Даргириҳои шадид миёни нерӯҳои Арманистону Озарбойҷон дар минтақаи Қаробоғи Кӯҳӣ аз ду тараф чандин куштаву захмӣ барҷой гузоштаанд. Дар ҳоле ки ҷомеаи ҷаҳонӣ хоҳони таваққуфи фаврии ҷанг шудааст, ду ҷониб якдигарро ба доман задани набардҳо муттаҳам мекунанд.
Рустам Латифзода, номзад ба мақоми раёсатҷумҳурӣ аз Ҳизби аграрии Тоҷикистон, рӯзи 29-уми сентябр гуфт, дар чанде аз ноҳияҳои тобеи марказ ва Хатлону Суғд бо мардум дидору мулоқот дошт ва маълум шудааст, ки онҳо аз ҳоло "интихоби худро кардаанд".
Бахши аввалро дар инҷо хонед Навиштаи Ҳафиз Қаландаров Бахши 2. Забон ва лаҳҷа Фарқи бунёдии забони адабӣ аз лаҳҷа дар он аст, ки аввалӣ шакли хаттӣ дорад, бояд аз ҷониби давлату мақомот дастгирӣ ёбад, дар мактабу мадраса омӯзонда шавад ва меъёри ниҳодинаи забон ба шумор меравад. Лаҳҷа гӯишест, ки бар пояи ҳамон забон, аммо дар доираи танг ташаккул меёбад, ҳарчанд ба сарватмандии забон кумак мекунад, ҳаргиз ҷойи онро гирифта наметавонад. Ҳолати 3 Тақрибан 4-5 сол пеш як ҳамсояам, модарашро... Читать дальше...
Масъулони Вазорати корҳои дохилии Тоҷикистон гуфтанд, ки дар ҳашт моҳи имсол беш аз 4350 мавриди дуздиро сабт кардаанд ва ин дар муқоиса ба ҳамин давраи соли гузашта беш аз 600 ҳолат зиёд аст. Сокинон низ аз афзоиши ҳолатҳои дуздӣ дар гӯшаҳои гуногуни кишвар шикоят доранд. Ҷомеашиносон вазъро ба пандемияи коронавируси нав ва бекории бахше аз аҳолӣ рабт медиҳанд. Мавлуда, сокини 45-солаи ноҳияи Синои шаҳри Душанбе, гуфт, ҳафтае пеш шахси номаълум ба хонаашон ворид шуда, телевизори тамғаи "Самсунг"-ро дуздидааст. Читать дальше...
Мақомот дар Афғонистон гуфтанд, ки дар паи таркиши бомбаи сарироҳӣ дар вилояти марказии Дайкундӣ дастикам 14 мулкӣ кушта шуд. Бо ин ки дар Қатар ҳукумат ва Толибон музокироти сулҳ барпо кардаанд, хушунат дар саросари кишвар кам намешавад. Сухангӯи волии Дайкундӣ Насрулло Ғӯрӣ дар сӯҳбат бо бахши Афғонии Радиои Озодӣ гуфт, ки ҳафт зан, панҷ кӯдак ва ду мард ҳангоме ҷон доданд, мошинашон ба як маводи сарироҳии тарканда бархӯрд. Дар ҳодисаи рӯзи 29-уми сентябр инчунин се мусофир маҷрӯҳ шудааст. То ҳол... Читать дальше...
Котиби давлатии ИМА Майк Помпео рӯзи 29-уми сентябр аз Арманистону Озарбойҷон, ки ҳамоно дар минтақаи ҷудоиталаби Қаробоғи Кӯҳӣ даргир ҳастанд, тақозо кард, ки низоъҳоро хотима бидиҳанд. Қаробоғи Кӯҳӣ, ки аксар сокинонаш арманитабор мебошанду аз ҷониби Арманистон пуштибонӣ мебинанд, дар дохили қаламрави Озарбойҷон ҷойгир аст. Соли 1990 ин минтақа истиқлолияти худро эълон кард, вале ҳеҷ кишваре инро ба расмият нашинохт. Помпео, ки бо як сафари корӣ дар ҷазираи Крит қарор дорад, мавзӯи Қаробоғи Кӯҳиро... Читать дальше...
