Iамеркан Цхьаьнатоьхначу Штатийн Федералан махбарехула комиссино гIуда тухур ду Facebook-на 5 миллиард доллар барамехь, Cambridge Analytica компанино пайда эцначу клиентиех лаьцна хаамаш лар ца барна. Технологин компанешна тоьхначех уггар доккха гIуда у иза. Амма говзанчаш чIагIдо, таIзар кхин а луьра хила мегаш дара бохуш. Клиентех лаьцна хаамаш ларбан социалан машано цхьамоггIа гIулчаш йохург хиларх лаьцна Комиссино Facebook-ца барт барх лаьцна яздо зорбанан гIирсаша, The Wall Street Journal-на а, Bloomberg агенталлана а тIе а тевжаш. Читать дальше...
Киевехь Товбецан-беттан 13-чу буса гранатомет тоьхна муьлш бу ца хуучу наха "112 Украина" телеканалан редакцин гIишлонна. Полицин зорбан сервисо бинчу хаамца, вийна а, лазийна а стаг вац. Граната кхетта телеканалан "112 Украина" логотипана. Инцидент хиллачу меттехь карийна кхоьссинчу гранатометан турба (тубус). И тIелатар дар толлуш ду терроран акт яр санна. Низамаш лардон органашка бинчу кхайкхамехь, цIе ца йоккху радикалаш бу шайга редакцин политика хийцийта гIерташ, бохуш чIагIдо "112 Украина" телеканалан жуналисташа.
2024-чу шарахь президентан харжамаш хиллачул тIаьхьа а Путин Владимир Оьрсийчоьнан, премьер-министран даржехь шуьйра бакъонаш а йолуш, ма дарра аьлча, пачхьалкхан куьйгалхо висийта план кечйеш бу Кремлехь. Цунах лаьцна яздо Bloomberg-о. Цу зорбанан гIирсан материалехь билгалдаккхарца, Кремлан планаца а догIуш, рогIера президентан харжамаш хилча Путина дIалоцур ду премьер-министран дарж, амма цуьнан хир ю шорйина конституцин бакъонаш. Цу хьокъехь болу хийцамаш бийр болуш бу 2021-чу шарахь парламентан харжамаш хиллачул тIаьхьа. Читать дальше...
ГIалгIайчуьрчу ницкъаллин структурийн белхахоша лаьцна меттигерчу оппозицин жигархо Саутиева Зарифа. Цунах лаьцна хаам бина "Медиазоно", адвокатана Цуро Биланна тIе а тевжаш. Цурос дийцарехь, Саутиевана бехке дуьллуш ду Iедалан векалшна ницкъ бар. Цо билгалдаккхарехь, оппозицин жигархо дIайигина Нальчике. Кхушеран Зазадоккху-бутт чекхболуш Нохчийчоьнца доза билгалдаккхарна реза боцчу нехан Магасехь митинг хилира, Iедалша бакъо а елла. ШолгIачу Iуьйранна иза тасадаларшка йирзира. Митинге... Читать дальше...
G-7 олучу дуьнентIехь таро йолчу 7 пачхьалкхан векалша критика йина Украинин президенто Зеленский Владимира динчу дIахьедарна. Зеленскийс люстраци ян еза аьлла 2014-чу шарахь дуьйна Украинехь Iедалан даржашкахь хиллачу нахана. Цунна реза боцчу G-7 тобан юкъайогIучу пачхьалкхийн векалша шайн официалан дIахьедар арахецна Твиттерехь. Дипломаташ дийцархь, массо а стаг юкъа а озош, Iедалан структурашкахь болх бан дехкарш дар барам хилла дIахIуттийла дац демократин пачхьалкхехь.
Оьрсийчоьнан талламан комитетан ГIалгIайчуьрчу урхаллан белхахочо бехккховдийна 35 шо долчу Ганиева Макке, цо 7 шо долчу шен вешин йоIан Ажигова Iайшин могашалла вуно талхорна. "Таллам беш гучудаьлла, 2018-чу шеран Лахьан баттахь дуьйна 2019-чу шеран Товбеца-беттан 3-хь дийне кхаччалц ГIалгIайчуьрчу Соьлжахь ехачу Ганиевас хаддаза доьхка а, маршан кийсаг а йиттина хилар йоIан коьртах а, дегIах а", - аьлла ду Талламан комитетан хаамехь. Маршо Радионо хьалха дийцина ма хиллара, Товбецан-беттан... Читать дальше...
Нохчийчохь ГIойтIахь керла "Чабан" (ЖаIу) цIе йолу туька схьайиллина, республикехь рогIера инвестицин проект кхочушйеш. Цу чохь духкур ду жижиган а, шурин а, ткъа иштта хIусамехь оьшу кхин долу а сурсаташ. Меттигерчу зорабнан гIирсаш дийцарехь, туька схьелларца эвлахь кхоьллина 6 белхан меттиг. Иза юьллуш харж йинчу Дакаев Iабдулхьамида дийцарехь, кхачанан сурсаташ духку туька оьшуш яра дуккха а адам деха цо хаьржина ГIойтIара куп.
ЧIир юьтуш куьйгабахана некъахьовзамехь кхелхинчу Нохчийчуьра БердакIелларчу 24 шо хиллачу Элимханов Хьамидан а, Дагестанера ХIинжа-гIаларчу Тимуркаев Адилан а доьзалш. И маслаIат деш дакъалоцуш бара Нохчийн Республикан муфтиятан декъашхой, шайна хьалхаваьлла нохчийн муфтийн когаметта Хетиев Ансар а волуш, хаам бо "Нохчийчоь тахана" агенталло. Къинхетаме хилар, вовшашна къинтӀера довлар Далла дезна гIуллкх хиларх лаьцна дийцира маслаIат дечара. Дуккха а гулделлачу адамо баркалла элира чIир йита реза хиллачу доьзална. Читать дальше...