По седум часа поминати во суд за случајот „Тенк“, поранешниот премиер Никола груевски стаса на собраниската седница за интерпелација на Владата и излезе на говорница како последен дискутант од ВМРО-ДПМНЕ. Тој го повика Заев „да се повлече од политиката додека штетите по државата од неговото владеење не станале уште поголеми“. Според Груевски, Заев од премиерскиот кабинет „кроел планови како да побегне на претседателската функција на изборите следната година“.
Поранешниот министер за внатрешни работи и актуелен лидер на партијата Обединети за Македонија, Љубе Бошкоски, и официјално е избран за посебен советник за странски инвестиции во Кабинетот на премиерот Зоран Заев, потврдиле од Владата за МИА. Според владините информации, објави МИА, Бошкоски бил прворангиран од пријавените кандидати кои ги исполнуваат условите на објавениот конкурс. Фидан Колев ќе биде посебен советник за транспорт и врски. Тој бил единствен кој ги исполнувал условите на објавениот конкурс. Читать дальше...
Американскиот министер за одбрана Џејмс Матис денеска изјави дека е подготвен да му достави на претседателот Доналд Трамп план за воена акција во Сирија. Се уште анализираме податоци на разузнавањето и на нашите сојузници, се уште работиме на тоа. Подготвени сме да обезбедиме воени опции ако тоа е прифатливо за претседателот, изјави Матис. Паралелно со тоа, Москва најави дека од утре ќе поставува воена полиција во градот Дума, каде војската на сирискиот режим го извршила хемискиот напад. Од утре... Читать дальше...
Шефот на грчката дипломатија Никос Коѕијас допатува во Охрид на трета средба со неговиот македонски колега Никола Димитров, како дел од најновата рунда преговори за спорот за името. Предвидено е тој вечерва да има работна вечера со неговиот домаќин, шефот на македонската дипломатија Никола Димитров, додека официјалниот дел е предвиден за утре. Пред пристигнувањето на Коѕијас во Охрид и двајцата министри изразија оптимизам и надеж за успешни преговори и позитивни резултати и за двете страни. ... Читать дальше...
Алијансата за Албанците за интерпелацијата на Владата ќе биде воздржана. Според лидерот на партијата, Зијадин Села, премиерот Зоран Заев не ја заслужил поддршката. Јас ја дадов поддршката кога беше избран за премиер, денес не ја заслужуваш. Гласот на Алијансата за Албанците ќе биде воздржан. Во собраниската сала има луѓе кои живеат со логиката - Умре цаорт, да живее царот. Ова го велам со жалење, еден режим се урна за да дојде друг, рече Села. Образложувајќи го ставот на неговата партија во врска со гласањето недоверба на Владата на СДСМ... Читать дальше...
Односите со Црна Гора не се во согласност со долгогодишната традиција на пријателство меѓу двата народа, му рекол денеска рускиот претседател Владимир Путин на новиот црногорски амбасадор во Москва, на церемонија во Кремљ. Сегашната состојба на работите во односите Русија - Црна Гора, нагласил Путин, не одговара на вековните традиции на братска дружба и духовна блискост меѓу двата народи. Руско-црногорските односи се заладија кога официјална Подгорица отворено се изјасни дека сака да оди со вашингтон и со Брисел... Читать дальше...
Американскиот амбасадор во Македонија Џес Бејли вечерва оцени дека е многу важно што ВМРО-ДПМНЕ се враќа во Парламентот, како водечка опозициска партија. Силна, активна опозиција во Парламент која ќе разговара за закони е клучно за една демократија, посебно за една европска демократија, изјави Бејли во интервју за ТВ24. Амбасадорот се осврна и на реформскиот процес во Македонија и нагласи дека „не е важно само да се изгласа некој закон, туку треба да се смени функционирањето на институциите и функционирањето на луѓето“.
Советот на Град Скопје донесе одлука за воведување на А0 зона за паркирање во главниот град. Паркирањето во таа зона ќе чини 100 денари за првиот час, а секој нареден час по 50 денари, стои во Одлуката за дополнување на Ценовникот на ЈП „Градски паркинг“. Одлуката е на предлог на скопскиот градоначалник Петре Шилегов, а ќе стапи во сила веднаш по објавувањето. ЈП „Градски паркинг“ досега немаше А0 зона за паркирање.