Фаромуз Иргашев нокомӣ дар интихоботи президентиро сабақ барои оянда мешуморад.
Моҳи ҷорӣ дар гуштфурӯшиҳои маркази вилояти Суғд нарх якбора боло рафтааст. Фарқият байни нархномаи расмӣ ва қиммате ки савдогарон гӯштро мефурӯшанда аз 8 то 10 сомниро ташкил мекунад.
Мӯсо Диноршоев, файласуфи маъруфи тоҷик имрӯз дар синни 86 солагӣ даргузашт. Ин доншманди шинохтаи тоҷикро дар оромгоҳи Лучоби шаҳри Душанбе ба хок супурданд.
Додгоҳе дар Беларус ду мардро, ки ҳангоми ширкат дар намоишҳои эътирозии зидди Александр Лукашенко бо полис занозанӣ карданд, ба зиндон маҳкум кард. Рӯзи 29-уми сентябр додгоҳе дар шаҳри Молодечно, ки дар наздикии Минск қарор дорад, ҳукм кард, ки Павел Песков ва Владислав Евстигнеев барои ба таври хушунатомез итоат накардан ба полис маҳкум ба зиндон мешаванд. Додрас Виктория Полошук ҳукм кард, ки Песков ба 3 солу 3 моҳи зиндон ва Евстигнеев ба 3 соли зиндон маҳкум мешаванд. Ин нафарон дар он гунаҳгор шуданд... Читать дальше...
Пулиси Русия шаби 28-уми сентябр тақрибан 40 муҳоҷири тоҷикро дар ноҳияи Одинтсовои Маскав боздошт кардааст. Муҳоҷирон мегӯянд, як рӯз боз гурусна ва дар шароити нохуб ҳастанд.
Сарвазири Узбекистон дар Душанбе аз ҷумла боз шудани марзи миёни ду кишварро баррасӣ мекунад, даргузашти академик Мӯсо Диноршоев, болоравии нархи гӯшт, мусоҳиба бо номзади нокоми мақоми Президенти Тоҷикистон Фаромуз Иргашев ва матолиби дигар.
Пулиси Русия шаби 28 уми сентябр наздики 40 муҳоҷири тоҷикро дар ноҳияи Одинсовои Маскав боздошт кардааст. Муҳоҷирон мегӯянд, як рӯз боз гурусна ва дар шароити нохуб нигаҳдорӣ мешаванд. Далели боздошти онҳоро пулис надоштани патент барои кор дар ноҳияи Одинсово унвон кардааст.
Дар паи даргириҳои нав дар минтақаи ҷудоиталаби Қаробоғи Кӯҳӣ ширкати байналмилалии ҳавоии Украина парвози нақшавӣ ба Ереванро боздошт. Ширкати ҳавоӣ дар изҳороте гуфт, бо нигарониҳои амниятӣ аз парвоз бар фарози Арманистону Озарбойҷон худдорӣ мекунад. Парвоз ба Ереван, пойтахти Арманистон дар таърихи 2 ва 3 октябр ва ба пойтахти Озарбойҷон – шаҳри Боку 4 октябр ба нақша гирифта шудааст. Дар изҳорот омадааст, ки тасмим дар бораи ин парвозҳо дертар гирифта мешавад. Арманистон рӯзи 27 сентябр гуфт... Читать дальше...
