«Экономикан маршонан партин» лидер а, Пачхьалкхан Думехь депутат а лаьттинчу Боровой Константина политикан тховкIело ехна Лос-Анжелесехь (Iамеркан Цхьаьнатоьхна Штаташ). Оьрсийчоь дIатаса сацамбина цо ша къайлахчу ницкъаша виллина тергонехь латтош хиларна, хаамбо « Iамеркан Озо». Карарчу хенахь зуьйш ду цуьнан дехар. Ткъа ша Боровой дIатарвала гIерта Штаташкахь шен накъостийн гIоьнца. Оьрсийчохь къайлахчу ницкъаша тергонехь кхабарх лаьцна цо дийцина, муьлххачу а махка ша вахарх, шена тIехь тидам латтабора шерашкахь, аьлла. Читать дальше...
Адвокаташа Караваев Александра а, Немов Александра а, «ГIоьртина хьал лаьтта меттигаш» («Горячие точки») программин а, «Iазапна дуьхьалоен комитет» («Комитет против пыток») хьукматан а куьйгалхоша Орлов Олега а, Каляпин Игора а, журналиста Милашина Еленас а «27-ннан гIуллакхах» долу керла тоьшаллаш далийна, хаамбо Москох йоьдучу пресс-конференцера «Кавказ.Реалиин» корреспонденто. Хан хьалха «Керлачу газето» («Новая газета») хаамаш баржийра, Нохчийчохь лаьцна, цул тIаьхьа вийна 27 вахархо, аьлла. Читать дальше...
Нохчийчохь, Дагестанехь бу уггаре кIезиг алапа оьцу хьехархой, гергарчунна герз тIехьарчорца даржехь лакхавала гIоьртина полисхо, Дагестанехь дестечо мерайоI йийна, боху талламо.
Даржхошна лерина ненан меттан Iамораш долош ду Къилбаседа ХIирийчохь кхушара а. Лаам болучун йиш хир ю бетта чохь хIирийн меттах долу коьрта Iилма довза а, мотт шарбан а. "Орфографи а, орфоэпи а, лексика а, таханлерчу хIирийн меттан грамматика а, риторика а йовзуьйтуш, оцу маттахь документаш хIитто Iамор ду. Юристашна, масала, довзуьйтур ду, муха хила деза белхан къамел, документаш", - элира "Кавказ.Реалиига" дешаран программин авторо, хIирийн филологин факультетан декана Кудзоева Анжелас. Дуьххьара гулбеш бац хьаькамаш хIирийн мотт Iамо ... Читать дальше...
Кызыл-ту-хь (ГIиргIазойчоь) беха нохчийн ГабаевгIеран доьзал. ХIора кIиранах санна цхьаьнакхета уьш а, церан гергарнаш а: Далла Iамал ян, вовшашна ган, кегийчарна хьехамаш бан. Гулбеллачу царна тIенисвелира тахана Маршо Радион корреспондент. "Гуламан" коьртехь вара 79 шарера ваьлла Габаев Им-Iела. 40 шо ду иза Нохчийчохь хиланза, амма цо, шена шерра хааре терра, йовзуьйту къоман ламастийн, Iадатийн хазалла.
ГIебарта-Балкхаройчуьрчу Чегемехь кхело листа долош ду къоштан полицехь зулам толлучу декъан куьйгалхо лаьттинчу Кяов Азамата шегарчу даржо лучу баконел совваларна, низамехь а доцуш, герз лелорах долу дов, яздо бакъоларъярхойн "Агора" тобано. Талламо бахарехь, топ а 22 патарма а эцна Кяовс. Шен белхан жамIаш лакхадахархьама стохка гурахь и герз а эцна, шен 54 шо кхаьчна гергара стаг Губжокова Мадина йолчу вахана иза. Цигахь цIийнах а хьажна, кехеташ хIиттийна, шена оцу хIусаман тхов тIехь герз карий, аьлла. Читать дальше...
Пачхьалкхехь 11280 сом ду алапийн лахара доза – Оьрсийчоьнан Къинхьегаман кодексо ца магадо цул кIезиг ахча белхалочунна дала. Амма 7% хьехархой бу алапа оцу дозанал лахара оьцуш, Оьрсийчоьнан статистикан урхалло (Росстато) бахарехь. Хьехархойх 20%-на ло 14000 соьмал кIезиг алапа. 23% -о оьцу ахча лакха ца долу 15800 соьмал. Iедало пачхьалкхехь къастийначу алапан лахарчу дозанал а лахара алапа оьцучу хьехархошлахь бу Нохчийчуьра педагогаш. Царел сов ца бовлу Дагестанера хьехархой а. Амма гайтинарг... Читать дальше...
Кхушеран юьххьехь бер дерна бехкейо ХIинжа-ГIалин йистерчу Сулакехь еха 36 шо долу зуда. Йийначу йоьIан 4 шо бен а ца хилла. Лазийна корта а болуш, кхачийна бер дарбан цIийне, амма аьтто ца баьлла лоьрийн иза меттаяло. "Кхелан-медицинан талламо гойту йоI йиттина, корта лазийна хиларна еллийла", - элира "Кавказ.Реалиига" Дагестанан чоьхьарчу гIуллакхийн министраллерчу пресс-гIоьнчалло. Эксперташа бахарехь, аьртачу хIуманца дуккхаза а йиттина хилла йоIана коьртах. Лаьцна йоIан десте, иза бехкейо... Читать дальше...
Бирзинчу харжамийн хьалхарчу жамIаша гайтарехь, цкъа а цахилларг ду Радехь - депутат ваьлла Iаьржа стаг Беленюк Жан. "Халкъан Лай" партица кхаьчна иза парламенте. Болчу хаамашца, Украинан президентан парти дуккха а хьалха ю шега кхаьчначу меттигашца – цундела шеко яц Беленюка депутатан гIант дIалоцург хиларх. 28 шо ду Беленюк Жанан, вина Киевехь, нана Украинера ю, да – Руандера (иза велла 1994-чу шарахь шен даймахкахь боьдуш хиллачу чоьхьарчу тIамехь). Желтойн-римхойн кепехь охьатохарх леташ вара Беленюк хьалха. Читать дальше...
