Шелан кIоштан администрацин куьйгалхочун Ибрагимов Турпал-Iелин нанна Ибрагимова Уманина (Кадырова Айманин йишина) мидал яла вахара Нохчийчоьнан парламентан спикер Даудов Мохьмад а, мехкан чоьхьарчу гIуллакхийн министр Алханов Руслан а. "Ибрагимова Умани доьналлица, цкъа а йоьхна ца гойтуш, чекхъяьлла дахаран халонех. Бакъ нохчочун а, бусалба зудчун а масал ду иза. Хьалхарчу Нохчийчоьнан президента, Оьрсийчоьнан Турпалхочо Кадыров Ахьмад-Хьаьжас кхоьллинчу тобанехь хьалхарчу деношкахь дуьйна къахьоьгуш... Читать дальше...
Оьрсийчоьно лоьху нохчо лаьцна Украинехь, нохчаша оьцу уггаре дукха смартфонаш, набахти текхна ваьлла оппозиционер Хазбиев Мохьмад.
Пятигорскехь хиллачу Кавказан къаьмнийн ассамблеян а, Кавказерчу гIалгIазакхийн а кхеташонехь Iедална шога критика йина ассамблеян лидеро Кутаев Руслана. "Пачхьалкх хина буха йоьдуш ю, Iинчу хьадда йоьду. Iедал лаьцна режимо. 2019-чу шеран мур халонех баккхина бу, кризис ю кIарглуш. Нагахь санна хьал 2020-чу шаре а далахь, вуно хала хир ду вайна. Москох, Питерехь гуламаш буьйлалушшехь, царна тIаьхьахIуттур ю Кавказ", - аьлла Кутаев Руслана. Цуьнан дешнашца аьлча, "уггаре дукха хало лайна зама... Читать дальше...
Оьрсийчоьнан Iедало могуьйту набахтешкахь бохкучу нахана шайн доьзалш бехачу меттигашна гергарчу набахтешка дехьабахар деха. Иза дича нийса хир ду аьлла хета министрийн кабинетна, цуьнан сайто бахарехь. Набахтехь воллу шен гаргара стаг цIенна улле йолчу набахте дехьаваккхар деха бакъо ю хIинца дуьйна, тутмакх реза велахь, хьеннан а. Оцу аьттонах пайдаоьцийла дац оьмар кхачаяллалц набахтехь кхаба кхачийначу стеган. И бакъо йоцучийн могIарахь буьсур бу терроризмца доьзна зуламаш динарш а, дIахьедина премьер-министра Медведев Дмитрийс. Читать дальше...
Тахана ГIебарта-Балкхаройчуьрчу №5 набахтин кевнах араваьлла Хазбиев Мохьмад Несара, шайн цIа, дIавигина Мурада, цуьнан вашас. "Кавказ.Реалиига" хаамбинарг ву ша Мурад. Хьалхо дийцина ма-хиллара, стохка шеран юьххьехь лецира Хазбиев Мохьмад, Магасерчу кхело яхначу гурахь иза бехкевира ГIалгIайчоьнан куьйгалхочуьнга Евкуровга махкахь цабезам кхуллу хаамаш баржорна а, герз лелорна а. 2 шо 11 бутт хан тоьхнера цунна набахтехь такха, тоьхнера 50 эзар соьманна гIуда а. Оппозиционеро да дира ша бехке хиларх даре. Читать дальше...
Таркхойн хIорда чу доьжна Азербайджанан эскарийн "МИГ-29" олу кема. Орцанхоша лоьху кемалелорхой. Оцу хьокъехь хаамбина пачхьалкхан тIеман министралло. Селхана сарахь хилла иза. Iемораш дIахьош стигал даьлла хилла кема. Юьхьанца хаьдда зIенах а, радарийн тергонах а, цул тIаьхьа доьжна хи чу. "МИГ-29" кеманех лаьтта доккхачу декъан Азербайджанан хIаваан эскарш. Украинера эцна а, цигахь урхалладаран кеп хийцина а ду уьш, боху Air Force Monthly хьасто. Эцначу кеманех кхин а цхьаъ а дайна Азербайджанан – иза хIорда чу дуьйжира 2008-чу шарахь.
Сулумов Хьусайн вина а, виллина веха а мохк бу ГIиргIазойчоь. 72 шо ду кхаьчна цуьнан. Бишкекна гергахь, Лебединовкехь ю хIусам а, берриг бахам а. Чоь юьззина бу доьзал а. Хьусайна дагалоьцу яхана зама, дуьйцу карарчу хенах а, дахарх а лаьцна.
Оьрсийчоьно лехаме веллачу Илаев Амхьадна Харьков гIаларчу Октябрьский кIоштан кхело цIера аравала доьхкучу кепехь лаьцна латто сацам бина. И хаам бина "Кавказ.Реалиига" Илаевн кхелехь хиллачу Украинерчу бакъоларъярхочо Кожушко Николайс. "Иза лаьцна, изоляторе хьажавайта гIертара прокурор, ткъа кхело цIера аравала доьхкуш сацам бина", - боху бакъоларъярхочо. Адвокат ю лаьцначун Мезенцева Людмила. "Оха Илаевн бер хиларх, виллинавеха меттиг хиларх, гонах дика цIе йоккхуш хиларх долу кехаташ чуделлира. Читать дальше...
2019-чу шеран хьалхарчу декъехь юккъерчу барамехь 16200 сом доьхкина смартфон оьцуш Оьрсийчоьнан цхьана вахархочо, боху МТС-о (мобилан телекоммуникацийн оператор). Пачхьалкхерчу регионашлахь бахархоша уггаре дукха еза телефонаш оьцучех ю Магадан (цигахь смартфонаш оьцуш доьхкинчу ахчанах цхьана стагна кхочу 23,7 эзар сом), Чукотка (22,9 эзар сом), Нохчийчоь (20,5 эзар сом). Иштта ю йовзийтина статистика. Москох а ца оьцу, масала, Нохчийчохьчул дукха смартфонаш – пачхьалкхан коьрта шахьар 4-чу меттехь бен яц. Читать дальше...
Теллина а даьлла, кхеле кхаьчна Черкесск гIаларчу бахархойн Спивак Петран а, Кравченко Дмитрийн а дов. Царна бехкедо 2017-чу шеран бIаьста меттигера къано ер. Талламо бахарехь, Привокзалная урамерчу цхьана пенсиэцархочун х1усаме а бахана, цуьнан 100 эзар сом дIа а хьош, иза йийна цара. ЦIий шена тIеэцнарг Спивак ву, ткъа шолгIачун Iалашо ца хилла йоккха стаг ен, билгалдоккху низамхоша. Хилам шуьйра баьржина Черкесскехь а, ерриг а Кхарачой-Чергазийчохь а. Цуьнан башхалла ю шиннах цхьаъ низам Iалашдечу урхаллин белхахо хиларал а сов... Читать дальше...