Дар шаҳри Будапешт бо ширкати ҳайати Қирғизистон маросими кушоиши боғи ба номи нависандаи маъруф Чингиз Айтматов баргузор мешавад. Дар ин бора хадамоти матбуотии президенти Қирғизистон иттилоъ медиҳад. Сооронбой Ҷеенбеков рӯзи 28 сентябр бо сафари расмӣ ба Маҷористон (Венгрия) рафт. Ҷеенбеков дар ин сафар бо сарвазири Венгрия Виктор Орбан мулоқот мекунад. Ду мақомдор эъломияи шарикии стратегӣ, тафоҳумномаи бунёди рушди Қирғизистону Маҷористон ва дигар санадҳои ҳамкории дуҷонибаро ба имзо мерасонанд. Читать дальше...
Шаҳрдории Москва Сергей Собянин эълом кард, ки дар робита ва авҷгирии вабои COVID-19 хонандагони мактабҳо аз 5 октябр то 18 октябр ба таътил фиристода мешаванд. Дар ин бора сомонаи шаҳрдории Москва хабар додааст. Одатан таътили тирамоҳӣ дар мактабҳои Русия як ҳафта идома мекунад. "Бо тавсияи пизишкон ва бо назардошти авҷгирии бемориҳои хоси мавсими тирамоҳ ва афзоиши сабти ҳолатҳои нави гирифторӣ ба вабои коронавирус тасмим гирифта шуд, ки таътили тирамоҳӣ ду ҳафта эълом шавад", - омада аст дар изҳороти Собянин. Читать дальше...
Мӯсо Диноршоев, файласуфи маъруфи тоҷикро, ки рӯзи 29-уми сентябр дар 86-солагӣ даргузашт, дар оромгоҳи Лучоби шаҳри Душанбе дафн карданд. Маросими видоъ бо ӯ дар наздикии хонааш дар маҳаллаи "километри 7-ум" баргузор шуд. Абдуҷаббор Раҳмонзода, мушовири раиси ҷумҳурии Тоҷикистон, дар суҳбат бо Радиои Озодӣ марги Мӯсо Диноршоевро "талафоти бузург ба ими тоҷик" номид. Ӯ гуфт: "Муаллифи даҳҳо рисолаи таҳқиқотӣ ва садҳо мақола буданд. Аз шахсиятҳое буданд, ки дар тарҷумаи осори Абуалӣ ибни Сино ва файласуфони дигар нақши бузург доштанд. Читать дальше...
Рӯзи 29-уми сентябр қарор аст нахустин музоҳираи интихоботии Доналд Трамп ва Ҷо Байден баргузор шавад. Нашрияи New York Times дар як таҳқиқот андозсупориҳои президент Доналд Трампро таҳқиқ кард ва ҳоло интизор меравад, ки дар ҷараёни баҳси 90-дақиқагии ду номзад ҳамин масъала авлавият хоҳад дошт. Нашрия гуфт, ки давоми 17 соли охир Трамп аз роҳи гузориш додани ин ки даромадашро аз даст додааст, ба давлат андози хеле кам пардохт кардааст ваё аслан андоз надодааст. Таҳқиқоти журналистӣ мегӯяд, ки... Читать дальше...
Мақомоти Вазорати корҳои дохилии Тоҷикистон рӯзи 29-уми сентябр дар баёнияи расмӣ гуфтанд, ки Раҳматилло Зойиров, раиси Ҳизби сотсиал-демократро касе назада, балки сагаш ба даруни ҷӯйбор афтондааст. Раҳматилло Зойиров дар вокуниш ба баёнияи Вазорати корҳои дохилӣ гуфт, "чунин назар бепоя ва пур аз иштибоҳ аст. Дар зудтарин фурсат дар ин замина баёнияи расмӣ нашр мекунем”. Вай пештар гуфта буд, ки шоми 22-юми сентябр шахсони ношинос дар наздикии хонааш дар шаҳри Душанбе ба ӯ ҳамла карда, ба сару чашмаш осеб расонданд. Читать дальше...
