O‘zbekiston Xalqaro futbol federatsiyasining (FIFA) yangilangan reytingidagi o‘rnini ikki pog‘onaga yaxshiladi va 66-o‘ringa ko‘tarildi.
Ўзбекистон Халқаро футбол федерациясининг (ФИФА) янгиланган рейтингидаги ўрнини икки поғонага яхшилади ва 66-ўринга кўтарилди.
Shavkat Mirziyoyev Andijon shahridagi maktab-internatga bordi. U o‘qituvchilar bilan suhbatda yuqori sinf o‘quvchilarini oliygoh dasturlariga tayyorlash, darslarda yoshlar vaqtini ketkazmay, ko‘proq amaliyotga yo‘naltirish kerakligini aytdi.
Шавкат Мирзиёев Андижон шаҳридаги мактаб-интернатга борди. У ўқитувчилар билан суҳбатда юқори синф ўқувчиларини олийгоҳ дастурларига тайёрлаш, дарсларда ёшлар вақтини кетказмай, кўпроқ амалиётга йўналтириш кераклигини айтди.
Prezident Andijon viloyatiga tashrifi chog‘ida Asakadagi to‘qimachilik korxonasida bo‘ldi. U yerda viloyat misolida paxta-to‘qimachilik sanoatini rivojlantirish konsepsiyasi bo‘yicha axborot berildi. Tannarxni 15 foizga qisqartirish, 65 foiz qo‘shilgan qiymat yaratish rejalari ta’kidlandi.
Президент Андижон вилоятига ташрифи чоғида Асакадаги тўқимачилик корхонасида бўлди. У ерда вилоят мисолида пахта-тўқимачилик саноатини ривожлантириш концепцияси бўйича ахборот берилди. Таннархни 15 фоизга қисқартириш, 65 фоиз қўшилган қиймат яратиш режалари таъкидланди.
Ҳайдовчиларга мурожаат қилган «Ҳудудгазтаъминот», демократия рейтингида 1 поғона юқорилаган Ўзбекистон, коррупционер судьялар кўрган ишларни қайта кўриш таклифи, президентнинг Андижонга ташрифи ва бошқалар — «Газета.uz»нинг кунлик дайжестида.
Haydovchilarga murojaat qilgan “Hududgazta'minot”, demokratiya reytingida 1 pog‘ona yuqorilagan O‘zbekiston, korrupsioner sudyalar ko‘rgan ishlarni qayta ko‘rish taklifi, prezidentning Andijonga tashrifi va boshqalar — “Gazeta.uz"ning kunlik dayjestida.
Ўзбекистон EIU`нинг глобал демократия рейтингида 167 мамлакат ичида 148-ўринни эгаллади (Хитой билан бир хил). Мамлакатда бир неча йилдан бери демократия билан боғлиқ вазият 10 дан 2,12 балл сифатида баҳоланмоқда. МОдаги бошқа давлатлар каби Ўзбекистон ҳам авторитар тузумлар гуруҳида қолмоқда.
O‘zbekiston EIU`ning global demokratiya reytingida 167 mamlakat ichida 148-o‘rinni egalladi (Xitoy bilan bir xil). Mamlakatda bir necha yildan beri demokratiya bilan bog‘liq vaziyat 10 dan 2,12 ball sifatida baholanmoqda. MOdagi boshqa davlatlar kabi O‘zbekiston ham avtoritar tuzumlar guruhida qolmoqda.
Prezident energetik xavfsizlikni ta’minlash chora-tadbirlari bilan tanishdi. Jumladan, 1-apreldan gaz va elektr energiyasi tariflarini isloh qilish va ijtimoiy normalarni joriy etish, 49 mlrd dollarlik elektr energiyasini xarid qilish bo‘yicha kelishuvlarni qayta rasmiylashtirish va boshqalar rejalashtirilgan.
Президент энергетик хавфсизликни таъминлаш чора-тадбирлари билан танишди. Жумладан, 1 апрелдан газ ва электр энергияси тарифларини ислоҳ қилиш ва ижтимоий нормаларни жорий этиш, 49 млрд долларлик электр энергиясини харид қилиш бўйича келишувларни қайта расмийлаштириш ва бошқалар режалаштирилган.
16−22-fevral kunlari O‘zbekistonning tog‘li hududlari, xususan, Toshkent viloyatining Bo‘stonliq, Parkent va Ohangaron tumanlarida qor ko‘chkisi bo‘lishi xavfi e’lon qilindi.