Битола обезбеди 10 милиони денари за заштита и реконструкција на Офицерскиот дом. Ќе се обезбеди 24-часовно обезбедување и мониторинг на објектот.
Управата за финансиска полиција во врска со задржувањето на владиката Петар денеска на Меѓународниот аеродром Скопје соопшти дека има одредени сознанија, но бидејќи се работи за предмет кој, како што наведува, е во предистражна постапка не е во можност да сподели информации со јавноста. Во врска со информациите околу денешните случувања со владиката Петар, кога истрагата ќе биде во фаза која дозволува споделување на информации со јавноста, а тие нема да ја нарушат истата благовремено ќе информираме, соопшти Управата за финансиска полиција. Читать дальше...
Хемискиот напад врз цивили во сирискиот град Дума бил специјално изведен пред видео-камери од страна на претставници на Белите шлемови, изјави денеска во Москва заменик - началникот на Главната оперативна управа на рускиот Генералштаб, генерал Виктор Познихир. Тој нагласи дека „белите шлемови“ глумеле хемиски напад пред камери. На 7 април беше преземен веројатно последниот обид за фабрикување лажни сведочења за отровни супстанци кои наводно ги користеле сириските власти во источна Гута. Белите... Читать дальше...
Рускиот претседател Владимир Путин, ја коментираше моменталната ситуација по обвинувањата и реакциите за хемискиот напад во Сирија, но без конкрен предлог за нејзино решавање. Тој изрази надеж дека ќе победи „здравиот разум“ во светот кој станува „хаотичен“. Состојбата во меѓународните односи предизвикува загриженост, ситуацијата станува хаотична. Се надевам дека на крајот ќе победи здравиот разум, истакна Путин, осврнувајќи се на моменталната ситуација по хемискиот напад во Дума, за кој Западот... Читать дальше...
Единствено што не успеавме досега да го исполниме, согласно прецизните ветувања, е затоа што не можевме да предвидиме колку е заробена државата, колку е финансиски урнисана, колку е душмански ограбена, рече денеска во Собранието премиерот Зоран Заев како одговор на аргументите на опозицијата зошто треба да ѝ биде изгласана недоверба на Владата. Тој ѝ се заблагодари на ВМРО-ДПМНЕ за враќањето во Парламентот, чии пратеници ја обвинија Владата дека „е најнеспособната, најнеработливата и сигурно најкриминалната влада во историјата на Македонија“.
Митрополитот Преспанско-пелагониски Петар денеска бил задржан на Меѓународниот аеродром Скопје на барање на Финансиската полиција, потврди владиката, објави МИА. Ниту Финансиската полиција, ниту МВР, ниту САС на МПЦ-ОА, не дале одговор за причините за кусото задржување на владиката Петар. Според МИА, владиката Петар само кратко изјавил заинтересираните за детаљите за неговото задржување да се обратат кај неговиот адвокат.
Судот го одби барањето на одбраната во случајот „Тенк“ за целосно читање на содржината на писмените докази како неосновано и рочиштето продолжи со изведување на доказите од одбраната на поранешниот премиер Никола Груевски и поранешната министерката за внатрешни работи Гордана Јанкулоска, кои се обвинети за набавката на луксузниот „мерцедес“ вреден 600 илјади евра. Обвинетиот Никола Груевски изјави дека „во светот немало пример еден премиер да одговара зошто остварил корист и одреден број пати користел возило“. Читать дальше...
Скопска Апелација го потврдила решението на Кривичниот суд со кое поранешниот министер за внатрешни работи Митко Чавков останува во притвор, објави МИА. Од Апелацискиот суд за МИА изјавиле дека е отфрлено и барањето за обезбедување гаранција за пуштање на Чавков да се брани од слобода, бидејќи тоа било некомплетно. Чавков заедно со уште четири лица беа вратени во притвор на 28 март со одлука на Кривичниот суд, еден ден откако Врховниот суд ги пушти од Истражниот затвор Шутка во куќен притвор.