Тамоми таҷҳизотҳои варзишӣ дар асоси фармоиши махсус дар шаҳри Гуанчжоуи Ҷумҳурии Мардумии Чин бо сифати ҷавобгу ба талаботи стандартҳои ҷаҳонӣ сохта шудааст
Мақомоти тандурустии Тоҷикистон аз баҳори имсол то ба ҳол борҳо гуфтаанд, ки ба қадри кофӣ ДНС доранд, аммо беморон ва наздиконашон ҳамвора аз камбуди дастгоҳҳо дар баъзе аз шифохонаҳо шикоят мекунанд. Ҳақ ба ҷониби кист?
Президенти Фаронса Эммануэл Макрон баъди мулоқот бо раҳбари мухолифони Беларус Светлана Тихановская дар Литва ваъда дод, ки Аврупо дар бӯҳрони сиёсии Беларус миёнҷигӣ мекунад. Ӯ гуфт, ки “мо, аврупоиҳо, беҳтарин талошамонро барои миёнҷигӣ ба харҷ медиҳем”. Тихановская баъди ин дидор ба хабарнигорон гуфт, ки президенти Фаронса “ба мо ваъда дод, ки барои барпо кардани музокирот дар ин давраи бӯҳрони сиёсии кишварамон кӯмакашро дареғ намедорад ва ӯ инчунин барои озод кардани ҳама зиндониҳои сиёсӣ мусоидат хоҳал кард”. Читать дальше...
Даргириҳои миёни нирӯҳои Арманистону Озарбойҷон дар қаламрави минтақаи баҳсии Қаробоғи Кӯҳӣ рӯзи сеюм – 29-уми сентябр ҳам идома дошт ва бо вуҷуди даъватҳои байналмилалӣ барои хатми ҷанг, ҳарду ҷониб ҳамдигарро дар доман задани низоъ гунаҳгор карданд. Дар ҷараёни даргириҳои ахири миёни ду ҷумҳурии Қафқози Ҷанубӣ даҳҳо нафар ҷон додааст. Вазорати дифои Озарбойҷон гуфт, ки низомиёни арманӣ минтақаи Дашкесянро ҳадаф қарор доданд, ин иттиҳомро Ереван ҳамчун “дурӯғи маҳз” рад кард. Дар изҳороти вазорати дифои Озарбойҷон гуфта шуд... Читать дальше...
Аз кишвари аврупоии Полша ахиран панҷ шаҳрванди Тоҷикистон бо гумони иртибот бо гурӯҳи тундрави “Давлати исломӣ” истирдод шуданд. Radio Poland навиштааст, ки ин нафарон дар ҷалби шаҳрвандони Полшаву Украина ба амалҳои террористӣ дар қаламрави Полша гумонбар мешуданд. Исми ин шаҳрвандон нашр намешавад. Вале гуфта мешавад, ки чор шаҳрванди Тоҷикистонро моҳи маи соли ҷорӣ боздошт карданд. Нафари панҷумро дар чаҳорчӯби як амалиёти байналмилалии зиддитеррористӣ дастгир карданд. Ин нафар моҳи декабри соли 2019 аз хоки Полша фирор карда буд. Читать дальше...
Эстафетаи машъали олимпӣ 25-уми марти соли 2021 дар префектураи Фукусима оғоз ёфта, 121 рӯз идома хоҳад кард. Дар ин бора сайти кумитаи тадорукоти Бозиҳои олимпӣ ва паралимпӣ дар Токио хабар додааст. Ба иттилои манбаъ, эстафета аз маркази тамринии футбол дар шаҳри Фукусима шуруъ шуда, сипас ба тамоми 47 префектураи (минтақаҳои маъмурӣ) Ҷопон сафар мекунад. Хабар дода мешавад, кумитаи тадорукоти Бозиҳо барои таъмини эстафетаи бехатар ва боэътимод як қатор чораҳоро меандешад, ки ба онҳо пандемияи коронавирус таъсир расонида натавонад. Читать дальше...
