андрей Францерчу йозуш йоцчу цхьаьнакхетараллаша дIахьедар арахецна политикан мухIажарна Гадаев Мохьмадна Оьрсийчу депортаци яр а, оцу бахьаница иза Нохчийчуьрчу ницкъхой каракхачийтар а шайн Iедална бехкедеш. Оцу документа буха куьйгаш яздина Comite Tchetchenie ("Нохчийчоьнан комитет") а, Amnesty International-ан Францерчу декъан а векалша. "Францин Iедало Гадаев махкахваккхарца шога талхийна кхераме йолчу, тIехь Iазап а, гIело а латтор йолчу пачхьалкхе стаг дIа цахьажоран принцип", боху дIахьедаро. Читать дальше...
ГIалгIайчуьрчу вахархочунна17 шо хан кхайкхийна терроран гIуллакхца; Оьрсийчоьнан премьер-министро а, Кадыровс а масканийн раж ца ларйина; Оьрсийчохь дихкинчу бардан Муцураев Тимуран иллешка ладугIуш лаьцна Чимаев Хьамзат
ГIалгIайчуьрчу вахархочунна Евлоев Абубакарна набахтехь даккха 17 шо хан кхайкхийна, терроран тохар кечдарна а, лоьлхуьйтурш лелорна а, бакъоларъяран органийн белхахошна кIело ярна а. Дахначу еарин дийнахь Ростоврчу тIеман кхело бовзийтина цуьнан хьокъехь шаьш бина сацам. Официалан версица, 2019-чу шарахь Магасехь полисхочо шега кехаташ хаьттича, Евлоевс цунна масийттазза урс тоьхна хилла. Ткъа полисхоша сацийначу цуьнгахь хиллера, талламчаша дийцарехь, куьйга йина йиъ граната а, кхо урс а. "Кавказский узел" интернет-гIирсо хаам барехь... Читать дальше...
Туркойчохь кху безачу Мархийн баттахь гуманитаран гIо кхачор лахдина. ДIадахначу шерашкахь токхенехь яьхна Туркойчоь шарал а сов яхъеллачу пандемино сагIанаш лахдечу кхачийна, цуьнга хьажжина беркъа ду хIинца мухIажарийн дахар а. Цунах лаьцна ю "Американ аз" портало кечйина хIара видео.
Ossetia News хаамийн гIирсан журналисташна мехкан куьйгалхочун Битаров Вячеславан кIанта тийсинчу кхерамашна тIехула талламаш болийна Къилбаседа ХIирийчуьрчу Талламан комитетан урхалло. "Кавказский узел" интернет-ресурсо бина цунах лаьцна хаам, коьртачу редакторна Мазаев Тимурна тIетевжина. "Полицига хаам ца бина ас, амма хIинцале а и гIуллакх листа йолаелла Талламан комитет. Суна ма хеттара, кхерамаш тийсарх информаци зорбане яьккхича, терго йина хиллера цара, баркалла царна. Цкъачунна беш талламаш бу... Читать дальше...
Белхан хьокъехь Нохчийчу веана пIераскан дийнахь Оьрсийчоьнан премьер-министр Мишустин Михаил. Соьлжа-ГIаларчу аэропортехь цунна дуьхьал баьхкинера меттигера хьаькамаш, коьртехь мехкан куьйгалхо Кадыров Рамзан а волуш. Массаьрга а куьйг делла, Кадыров Рамзанна мараиккхира Мишустин. Кеманан трапа уллохь гулбелларш оцу юкъанна бетах масканаш йоцуш бара, Мишустина урхалла дечу Iедалхойн органо Оьрсийчохь кхайкхийна масканийн раж йоллушехь. Стохка коронавирусан ун даржарна кхоьруш, республикан... Читать дальше...
Коронавирус кхетта хилар билгалдаьллачу нахах 24 пациент велла Къилбаседа Кавказехь тIаьххьарчу дийнахь-буса, цомгуш хилла кхин а 344 стаг. Оперативан штабан хаамца, Краснодар-махкахь велла COVID-19 цамгар кхеттачех 11 стаг, Ставропол-махкахь а, Дагестанехь а – виъ-виъ, ГIалмакхойчохь а, ГIебарта-Балкхаройчохь а- шишша, Къилбаседа-ХIирийчохь - цхьаъ велла. Верриг а падеми йолаелчхьана схьа коронавирусах Къилбаседа Кавказехь велларг ву 9 155. Къаьсттина дукха бу ун даьлларш тIаьхххьарчу 24 сахьтехь Ставрополан кIоштахь - 102 стаг. Читать дальше...
ГIалгIайчуьра йоI цуьнан гергарчу наха лачкъор талла Москвара полисхой дуьхьал хиларна арз дина бакъоларъярхоша. "Оьрсийчоьнан ЛГБТ-машана" тIетевжина яздо цунах лаьцна "Открытые медиа" гIирсо, ткъа бакъоларъяран организацин сайтехь цунах лаьцна бина хаам бац. Лачкъийначу йоьIан цIе ца яьккхина журналисташа. Хууш дерг ду, исламан ламасташ лело дуьхьал хиларна кхиъна яьлла йоI 2020-чу шарахь Москва дIаяхана хилар. Оппозиционер волчу Навальный Алексейгахьа хIоттийначу митингехь дакъалацарна кху шеран Чиллан-баттахь лецира юьйцу йоI. Читать дальше...
Навальныйн штабан Ростов гIалара координатор зIене йолуш яц, яхначу буса ша лацарх а, шена тIехь ницкъ барх а хаамаш твиттерехь битинчул тIаьхьа. Середкина Ксенияс яздира орца доьхуш хьалхо, масех стага, стенга юьгу а ца дуьйцуш, дIаюьгуш ю ша аьлла. ТIаьхьо хаам бира цо, ша дIахецна, гIаш Широчанкехула (Краснодаран кIоштара эвла ю иза, Середкина ехачу Ейск гIалина итт километар дехьа йолу) дIайоьдуш ю аьлла. Кхин а цхьа сахьт даьлча сурт зорбане даьккхира цо, шен куьйг гойтуш: "Резинин чхьонкар кийра яхийта гIертара уьш суна... Читать дальше...
Экстремистийн ду аьлла, Оьрсийчохь дихкинчу бардан Муцураев Тимуран иллешка ладугIуш лаьцна нохчийн "Ахмат" клубан латархо Чимаев Хьамзат. Нохчийн иллиалархочуьнга ла а дугIуш, шен машенахь воьдучу заманчохь ша дIаязйина видео инстаграм-сторисехь Iораяьккхина цо. Оппозицин IАДАТ телеграм-канало бина цуьнан тидам. Латархочун машенахь хезаш ду "Соьлжа-ГIала, ахь мостагI латтийра", "Иерусалим" цIе йолу иллеш. ТIаьххьара илли ду экстремистийн лерина, федералан тептаре даькхинчех. Муцураев Тимур... Читать дальше...