Юхаяьккхина нохчийн йоI йийначу нохчочунна К.Робертна йина кхел, Маьршаваьккхина Швецино лаьцна хилла Садулаев Мансур, Иракъера цIадалийна бераш
Краснодаран махкахь лаьцна, университетан куьйгалхочуьнга нуьцкъала ша балха дIаязвайтина Оьрсийчоьнан Федералан кхерамазаллин сервисан (ФСБ) подполконик. Харц кехатца хьехархочун алапа эцна оцу стага 8 шарахь. Цунах лаьцна еарин дийнахь хаам бина "Коммерсанто", Адыгейн пачхьалкхан университетехь кхаьънаш эцар талларца доьзначу гIуллакхна тIе а тевжаш. Болчу хаамца, ФСБ-н белхахо хиллачу Николинко Константина 2011-чу шарахь университетан Белореченскерчу филиалан директоре Вицюк Ларисе ша балха дIаязвайтина хилла, шен даржах пайда а эцна. Читать дальше...
10 шо даьлла бакъонашларъярхо Эстемирова Наталья йийна. "Мемориалан" Соьлж-ГIаларчу декъан куьйгалхо йийра муьлш бу ца хуучу наха Соьлж-ГIалахь дийнан делккъехь 2009-чу шарахь Мангалан-беттан 15-чу дийнахь. Эстемироваца даима а Iиттабелла бара Нохчийчуьра Iедалан буьйранчаш а, эскарийн куьйгалхой а, цо цаьргара дуьйлу гIалаташ а, зуламаш а кест-кеста Iорадохуш хиларна. Массех верси яра иза еран, амма цкъачунна теллина даьлла дац дов.
Европан кхеташонан гIантдас Туск Дональда дIахьедина, Советан пачхьалкх (СССР) йохар цигахь деха халкъаш декъалдар дара аьлла. И шен дIахьедар дина цо Гуьржийчохь визит дIахьош. "Советан Союз йохар вуно йоккха геополитикан катастрофа яцара. Тахана Гуьржийчохь волуш суна лаьа иза чоггIа а, кхеттош а дIаала: CCCР йохар уьш декъалбар дара гуьржашна а, полякашна а, украинцашна а, ерриг а Юккъерчу а, Малхбалерчу а Европана а. Оьрсашна а цхьаьна", - яздина политико шен твиттерехь. Советан пачхьалкх... Читать дальше...
Грецехь Халкидики ахгIайренехь онда шторм ялар бахьана долуш кхелхина кхечу пачхьалкхашкара туристаш. Царна юкъахь ву Оьрсийчуьра ши вахархо. Цунах лаьцна хаам бо Рейтер агенталло. Оьрсийчуьрчу туристна а, цуьнан 2 шо долчу кIантана а тIе дитт доьжна Неа-Потидея олучу меттигехь хьешан цIийнан уллехь. Грецерчу зорбанан гIирсаш яздарехь, байинчарна юкъахь бу Чехера (2) а, Румынера (2) а туристаш. Шторм хилар бахьана долуш лазийна ву 100 сов стаг. Меттигерчу Iедалша чолхе хаьл кхайкхийна Iалам меттахдаьллачу ахгIайренехь.
Иза хIун стаг ву, Iаьрбийн мехкашкахь шен векал стенна оьшу Кадыровна? Оьрсийчоьнан президента Путин Владимира леррина шен стаг латтаво Малхбалехь – Богданов Михаил, Нохчийчоьнан куьйгалхочо – мехкан муфтиятан гIовс Даудов Турко. Хьалха Даудовх "Нохчийчоьнан муфтин арахьарчу зIенийн гIовс" олура, оцу цIарца иза Iаьрбан мехкашка лела а яра дикка хан. Малхбалехула лелачу юкъанна дуккха а интервьюш а лора цо Iаьрбашна, комментареш а йора цIерачу хиламашна. Диллина цхьаъ ду Даудовс Iаьрбашлахь даржориг... Читать дальше...
