Вазорати корҳои хориҷии Тоҷикистон Анӯшервон Орифов, хабарнигори телевизиони "Настоящее Время", як бахши Радиои Аврупои Озод/Радиои Озодиро аз аккредитатсия ё парвонаи кор маҳрум кард. Дар ин бора мақомот рӯзи 4-уми август намояндаи дафтари Радиои Озодиро дар Душанбе расман огоҳ намуданд. Муҳлати иҷозаи кори Анӯшервон Орифов рӯзи 1-уми август ба поён расид, вале масъулони вазорат онро дароз накарданд. Мақомоти Тоҷикистон аз нашри ду матлаби вобаста ба равишҳои таблиғи эҳтимолии пеш аз интихоботи... Читать дальше...
Бар асари таркиши сахт дар Бейрут, пойтахти Лубнон, даҳҳо нафар кушта ва ҳазорон тани дигар захмӣ шудаанд. Ин таркиш баъд аз зуҳри рӯзи сешанбе руй додааст.
Дар ҳоле ки мақомоти Тоҷикистон, бинобар таъсири манфии пандемияи короновирус, аз камбуди пул дар буҷаи кишвар мегӯянд, маоши кормандони буҷавӣ, нафақа ва стипендия аз якуми сентябри имсол 15 дарсад боло бурда мешавад.
Албания шаҳрванди 24-солаи Тоҷикистон Комрон Зуҳуровро, ки ба узвият дар гурӯҳи тундрави "Давлати исломӣ" ё ДОИШ муттаҳам мешавад, ба мақомоти Олмон таслим кардааст.
Ҷазо барои фурӯши носро дар Русия сахттар карданд. Мақомот интизор доранд, ки бо бештар шудани ҷаримаҳо нархи нос гарон мешавад ва минбаъд барои наврасону ҷавонон дастнорас хоҳад буд. Аммо як санҷиши хабарнигори телевизиони «Настоящее время» дар Маскав нишон дод, ки барои носкашҳо дастрас кардани ин навъи тамоку душвор нест. Гузоришро Амриддин Олимов тақдим мекунад.
Падари Азизбеки 18-сола мегӯяд, гунаҳкорони марги писараш ҷазо гиранд.
Президент -- меҳмони хонаводаҳо. Ҳолпурсӣ ё оғози таблиғоти интихоботӣ?
Аввалин хулосаҳо аз истихроҷи инфиродии тило дар Тоҷикистон.
Азизбек Раҷабов, сокини ҳаждаҳсолаи ноҳияи Айниро, ки ҳангоми задухӯрд ҷароҳат бардошта, дар бемористон фавтид, рӯзи 4-уми август дар зодгоҳаш деҳаи Ревади Поён дафн карданд.
Завқӣ Завқизода, вазири рушди иқтисод ва савдои Тоҷикистон мегӯяд, бо вуҷуди таъсири пандемияи COVID-19 ба иқтисоди кишвар, тавонистанд рушди Маҷмӯи Маҳсулоти Дохилиро дар сатҳи 3,5 дарсад таъмин намоянд. Аммо таҳлилгарони мустақил ба ин гуфтаҳо бо шубҳа менигаранд ва мегӯянд, ки дар чунин шароит ин кор баъид ба назар мерасад. Тоҷикистон қаблан рушди Маҷмӯи Маҳсулоти Дохилии худро дар соли 2020 дар сатҳи 7,8 фисад пешбинӣ намуда буд, аммо дар пай таъсири хуруҷи коронавирус онро бознигарӣ намуда, ба сатҳи 4,7 фоиз поин овард. Читать дальше...
Яке аз додситонҳои Ню Йорк мегӯяд, ки таҳқиқи парвандаи тиҷоратҳои раиси ҷумҳур Доналд Трампро васеътар кардааст ва ҳоло тақаллубҳои эҳтимолии бонкӣ ва бимаи ширкатҳои ӯро тафтиш мекунанд. Сайрус Ванс, додситони Манҳеттен рӯзи 3-уми август гуфт, аз тариқи додгоҳ талаб кардаанд, ки санадҳои хусусии раиси ҷумҳур ва ҳисоботи молиёти ширкатҳояшро дар ихтиёри додситонҳо гузорад. Дархост аз додгоҳ бахше аз тафтишоти парвандаи Трамп аст, ки ба пардохти “ҳаққи сукут” ба ду зане, муттаҳам мешавад, ки гӯё... Читать дальше...
