Ўзбекистон футбол терма жамоаси Осиё кубогининг чорак финалида пенальтилар сериясида мезбон жамоа — Қатарга имкониятни бой бериб, турнирни тарк этди. Энди қатарликлар финалга йўлланма учун Эронга қарши ўйнайди. Хавфли вазиятларга бой кечган баҳсдан видео, фото ва статистика.
Солиқ қўмитаси Ўзбекистонда 1 апрелдан бекор бўладиган ҚҚС бўйича айрим имтиёзлар ҳақида эслатди. Унга кўра, тиббий хизматлар, дори воситалари, сув таъминоти, канализация иссиқлик таъминоти ва яна бир қатор соҳаларда ҚҚС қайта жорий этилади.
Шавкат Мирзиёев топшириғига кўра Ўзбекистон Бишкек иссиқлик электр станциясида юз берган авария муносабати билан Қирғизистонга ёрдам беради. Ўшга Андижондан суюлтирилган газ баллонлари ёрдам сифатида жўнатилди.
Тошкент шаҳрида товламачилик ва фирибгарликда гумонланган шахс ушланди. У фуқароларга фоиз эвазига пул бериб, қарздорнинг номида бўлган уй ва автомобилни гаров эвазига ўзининг номига расмийлаштириб олган. Гаровга қўйилган мулк миқдори фоиз эвазига берилган пул маблағидан 3−4 баробар кўп бўлган.
Мактабгача ва мактаб таълими вазири Ҳилола Умаровага Фарход Боқиев ҳамда Сардор Раджабов ўринбосар этиб тайинланди. Боқиев Сенат қўмитаси раиси ўринбосари, Раджабов эса мазкур вазирлик департаменти директори сифатида ишлаб келаётганди.
Тошкент ва Бухорода ҳужжатларни расмийлаштириб бериш учун пора талаб қилган бош мутахассис ва архитектор қўлга олинди. Уларга нисбатан фирибгарлик ва пора бериш моддалари билан жиноят ишлари қўзғатилди.
Ўзбекистонликлар учун Жанубий Кореядаги ишлаб чиқариш, қишлоқ хўжалиги, хизмат кўрсатиш ва қурилиш соҳасида 37,4 мингта иш ўрни учун танлов ўтказилади. Таклиф этилаётган соҳаларда ойлик маош ўртача 2000−2500 минг АҚШ долларини ташкил этиши маълум қилинди.
Тошкентда 80-сонли автобус йўналиши ҳайдовчиси йўлда бошқа транспорт воситаларига халақит бериб, авария ҳолатни юзага келтирди. Ҳайдовчи йўл ҳаракати қоидаларини қўпол бузгани ва йўловчилар ҳаётини хавф остига қўйгани учун ишдан бўшатилди.