Мехкан Iедалхойн къинхетамха ваьлла хилла Устрада-гIалин экс-мэр Темирбаев ИбрахIим кхелхина; Кадыров Рамзанан шина хIусамненан долахь 800 миллионна бахам бу; Нохчийн ловзаргахь герз диттина йоI схьакарийна
Документалан кинон "Артдокфест" фестивало шен гайтамера дIаяькххина, Нохчийчуьра ведда, Бельгехь вехачу ММА-н латархочух-гейх лаьцна яьккхина фильм. Кху кIиранах кхерамаш туьйсу "Топи" сериал яьккхинчу яздархочунна – цуьнан сюжетехь ду дайн гIиллакхаш лардеш йоцчу нохчийн йоьIан васт.
Тахана, Охан-беттан 7-чохь "Проект" гIирсо Нохчийчоьнан куьйгалхочун зударийн доларчу бахамах лаьцна бинчу талламах маса жоп дала аьтто ца хилла Оьрсийчоьнан президентан пресс-секретаран Песков Дмитрийн. "Бакъдерг дийцича, суна ца евза и материал, цундела дала жоп дац сан. Ца хаьа суна, и хIун таллам бу а", - аьлла, жоп делла Песковс, журналисташа шега цунах лаьцна хаьттича, яздо ТАСС агенталло. Жоп далале хьалха, бинчу талламах лаьцна хаа деза шена аьлла пресс-секретаро. ТIедогIучу еарин дийнахь... Читать дальше...
Массарна а хезаш республикан куьйгалхочо Кадыров Рамзана кхерамаш тийсарх гIуллакх Нохчийчоьнан Лакхарчу кхело юхахьажа дIадахьийтина. Апелляцин латкъамна талламабан дуьхьло еш хьесап динчул тIаьхьа кху беттан 7-чохь тIеийцира ишта сацам. Хьалхарчу инстанцин кхелехь - Старопромыслан кIоштан суьдхоша юхалуьстур долуш ду хIинца гIуллакх, амма кхечу кхелахоша. Нохчийчоьнан куьйгалхочо Кадыров Рамзана динчу дIахьедаршна тIехула Соьлж-ГIаларчу Старопромыслан кIоштан кхело гIуллакх листа дуьхьалоярна... Читать дальше...
ТIаьххьарчу дийнахь-буса Къилбаседа Кавказехь коронавирусан уьнах велла 22 пациент, вирус гучуяьлла кхин а 361 стагаца. Iедалхойн хаамашца, Краснодаран кIоштахь кхелхина 12 дархо, Къилбаседа ХIирийчохь - виъ, ГIалмакхойчохь а, Дагестанехь а, ГIебарта-Балкхаройчохь а цхьацца стаг велла. Верриг а Къилбаседа Кавказехь пандемин муьрехь велла COVID-19 вирусах 8 701 стаг Къаьсттина дукха ун даьлларш хаабелла тIаьххьарчу 24 сахьтехь Краснодаран кIоштахь. Краснодаран кIошт̆ + 104 (43 122 – ун даьржичхьана... Читать дальше...
Магасехь дIаяьхьначу митингашна тIехула лаьцначу Саутиева Зарифин могушалла эшна йогIу, эндокринолог-лор оьшу цунна аьлла, хаам бо цуьнан адвоката Дзугаев Билана. "СИЗО лор-эндокринолог кхайкхале хьалха оьшу анализаш ян еза. Талламан изоляторерчу хьелашкахь оцу кепара тесташ йойла дац. Цундела СИЗО-н белхахоша цуьнан гергарчарна бакъо елла анализаш оьцу пробиркаш чуяла. ЖамIаш хиъначул тIаьхьа таро хир ю лор тIевало", - аьлла, дIахьедина Дзугаевс "Кавказский узел" гIирсе. Изоляторан белхахошкара цхьана а кепара дуьхьало а яц... Читать дальше...
ХIаваэ герз деттачу йоIах лаьцна социалан машанашкахь яьржинчу видео тIехь ерг Гуьмса кIоштара 27 шо долу Х. Арван хилла. Меттигерчу чоьхьарчу гIуллакхийн министралло бина цунах лаьцна хаам. ЙоIан хьокъехь административан протокол хIоттийна, схьаяьккхина цуьнгара тапча а. Билгалдаьлла, патармаш даьса хилар а. "Гуьмсан кIоштан прокуроро Асабаев Идриса къамел дина йоIаца а, цуьнан ненаца а", - хаам бина Нохчийчуьрчу прокуратуран пресс-гIуллаккхоша. Машаре суьде дIакхачийна цуьнан хьокъехь вовшахтоьхна материал. Читать дальше...
Нохчийчоьнан куьйгалхочун масех хIусамненах шаьш бинчу талламах жамIаш зорбане даьхна "Проект" гIирсо. Журналистийн хаамашца, официалехь йолчу Кадырова Меднина а, шолгIачу, "официалехь йоцчу" Хазуева Фатимина а тIеязбина бу 800 миллион соьмана чу-ара ца баккхалун бахам. "Проекто" дуьйцу, Кадыров цкъа а къера ца хилла дукха зударий балорна, массо а республикерчу барамашкахь цунна уллехь хьалхара зуда Кадырова Медни хуьлу. 42 шо долчу хIусамнанас 12 бер дина цунна, кхин а шиъ кхаба доьзале эцна а ду. Читать дальше...
Мехкан Iедалхойн къинхетамха ваьлла хилла Устрада-гIалин хилла мэр Темирбаев ИбрахIим кхелхина. Темирбаевн уллорчу гонашкарчу Кавказ.Реалиин хьасташа хаам барехь, Шуьйтара Соьлжа-ГIала боьдучу новкъахь Iоттабеллачу бохамехь велла иза. "Цуьнан машен бердах яхна. Кхеташ дац, иза оцу меттигехь муха нисвелла а", - аьлла дийцинчо. Иштта цо тIетоьхна, экс-мэр кху шеран юьххьехь маьршаваьккхинера 1,5 шой Устрада-ГIаларчу колонехь къайлах латтийначул тIаьхьа аьлла. 15 шарахь Устрада-ГIалин коьртехь... Читать дальше...
Чебоксарашкахь кхеле хIоттийна "Idel.Реалии" сервисан журналист Комарова Дарья. Иза бехкейо Iедалхошкара пурба доцуш хIоттийначу акцехь дакъалацарна а, цигахь долчух редакцин тIедилларца, хаамашкахь даржорна а. Радио Маршо/Радио Маьрша Европа медиакорпорацин (РСЕ/РС) проектан журналистна Комарова Дарьина Зазадокху-баттахь протоколаш караделира, Дечкен-беттан 23-чохь а, 31-чохь а дIаяьхьначу акцешкахь дакъалацарца административан бакъо талхийна аьлла. ТIаьхьо кхин а цхьа протокол яздира цуьнан хьокъехь... Читать дальше...