Дмитрий Медведев, муовини раиси Шӯрои Амнияти Миллии Русия гуфт, ба сабаби пандемияи коронавирус, ҷинояткорӣ дар байни муҳоҷирон дар кишвараш зиёд шудааст. Медведев ҳангоми ҷаласаи шӯро дар рӯзи 3-уми август гуфт, ки дар натиҷаи пандемия 40 дар сади муҳоҷирон дар Русия аз ҷойи корашон маҳрум шудаанд. Ӯ афзудааст, чунин шароит “бешубҳа барои афзоиши ҷиноят замина месозад”. Вазорати умури дохилии Русия рӯзи 25-уми июл муҳоҷиронро ба афзоиши ифротгароӣ, вайрон кардани тартиботи ҷамъиятӣ ва тазоҳуроти беиҷоза муттаҳам кард. Читать дальше...
Валерий Сапкало яке аз рақибони табъидии Александр Лукашенко, раиси ҷумҳури Беларус мегӯяд, дар сурати тазоҳуроти бузург баъд аз интихобот, ин раҳбари худкома ба зидди тазоҳургарон аз нерӯ истифода нахоҳад кард. Мухолифат ба Лукашенко, ки 26 сол аст, Беларусро раҳбарӣ мекунад, дар арафаи интихоботи рӯзи 9-уми август зиёд шудааст, бо вуҷуди онки таҳлилгарон мегӯянд, ки ӯ дигарбора бо истифода аз тақаллуб ва саркӯби мухолифон дар интихобот пирӯз мешавад. Валерий Сапкало, тоҷири шинохта ва сафири собиқ... Читать дальше...
Баъзе аз кишварҳо бовар доранд, ки Куриёи Шимолӣ бомби хурди атомие сохтааст, ки метавонад, ба мушакҳои баллистикӣ насб ва партоб кунад. Ин хулосаи гуруҳе аз коршиносони Созмони Милали Муттаҳид аст, ки дар як гузорише ба Шӯрои Амният пешниҳод кардаанд. Хабаргузориҳои “Ройтерс” ва Хабаргузории Олмон гуфтанд, ки гузориши мазкурро рӯзи 3-уми август ба 15 узви Шӯрои Амният пешниҳод кардаанд ва онро бар асоси иттилооте таҳия кардаанд, ки аз кишварҳои узви Созмони Милал омода шудааст. Дар гузориш омадааст... Читать дальше...
Бунёди авросиёии рушд барои мубориза бо оқибатҳои бемории COVID-19 ба Тоҷикистон 50 миллион доллар қарзи боимтиёз ҷудо кард. Дар изҳороти созмон аз 3-уми август гуфта мешавад, ки Шӯрои роҳбарон чунин қарор қабул кард. Гуфта мешавад ин маблағ барои иҷрои барномаи ҳукумат ва Бонки миллии Тоҷикистон барои муқобила бо оқибатҳои иқтисодӣ, иҷтимоӣ ва молиявии кишвар ихтисос дода шудааст. Қарз ба муҳлати 20 сол ба Тоҷикистон дода шудааст ва муҳлати имтиёзноки он 10 сол мебошад. Пас аз ин муҳлат кишвар барои бозгардони ин қарз шурӯъ мекунад. Читать дальше...
Вазири тандурустии Қирғизистон Айнура Акматова рӯзи душанбе 3-уми август гуфт, ки дар ин ҷумҳурӣ як марди 101-сола аз бемории COVID-19 шифо ёфта, аз бемористон раҳо шуд. Акматова афзуд, дар 24 соати гузашта 410 ҳодисаи нави сирояти COVID-19 дар ин кишвар ба қайд гирифта шудааст. Шумораи умумии сироятёфтагон ба 37 ҳазору 129 нафар расид. Ӯ афзуд, бар асари бемории коронавирус 1427 нафар дар Қирғизистон ҷони худро аз даст додаанд..
