Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Ҳарчанд Саидҷаъфар Усмонзода ба интихоботи президентӣ роҳ наёфт, имкон дорад худро таъсиргузортар аз онҳое нишон бидиҳад, ки дар ин сабқат иштирок доранд. Гап сари иддаое нест, ки сабти ном нашудани раҳбари демократҳоро ба фаъолмандии ӯ дар шабакаҳои иҷтимоӣ ва расонаҳои хабарӣ нисбат дода, аз ӯ "қаҳрамон" тарошиданӣ мешаванд. Дар анҷумани Ҳизби демократ, ки ӯро номзад пешниҳод карданд, яке аз ҳамсафонаш - Мирзо Нуриддинов пешниҳод намуд... Читать дальше...
Панҷ номзаде, ки ба интихоботи президентӣ дар Тоҷикистон роҳ ёфтанд, бо барномаҳое вориди ин маърака мешаванд, ки ба гуфтаи худашон "барои зиндагии шоистаи мардум аст". Аммо сокинон ва коршиносону таҳлилгарон мегӯянд, дар барномаи пешазинтихоботии номздаҳо мушкилоти воқеии кишвар зикр нашудааст ва номзадҳо ба масъалаҳои хурду реза иктифо кардаанд. Дар интихоботи президентии 11-уми октябр раиси ҷумҳурӣ барои 7 соли дигар интихоб мешавад ва рушди Тоҷикистон то соли 2027 аз ӯ вобаста хоҳад буд. Мушкили асосӣ чист? Читать дальше...
Ҳусейн Саломӣ, фармондеҳи Сипоҳи посдорони инқилоби исломии Эрон, таҳдид кард, аз ҳар касе, ки дар қатли Қосими Сулаймонӣ нақш дорад, интиқом хоҳанд гирифт. Генерал Сулаймонӣ, фармондеҳи собиқи Сипоҳ, моҳи январи имсол дар ҳамлаи ҳавопаймои бесарнишини амрикоӣ дар наздикии фурудгоҳи байналмилалии Бағдод кушта шуд. Вебсайти Сипоҳи посдорон рӯзи 19-уми сентябр аз Ҳусейн Саломӣ иқтибос овард, ки гуфтааст, “Ҷаноби Трамп, интиқом гирифтани мо барои шаҳодати генерал возеҳ, ҷиддӣ ва қатъӣ аст.” Вай афзудааст... Читать дальше...
Пулиси Белорус рӯзи 19-уми сентябр даҳҳо нафари норозиро дар Минск боздошт кардааст. Онҳо бо роҳпаймоӣ дар пойтахт хостори истеъфои раиси ҷумҳурӣ Александр Лукашенко шудаанд. Эътирозҳо аз рӯзи 9-уми август, замони интихоботи президентӣ дар Белорус идома дорад. Норозиён натиҷаҳои интихоботро, ки бино бар он Лукашенко баранда эълон шуд, намепазиранд. Дар натиҷаи тазоҳуроти беш аз як моҳи ахир ҳазорон нафар боздошту лутукӯб шуда, тақрибан ҳамаи роҳбарони асосии мухолифин маҷбур кишварро тарк кардаанд ва ё дастгир шудаанд. Читать дальше...
Шӯрои ҳуқуқи башари Созмони Милали Муттаҳид дар мавриди вазъи Белорус эъломия қабул кард. Дар он дар хусуси даҳҳо ҳолати таҳқири инсон, дуздӣ, ихроҷи одамон ва зӯроварии ҷинсӣ зикр карда шудааст, ки аз тарафи кормандони мақомоти ҳифзи ҳуқуқ нисбат ба тазоҳургарони мусолиматомез сурат гирифтааст. Кишварҳои узви Шӯро даъват карданд, ки дар Белорус зӯроварӣ нисбат ба тазоҳургарон қатъ шуда, ба боздоштҳои худсарона хотима диҳанд ва маҳбусони сиёсиву журналистҳо, ҳомиёни ҳуқуқ ва афроди дигареро, ки дар ҷараёни гирдиҳамоӣ боздошт шудаанд... Читать дальше...