16−22 февраль кунлари Ўзбекистоннинг тоғли ҳудудлари, хусусан, Тошкент вилоятининг Бўстонлиқ, Паркент ва Оҳангарон туманларида қор кўчкиси бўлиши хавфи эълон қилинди.
Qonunchilik palatasi spikeri o‘rinbosari, deputat Odiljon Tojiyev pora bilan qo‘lga tushgan sud raisi va prokurorlarning ko‘rib chiqqan barcha materiallari ko‘tarilib, qayta ko‘rib chiqilishi shart ekanini ta’kidladi. So‘nggi vaqtlarda bunday shaxslar pora bilan qo‘lga olinayotgani xabar qilinmoqda.
Қонунчилик палатаси спикери ўринбосари, депутат Одилжон Тожиев пора билан қўлга тушган суд раиси ва прокурорларнинг кўриб чиққан барча материаллари кўтарилиб, қайта кўриб чиқилиши шарт эканини таъкидлади. Сўнгги вақтларда бундай шахслар пора билан қўлга олинаётгани хабар қилинмоқда.
Davlat mulkini xususiylashtirish tartibi tasdiqlandi. Unga ko‘ra, davlat mulkini auksion, tanlov savdolari, muzokaraga ommaviy taklif qilish, birja va boshqa yo‘l bilan xususiylashtirish mumkin. Xususiylashtirilishi mumkin bo‘lgan mulklar: ko‘chmas mulk obyektlari, davlat ulushlari, DUK va davlat muassasalaridir.
Давлат мулкини хусусийлаштириш тартиби тасдиқланди. Унга кўра, давлат мулкини аукцион, танлов савдолари, музокарага оммавий таклиф қилиш, биржа ва бошқа йўл билан хусусийлаштириш мумкин. Хусусийлаштирилиши мумкин бўлган мулклар: кўчмас мулк объектлари, давлат улушлари, ДУК ва давлат муассасаларидир.
1-aprelgacha provayderlarga xalqaro internet tarmoqlariga to‘g‘ridan-to‘g‘ri ulanish imkoniyatini taqdim etish reja qilinmoqda. 2020-yilda bunday monopoliyani bekor qilish maqsad qilingandi, ammo bu haligacha amalga oshmagan. Telekommunikatsiya sektori bo‘yicha mustaqil regulyator 1-sentabrgacha paydo bo‘lishi mumkin.
1 апрелгача провайдерларга халқаро интернет тармоқларига тўғридан-тўғри уланиш имкониятини тақдим этиш режа қилинмоқда. 2020 йилда бундай монополияни бекор қилиш мақсад қилинганди, аммо бу ҳалигача амалга ошмаган. Телекоммуникация сектори бўйича мустақил регулятор 1 сентябргача пайдо бўлиши мумкин.
Қишлоқ хўжалиги вазирлиги мамлакатга кириб келадиган совуқ ҳаво оқими пиёз нархи кўтарилишига сабаб бўлиши мумкинлиги ҳақидаги хабарларни рад этди.
Фарғона шаҳрида ер майдонидаги теракларни кестирмоқчи бўлган аёл ва ернинг собиқ эгаси ўртасида жанжал келиб чиқди. Оқибатда эркак тош билан уриши оқибатида аёл жароҳат олиб, шифохонада вафот этди. Эркак қамоққа олинди.
Валижан Ниязимбетов Элликқалъа туманига ҳоким этиб тайинланди. Шу пайтга қадар у Тўрткўл тумани ҳокими ўринбосари бўлиб ишлаб келаётганди.
Тўрткўл туманидаги 5-сонли мактаб-интернатда тарбиячи 10 ёшли қизнинг юзига тарсаки туширгани акс этган видео тарқалди. Ҳолат ўтган йилнинг октябрь ойида содир бўлган. Болалар омбудсмани тарбиячи қонун доирасида жавобгарликка тортилиши шартлигини билдирди. Терговга қадар суриштирув ишлари кетмоқда.
Ўзбекистонда 16−18 февраль кунлари ҳаво ҳароратининг кескин пасайиши сабаб АГТКШлар иш графигига ўзгартиришлар киритилиши мумкин. «Ҳудудгазтаъминот» ҳайдовчилардан автомобилларни ёнилғи билан тўлдириб олишни сўради.