Парвизҷон Умарбоев, нимҳимоятгари дастаи мунтахаби Тоҷикистон, ки дар дастаи “Локомотив” (Пловдив) бозӣ мекунад, бо тимаш Суперҷоми Булғористонро ба даст овард
Созмони Ҷаҳонии Тандурустӣ рӯзи душанбеи 3-юми август ҳушдор дод, ки бо вуҷуди умедвориҳои зиёд ба кашфи ваксина, мумкин аст ҳеҷгоҳ як дармон ё илоҷи қатъӣ барои бемории КОВИД-19 пайдо нашавад ва раванди бозгашт ба зиндагии оддӣ тӯлонӣ бошад. Хабаргузории "Рейтерз" мегӯяд, то кунун беш аз 18 миллиону 140 ҳазор кас дар саросари ҷаҳон ба ин беморӣ гирифтор шуда, зиёда аз 688 ҳазор нафар фавтидаанд. Дар шуморе аз кишварҳои ҷаҳон, ки фикр мекарданд аз сирояти ин беморӣ пешгирӣ карданд, ҳолатҳои нав ва густурдаи паҳншавии вирус рӯй додааст. Читать дальше...
Ҳудуди 20 зан рӯзи 3-юми август дар маркази шаҳри Нурсултон ҷамъ омада, талаб карданд, ки барои озору азияти ҷинсии кӯдакон дар Қазоқистон ҳукми қатл пешбинӣ шавад. Занон гуфтанд, шумораи ин навъи ҷиноят дар Қазоқистон афзоиш ёфта, ҳукумат нисбат ба он "бетаваҷҷуҳӣ" мекунад. Ба гуфтаи ҷамъшудаҳо, ҷазое, ки ҳоло барои ҷинояти мазкур дар қонунгузорӣ пешбинӣ шудааст, "ба андозаи кофӣ сангин нест". "Ман талаб мекунам, ки кӯдакозорҳо (педофилҳо) ба қатл маҳкум шаванд. Вақте кӯдаконро ҳимоят карда наметавонем... Читать дальше...
Идораи ҳифзи рақобат ва ҳимояти ҳуқуқи истеъмолкунандагони Лаҳистон ширкати "Газпром"-ро барои ироа накардани маълумот дар бораи лоиҳаи "Ҷараёни шимол-2" ҷарима кард. Дар иттилоияи ниҳоди зиддиинҳисории Лаҳистон ҳаҷми ҷарима 50 миллион евро гуфта шудааст. Ин ҳадди аксари ҷаримаест, ки қонунҳои Лаҳистон пешбинӣ мекунанд. Далели ҷарима он будааст, ки "Газпром" дар бораи созишномаҳои ширкати зертобеи худ - Nord Stream 2 бо ширкатҳои аврупоии сармоягузори тарҳ маълумот пешниҳод накардааст. Ниҳоди зиддиинҳисории... Читать дальше...
Мансабдорони вилояти Намангони Узбекистон 216,2 млн. сӯм ($21 ҳазор)-и пули буҷаро, ки барои сокинони бекор ҷудо шуда буд, азхуд кардаанд. Ба иттилои расонаҳо, кормандони Маркази мусоидат ба шуғли аҳолӣ дар Намангон санадҳоро сохтакорӣ карда, нишон додаанд, ки дар корҳои ҷамъиятӣ 204 нафар иштирок намудаанд. Шахсоне, ки номашон дар санадҳо зикр шудааст, барои пайдо кардани ҷои кор ба марказ муроҷиат накардаанд ва дар рӯйхати афроди бекор низ нестанд. Дар натиҷа мансабдорон 216,2 млн сӯмро азхуд кардаанд. Читать дальше...
Аз рӯи натиҷаҳои бозиҳои даври ҳаштякниҳоии Ҷоми Тоҷикистон -2020 оид ба футбол, ки рӯзҳои 1-3-юми август баргузор шуданд, дастаҳои «Кӯктош»-и Рӯдакӣ, «Регар-ТадАЗ»-и Турсунзода, «Хатлон»-и Бохтар, «Истаравшан»-и Истаравшан, «Локомотив-Помир»-и Душанбе, «Равшан»-и Кӯлоб, “Истиқлол”-и Душанбе ва “Эсхата”-и Хуҷанд ба даври чорякниҳоӣ роҳ ёфтанд. Се бозии даври ҳаштякниҳоӣ рӯзи шанбе, 1-уми август, доир гардид. «Кӯктош» дар меҳмонӣ бар «Хуҷанд»-и шаҳри Хуҷанд бо ҳисоби 3:0 пирӯз шуд. Голҳоро Мбеке Деудоне Сиебатчеу... Читать дальше...
Дар ним соли гузашта дар Тоҷикистон беш аз 40 мавриди хешутаборбозиро дар идораҳои давлатӣ ошкор кардаанд.