Бар асари бемории коронавирус дар вилояти Тошканд як навраси 11-сола фавтидааст. Ӯ қурбонии хурдсолтарин аз COVID-19 дар Узбекистон ба шумор меравад. Қаблан дар Узбекистон аз марги хурдсолҳо бар асари бемории ҳамагир иттилоъ дода намешуд. Масъулони Вазорати тандурустии Узбекистон 18-уми сентябр иттилоъ доданд, ки дар рӯзҳои ахир се нафар аз бемории COVID-19 ҷон бохтаанд. Ба ин тартиб, шумори фавтидаҳо дар ин кишвар ба 423 нафар баробар шуд.
"Давлати пирӣ" хулосаи достони як марду зани кӯҳансол дар ҷамоати Эсанбойи ноҳияи Рӯдакӣ аст, ки се набераи маълули худро ба танҳоӣ калон мекунанд.
«Давлати пирӣ» хулосаи достони як марду зани кӯҳансол дар ҷамоати Эсанбойи ноҳияи Рӯдакӣ аст, ки се набераи маълули худро ба танҳоӣ калон мекунанд. Онҳо шикоят карданд, ки мақомот маълулии кӯдаконро напазируфтанд ва ба онҳо кӯмаки иҷтимоӣ нарасонданд. Зеро мебоист, ин тифлон, ки маъюбии онҳо бе заррабин ҳам аён буд, аз таҳқиқи тиббӣ гузаранд. Барои ин зиёда аз 4000 сомонӣ зарур буд. Бобо ва бибӣ, ки нафақаашон на бештар аз 300 сомонист, ин имконро надоштанд.
Барзу Абдураззоқов, коргардони шинохтаи театр ва аз фаъолони ҷамъиятии Тоҷикистон, рӯзи 19-уми сентябр 61-сола шуд. Ӯ чанд сол боз дар Қазоқистон кору зиндагӣ мекунад. "Бисёр мутаассифам, ки имсол коронавирус имкон надод намоишномаи "Ревизор"-и Гоголро рӯйи саҳна биорам. Ҳоло тамринҳо идома доранд, аммо ба таври фосилавӣ", -- гуфт ӯ рӯзи шанбе дар суҳбат бо Радиои Озодӣ. Барзу Абдураззоқов фарзанди ҳунарманди шинохтаи тоҷик Ҳабибуллоҳ Абдураззоқов ва ҳунарпешаву коргардони маъруфи театр Фотима Ғуломова аст. Читать дальше...
Иёлоти Муттаҳидаи Амрико аз 20-уми сентябр паҳну истифодаи WeChat ва TikTok, барномаҳои мутааллиқ ба Чинро дар фурӯшгоҳҳои замимаҳо, аз ҷумла App Store ва Google Play манъ мекунад. Ин тасмим ба корбарони хориҷ аз Амрико таъсир надорад. Вазорати бозаргонии Амрико дар ин бора рӯзи 18-уми сентябр изҳорот дод. Дар ин ниҳод гуфтанд, барномаҳо бо Хадамоти махсуси Чин ҳамкорӣ дошта, дар бораи корбарон маълумот ҷамъ меоранд ва бино бар ин истифодаашон ба амнияти миллии Амрико хатар дорад. Уилбур Росс, ноиби вазири бозаргонии Амрико гуфт... Читать дальше...
Масъулони Вазорати корҳои дохилии Тоҷикистон хабар доданд, ки як духтари 21-солаи тоҷикро барои оташ задани дӯстдоштааш дастгир карданд. Ҳодиса 26-уми августи имсол дар канори дарёи Кофарниҳон дар шаҳри Ваҳдат рух додааст, вале хабари он рӯзи 19-уми сентябр расонаӣ шуд. Духтарро барои "қасдан расондани зарари вазнин ба саломатӣ" гумонбар медонанд. Назари ҷониби дигар маълум нест. Рӯшан нест, ки ҳодиса дар чӣ шароите иттифоқ уфтодааст. Ба сабаби ошкор нашудани номи гумонбар пайдо кардани наздиконаш то ин дам бенатиҷа буд. Читать дальше...
