Эстемирова йийнарг лахаре догдоху бакъоларъярхоша, ГIирмехь урс диттина нохчочо, Умаров: Зудабераш ницкъаша маре ца дохуьйту Нохчийчохь
Москвахь ЦIечу майданахь дIалецна бакъонашларъярхой Ганнушкина Светлана а, Черкасов Александр а, "Новая газетан" журналист Милашина Елена а. Майданахь плакаташца лаьттачу цара кхайкхамаш бора, "Мемориалан" хилла бакъонашларъярхо Эстемирова Наталья ер талла бохуш. "Бакъонашларъярхо Эстемирова Наталья йийна 10 шо хьалха", "Иза йийнарш а, ен кхайкхийнарш а хIинца а каронза бу", "И муха мегар ду, господин президент?" тIеяздина плакаташ хиллера цаьргахь. Иттех минотехь бен ца лаьттина пикет, баьхкинчу... Читать дальше...
Австрерчу Инсбрук гIалахь доьдучу тойнехь юучух дIовш даьлла, дарбан цIийне балийна иттаннашкахь нах. Мюлау кIоштахь хилла и инцидент, хаамбина "Кавказ.Реалиин" корреспонденто. 200 гергга стаг хилла барамаш дIахьочу ресторанехь вовшахкхетта, аьлла орцанхойн декъехь. Царех цхьаберш кхетамчуьра боьвлла хилла, вуьйжуш садукълуш, дог керчаш хилла. Орцанхойшлара 65 санитар а, 5 лор а, полисхой а, цIеяйархой а хилла оцу цIийне тIекхайкхина. Цул совнах, орцах баьхкина хилла тIеман министраллан белхахой а, химин, биологин катастрофийн эксперташ а. Читать дальше...
Рошаль Леонид президент волчу Iилман-талламан институтерчу берийн хирургин реанимацехь Iуьллучу 7 шо долчу Ажигова Iайшат йолчохь хилира берийн омбудсмен Кузнецова Анна. "Тешамечу нехан карахь ю йоI. ХIинца коьртаниг хIун ду аьлча – цунна гIо дан лоьраш паргIат битар. Iайшатна мел оьшург долуш ду: нийса ден дарба а, тергоне, догцIена лоьраш а бу уллохь. Тхоьга дукха наха телефонаш етта, йоI шайна дIайига лаьара бохуш", - аьлла Кузнецова Аннас. Маршо Радионо хьалха дийцина ма хиллара, Товбецан-беттан... Читать дальше...
Оьрсийчоьнан Iедалхошка юкъахь дIахьедар дина бакъонашларъяран организацеша, Эстемирова Наталья йийна 10 шо кхаьчначу деношкахь. "Мемориал" центро бинчу хаамца, бакъонашларъярхо ер таллар тIедожадо ишта дуьненаюкъарчу цхьа могIа организацеша а цхьана. Бакъонашларъярхойн дIахьедарехь тIедиллина Оьрсийчоьнна "лерина, озабезамаш а боцуш, бозуш боцчу талламхошка Эстемирова Натальин гIуллакх листийтар, бехкенаш жоьпалле озабар, ишта кхиболчу бакъонашларъярхошна а, журналисташна а Нохчийчохь дина тIелатарш а бакъонца таллар". Читать дальше...
Кху беттан 11-чу дийнахь ГIирмерчу Черноморскерчу бара хьалха Къилбаседа Кавказера вахархо лаьцна полисхоша, яздо "Комсомольская правда" газетано. Дийцарехь, Нохчийчуьйра ву иза. Полицин урхаллан пресс-гIуллакххойн информацица, къаьркъа мелла иза девне вийла гIерташ хилла баре баьхкинчаьрца. Цара бахарехь, 49 шо долчу меттигерчу вахархочуьнца дов а даьккхина, уьрсаца тIелетта иза. ВорхI уьрсан чевнашца дарбан хIусаме кхачийна лазийнарг, Iонжар дIадаьккхина цуьнан. Ша лоцучу хенахь а зуламхочо дуьхьало йина полисхошна аьлла, яздо хаамехь. Читать дальше...