Австрин лаккхарчу кхело дӀаяьккхина Венехь Хадишт цIе йолу нохчийн йоI йийначу К.Робертана йина суьдан кхел. Цуьнан бахьана ду суьдан гIалат даьлла хилар, яздо "Кавказ.Реалиино". Зулам динчу кхиазхочун синIаткъамца доьзна хьал къасто Венин прокуратуро лаьцна хилла психиатр Хоффман Петер. Цо сацам бира, йоI юьйш кхиазхо кхеташ хилла ша дийриг хIун ду бохучух аьлла. Кхин цхьа а хетарг хилийта кхело шен агIор лаьцнера кхин цхьа психиатр – Герстл Вернер. Цо жамI дина, К.Роберт ша лелочух вуьззина кхеташ ца хилла аьлла. Читать дальше...
ХIунда дIалаьцна Швецехь Кадыровн критик Оьрсийчоьнан дехарца нохчийн бакъонашларъярхо Садулаев Мансур дIалаьцна кху беттан 8-чу дийнахь Швецин полисхоша. ТIаьххьарчу масех шарахь ша вехачу Стокгольме кеманца схьа ма кхеччи лаьцна ву иза. Аэропортна гена йоццучу Нючепинг гIалин полисхойн декъе вигина хилла Садулаев. 2017-чу шарахь Евробертан пачхьалкхашкахь вехачу нохчийн масех мухIажирца юкъахь гIоьналлин "Вайфонд" организаци вовшахтуьйхира цо. "Коммерцица йоьзна а йоцуш, шайн лаамехь нохчийн къоман векалша а... Читать дальше...
Иракъехь чубоьхкинчу Оьрсийчуьрчу зударийн 33 бер цIадалийна еарин буса. Цунах лаьцна хаам бина "Интерфаксе" Оьрсийчоьнан берийн омбудсмено Кузнецова Анна. БагIдадера догIу бераш тIехь долу орцаллан министраллан кема охьахиъра Москох. Болчу хаамца, цIадерзийначарна юкъахь 3 бер нохчийн ду. Кузнецовас дийцарехь, кхин а 2-3 шераш долу махкал арахьа дина 30 бер цIадалор долуш ду Оьрсийчоьнан Iедалша тIебогIучу Марсхьокху-баттахь Шемара. Дийцарехь, церан гергарчара уьш тIеэца кечдина оьшуш долу кехаташ.
Швецехь полицино дахецна шинарин дийнахь Стокгольмехь лаьцна хилла "Вайфонд" бакъонашларъяран а, гIо-накъосталлин а вовшахтохараллан куьйгалхо Садулаев Мансур. Цунах лаьцна "Кавказ.Реалиига" хаам бина Садулаевн накъосташа. Сайдулаев лецира Стокгольман аэропортехь, кемантIера охьабиссина схьабогIучу некъахошна юкъара схьа а ваьккхина. Цул тIаьхьа иза дIавигира Нючёпинг гIалан полицин декъе. Бакъонашларъярхо лацаран бахьана дуьйцу, терроран тIелетарш даре кхайкхамаш беш хилла аьлла, иза Оьрсийчоьно Интерполехула лехамашка велла хилар.
Нохчийчуьрчу Iедалан делегацино Парижехь схьайиллина Visit Chechnya цIе йолу туризман центр. Цунах лаьцна хаам бо ТАСС агенталло. Нохчийн Республикан туризман министро Байтазиев Муслима дийцарехь, иза дуьххьарлера цу тайпа центр ю Петарбухерчу дуьненаюкъарчу экономикан форумехь цу хьокъехь барт бинчул тIаьхьа схьайоьллучу 4-а центрах. Йисина кхоъ хир ю Берлинехь а, Бернехь а, Истанбулехь а. Цуьнца цхьаьна гергарчу хенахь кхуллур ю Нохчийчоьнах лаьцна, коьртачу декъана туристийн хьашташна хьажийна, интернетан сайт. Читать дальше...