Рускиот премиер Дмитри Медведев изјави денеска дека неговата земја ќе се справи со последиците од последната рунда на санкции од страна на САД во услови кога вредноста на рубљата паѓа трет ден по ред. Тој за време на традиционалното обраќање во долниот дом на Парламентот порача дека Русија научила како да се носи со притисокот. На крајот на денот, според него, ќе ги претворат санкциите во корист за нивната економија. Но, како што посочи Медведев, нема да заборават кој ја туркал антируската политика.
Апелационите судии на ОН го осудија српскиот националистички политичар Воислав Шешељ на 10 години затвор за злосторства извршени за време на балканските војни. Судиите посочија дека казната на Шешељ веќе била отслужена поради времето што го поминал во притвор во Хаг. Шешељ е обвинет дека извршил злосторства против несрпско население во Хрватска, во Војводина и во Босна и Херцеговина за време на војните во деведесеттите години на минатиот век. Шешељ не беше присутен на изрекувањето на пресудата.
Алжирското министерство за одбрана соопшти дека 257 лица загинале од кои повеќето војници и членови на нивните семејства при уривањето на воен авион во земјата. Несреќата се случила при полетувањето на авионот во близина на аеродромот Боуфарик, а меѓу жртвите се и 10 членови на екипажот, како и 26 припадници на Фронтот Полисарио кој се бори за независност на Западна Сахара од Мароко. Се уште не се знае причината за несреќата.
Шефот на грчката дипломатија Никос Коѕијас денеска по средбата со неговиот српски колега Ивица Дачиќ во Белград изјави дека е направен чекор напред во решавање на спорот за името и оти за негово затворање е потребен компромис. „Реализам и прагматизам е клучот на решението. Потребен е компромис, но не гнил компромис. Двете страни мора да разберат дека не можат да добијат се“, изјави Коѕијас. Коѕијас од Белград ќе отпатува за Охрид каде што утре ќе има средба со шефот на македонската дипломатија Никола Димитров.
Американскиот претседател Доналд Трамп најави дека ракетниот напад врз Сирија можеби ќе биде неизбежен предупредувајќи ја Русија да биде подготвена. „Русија предупреди дека ќе ги собори сите ракети истрелани кон Сирија. Подготви се Русија, бидејќи тие ќе доаѓаат, фини, нови и паметни. Вие не треба да бидете партнери со животно кое со гас убива луѓе и ужива во тоа“, напиша Трамп на Твитер. Пораката на Трамп на социјалната мрежа се однесува на сирискиот претседател Башар Ал Асад чии владини сили извршија хемиски напад во градот Дума... Читать дальше...
И покрај мерките што ги презема Владата за подобрување на животниот стандард, дел од граѓаните велат дека се оптоварени со егзистенцијални проблеми кои ги имаат во континуитет со години наназад. Економистите велат дека има нагорна линија во економијата, но ефектите ќе се почувствуваат догодина.
Портпаролот на грчката Влада и министер без ресор, Димитрис Ѕанакопулос изрази уверување дека постојат политички предуслови и политичка волја за решение за спорот за името. Но, тој во интервју за грчкото радио „Њуз247“ порача и дека за време на преговорите ќе треба да се изоди уште доста пат, бидејќи од страна на грчката Влада била поставена една конкретна рамка во која е можно да има договор. Ѕанакопулос повтори и дека доколку се постигне договор, „грчката влада ќе побара и ќе се стреми кон најширок можен парламентарен консензус“.
Портпаролот на Кремљ, Дмитри Песков ги повика САД да не спроведуваат ракетен напад врз Сирија, бидејќи со тоа би можел да се дестабилизира Блискиот Исток. САД и нивни сојузници размислуваат дали да спроведат напад врз сириските владини сили како одговор на нападот со хемиско оружје во градот Дума кој е под контрола на бунтовниците. Песков одби директно да даде коментар за изјавата на рускиот амбасадор во Либан кој на 10 април предупреди дека ќе ги соборат проектилите на САД чија цел ќе биде Сирија.
ВМРО-ДПМНЕ со барањето за интерпелација обвини дека владата на СДСМ во изминатата година ја уназадила Македонија и на економски и на политички план. СДСМ се бранеше дека земјата 10 години била уништувана и оти им треба време да ја поправат.