Чанде аз роҳгузарон дар Душанбе гуфтанд, ки аз барандаи интихоботи моҳи октябр ҷойи кор, маоши бештар, шароити хуб дар бемористонҳо ва пуштибонӣ аз мардуми камбизоатро мехоҳанд. Иддае дигар ҳифзи суботу оромиро орзу доранд. Интихоботи президентӣ дар Тоҷикистон рӯзи 11-уми октябр баргузор хоҳад шуд. Барои дарёфти курсии шахси аввал панҷ кас вориди рақобат шудаанд. Раиси ҷумҳури ҳозира яке аз онҳост. Хабарнигори Радиои Озодӣ аз чанд роҳгузар дар Душанбе пурсид, ки аз барандаи интихобот ҳалли чӣ мушкилеро мехоҳанд. Читать дальше...
Чанде аз роҳгузарон дар Душанбе гуфтанд, ки аз барандаи интихоботи моҳи октябр ҷои кору маоши бештар, шароити хуб дар бемористонҳо ва пуштибонӣ аз мардуми камбизоатро мехоҳанд. Иддае дигар ҳифзи суботу оромиро орзу доранд. Назари дигаронро дар видео бинед ва навиштани андешаҳои худро аз ёд набаред.
Лигаи футболи Тоҷикистон санаҳои баргузории бозиҳои ниманиҳоӣ ва ниҳоии Ҷоми Тоҷикистон-2020-ро эълон кард. Бозиҳои ниманиҳоӣ рӯзҳои 22-23-юми сентябр ва бозии ниҳоӣ 10-уми октябр баргузор мешаванд. Дар ин бора сомонаи расмии Федератсияи футболи Тоҷикистон (ФФТ) хабар додааст. Ба иттилои манбаъ, бозии аввали ниманиҳоии Ҷоми Тоҷикистон-2020 рӯзи сешанбе, 22-юми сентябр, дар Варзишгоҳи марказии шаҳри Кӯлоб доир мегардад. Дастаи «Равшан» дар майдони худ бо тими «Регар-ТадАЗ»-и Турсунзода рақобат мекунад. Читать дальше...
Ҳадди ақал шаш ширкати бузурги саноативу энержии Узбекистон таҳти мудирияти ширкати SFI Management Group даромаданд. Солҳои 2017-2018 Корхонаи металлургии Узбекистон, Корхонаи куҳиву металлургии Олмалиқ ва Корхонаи металлургии Тошканд дар ихтиёри ширкати SFI Management Group гузошта шуданд. Аммо ҷомеаи Узбекистон то кунун огоҳӣ надошт, ки се корхонаи дигари бахши энержӣ низ дар ихтиёри ширкати SFI Management Group гузошта шудааст. Кобул Шодиев, роҳбари ширкати SFI Management Group ахиран гуфтааст... Читать дальше...
Вазорати молияи Қирғизистон хабар дод, ки то 31-уми июли имсол қарзи давлатии хориҷии ин кишвар ба беш аз 4 миллиарду 169 миллион доллар расидааст. "Корҳо барои коҳиши сатҳи вобастагии хориҷӣ ба таври доимӣ идома доранд", - омадааст дар иттилоияи вазорат. Мизони қарзи хориҷии Қирғизистон соли 2019 то ба 45,5 дарсади Маҷмуи маҳсулоти дохилӣ (ММД) кам карда шуда буд, вале соли равон ба далели пандемияи коронавирус он дубора ба 56,2 дарсади ММД расидааст. Вазорати молияи Қирғизистон хабари вакилони... Читать дальше...
Бо идомаи тохтутози коронавирус мардум дар саросари ҷаҳон ниқоб мепӯшанд, то худрову атрофиёнашонро аз бемории СОVID-19 эмин нигаҳ доранд. Вале барои бисёриҳо ниқоб ва дигар василаҳои муҳофизатӣ озордиҳанда аст.
Ширкатҳои тавлиди абзорҳои электронӣ саъй доранд, ниқобу дигар абзорҳои муҳофизатӣ аз коронавируси нав бисозанд, ки истифодаашон осон бошаду шуморо озор надиҳад.