Оьрсийчоьнан чоьхьарчу гIуллакхийн министраллан талламча Шишкина Евгения юьйш дакъалаьцна ву аьлла, бехкевечу 28 шо долчу Сумбаев Ярославна экстрадици яр юкъахдаьккхина Гуьржийчоьнан Iедалхоша, яздо "Коммерсанто". Хьостано билгалдаккхарехь, Оьрсийчоьнан а, Гуьржийчоьнан а юкъаметтигаш талхарца доьзна ду экстрадицин процесс сацор. Сумбаевн гIуллакх политикан бух болуш ду аьлла, тешна бу гуьржийн журналисташ. Кхечу пачхьалкхашна Оьрсийчоьно кибер атакаш ярх цунна хуучух тера ду, цундела Шишкина ерна иза бехкеван гIерта. Читать дальше...
УЕФА-н комиссино Соьлжа-ГIалахь дуьненаюкъара футболан матчаш дIаяхьа пурба луш, сацам бийр бу аьлла догйовха ву Нохчийчоьнан спикер Даудов Мохьмад. "Нохчийчоьнан куьйгалхо Кадыров Рамзан бахьана долуш тхан махкахь тIехдика инфраструтктура а, логистика а, маршо а ю. Матче хьажа веанчу УЕФА-н кхерамзаллан директорна Павлица Желкона гира "Ахматан" а, "Краснодаран" а матч дика вовшахтоьхна, дIаяьхьна хилар. Тхо массо а догтешна ду, УЕФА-н сацамо тхуна бакъо лур ю аьлла, дуьненаюкъарчу тIегIанехь матчаш дIаяхьа кхузахь", - аьлла Даудовс. Читать дальше...
ГIалгIайн оппозицин хьост "Фортанга" Оьрсийчохь йихкинчу сайтийн реестре яьккхина "Роскомнадзоро" аьлла, яздо урхалло шен сайтехь. Шайн телеграм-каналехь "Фортанган" редакцис хаамбо, шайга цунах официалехь хаийтина дац аьла. 2013-чу шарахь кхело экстремистийн леринчу жуьгташка а, оьрсашка а "цабезам гIаттор" аьллачу файлашца доьзна ду хаамийн гIирс дIакъовлар. "Фортанган" материалехь цхьаммо дитина йоза бахьана долуш "Роскомнадзоро" доза тоьхна церан сайтана. Реестрца а догIуш, "Вставай, страна Ислам... Читать дальше...
Криминалан авторитет Батукаев Iазиз набахтера низамехь а доцуш араваккхаран гIуллакх луьстучу юкъанна лехамашка велла гIиргIазойн ТIеман Кхеташонан хилла секретарь, Пачхьалкхан кхерамзаллан комитетан (ГКНБ) куьйгалхо лаьттина Табалдиев Бусурманкул, яздо республикан чоьхьарчу гIуллакхийн министраллан сайт тIехь. ГIиргIазойчоьнан хиллачу омбудсмено Акун Турсунбека дIахьединера хьалхо оцу гIуллакхна бехке хила тарло цу заманчохь тIеман секретаран даржехь хилла Табалдиев аьлла. Иштта цо чIагIдарехь... Читать дальше...
"Шайна хетарг дийцар ду" аьлла, 20 шо долу нохчийн йоI Москвара цIа а ялийна, бертаза маре йохуьйтуш ю бохург аьлла, дIахьедина мехкан зорбан министро Умаров Джамбулата. "Говорит Москва" радиостанцино бина цунах хаам. "Со тешна ву и доцург ду аьлла. Нохчийчохь цхьана а кепара ницкъбар дац, маре баха ца луучу зудаберашна тIехь муххале а. Оха къастор ю и ситуаци", - аьлла министро. Ишта Умаровс билгалдоккху, и хаам баржийна "Медиазона" "Нохчийчохь долчух мах хадо хьакъйолу ресурс а яц" аьлла. Бакъонашларъярхоша "Медиазоне" дийцинера... Читать дальше...
