Маҷлиси Намояндагони ИМА рӯзи 9-уми январ қароре қабул кард, ки тавоноиҳои президент Доналд Трамро барои амалиёти низомӣ ба зидди Эрон маҳдуд мекунад. Қатънома бо 224 овози мусбат дар баробари 194 овози зид дар Маҷлиси Намояндагон, ки бисёрии он дар ихтиёри Ҳизби Демократ аст, қабул шуд. Бештари қонунгузорон аз шарҳи Кохи Сафед дар бораи куштори ҳадафмандонаи генерали эронӣ розӣ набуданд. Се ҷумҳурихоҳ ба ин қатънома овоз доданд, дар ҳоле ки ҳашт демократ зид баромаданд. Бо пуштибонии намоянда Элисса Слоткин... Читать дальше...
Мақомоти Додситонии кулли Тоҷикистон ба зидди Хайриддини Абдуллоҳ (Хайриддин Довтаков), рӯҳонии 35-солаи тоҷик, бо иттиҳоми ифротгароӣ парванда кушодаанд. Ӯ рӯзи 29-уми декабри соли 2019 ҳангоми бозгашт аз Маскав ба Душанбе дастгир шуд. Наздикони Хайриддини Абдуллоҳ иддао доранд, ки ӯ солҳо дар Русия ба зидди тундравон мубориза бурдааст ва ба ифротгароӣ муттаҳам шуданаш "туҳмат аст". Манобеи Радиои Озодӣ дар мақомоти тафтишотӣ рӯзи 10-уми январ гуфтанд, алайҳи Хайриддини Абдуллоҳ бар асоси қисми дуи моддаи 307 (иловаи 1)-и Кодекси ҷиноӣ ... Читать дальше...
"Интерпол" -- пулиси байналмилалӣ Шарофиддин Гадоев, раҳбари гурӯҳи оппозитсионии "Ислоҳот ва рушди Тоҷикистон"-ро аз рӯйхати мавриди ҷустуҷӯи худ берун кардааст. Ин раҳбари гурӯҳи мухолифи ҳукумати Тоҷикистон, ки дар Аврупо ба сар мебарад, соли 2013 аз ҷониби ҳукумати Тоҷикистон дар рӯйхати мавриди ҷустуҷӯи "Интерпол" қарор гирифта буд. Мақомоти Тоҷикистон то ҳанӯз ин хабарро шарҳ надодаанд. Ҳамакнун баъд аз ҳафт сол, "огоҳии сурх " (Red Notice) аз номи Шарофиддин Гадоев бардошта шуд ва ҷустуҷӯи ӯ аз сӯи "Интерпол" қатъ шудааст. Читать дальше...
Мақомоти Эрон хабарҳоро дар бораи он ки ҳавопаймои украинӣ бо зарбаи мушаки Эрон дар наздикии Теҳрон сарнагун карда шудааст, қатъиян инкор карданд. Алӣ Обидзода, сардори ширкати ҳавопаймоии Эрон, рӯзи 10-уми январ дар як нишасти хабарӣ гуфт: "Як чиз рӯшан аст, ки ин ҳавопаймо бо мушак зада нашудааст." Обидзода ин суханонро пас аз он изҳор дошт, ки сарварони Иёлоти Муттаҳида, Бритониё ва Канада гуфтанд, маълумоти иктишофӣ нишон медиҳад, ки шабакаи дифои зиддиҳавоии Эрон нохост ҳавопаймои "Boeing 737-800"-ро зада сарнагун кардааст. Читать дальше...
Бино ба дастури нави Бонки Миллии Тоҷикистон, созмонҳои хурд ва фондҳои қарзии кишвар вазифадор шудаанд, ки дар муддати 3 моҳ аз саҳм ва ё авроқи гаронбаҳои худ дар дигар ташкилоти молиявӣ ва ё ширкатҳо даст кашанд. Коршиносон мегӯянд, ин дастуруламали Бонки Миллӣ моликони чанде аз созмонҳои қарзии муваффақро маҷбур мекунад, моликияташонро фурӯшанд, ки як навъ талоши аз нав тақсим кардани бозори бонкӣ дар кишвар аст. Даструламали Бонки Миллӣ таҳти рақами 239 ва рӯзи 6-уми декабри соли 2019 аз сӯи Вазорати адлия сабтином шудааст. Читать дальше...
Пулиси шаҳри Прагаи Ҷумҳурии Чех як кирокаши узбекистониро боздошт кард. Пулис ин ронандаро баъди он боздошт кард, ки борҳо қоидаҳои ҳаракат дар роҳро вайрон кардааст. "Ронанда шаҳрванди Узбекистон аст. Вай мошинро бо рақамҳои давлатии лаҳистонӣ меронд ва ҳуҷҷатҳои ронандагиаш дар Украина таҳия шудаанд. Ба илова, дар ҳудуди Ҷумҳурии Чех вай бо визаи лаҳистонӣ қарор дошт. Ин мард ҳадди ақал ду банди қонунро вайрон кардааст - бидуни ҳаққи кор ба фаъолият машғул шудааст ва бидуни иҷоза кирокашӣ чунин... Читать дальше...
Додгоҳи шаҳри Оқтеппаи Қазоқистон рӯзи 9-уми январ фаъоли маҳаллӣ Алибек Молдинро аз толори додгоҳ озод кард. Молдин бо моддаи "таҳқир" ба додгоҳ кашида шуда буд ва додгоҳ гуфт, дар парвандаи вай таркиби ҷиноят мавҷуд нест. Нисбати Молдин, ки дар гирдиҳамоиҳои сулҳомез борҳо ширкат ва ба ҷавобгарии маъмурӣ ҷалб шудааст, дар моҳи ноябри соли гузашта айб эълом шуд. Чанд зан ба додгоҳ шикоят бурдаанд, ки Молдин зани серфарзандеро гӯё таҳқир кардааст. Фаъоли ҷамъиятӣ Алибек Молдин дар гирдиҳамоиҳои солҳои 2016 ва 2019 ширкат кардааст. Читать дальше...
Дар шаҳри Истамбули Туркия ду шаҳрванди Туркманистон бо гумони куштори як шаҳрванди Узбекистон ва расонидани зарари ҷисмонии сахт ба ҳамватани худ боздошт шуданд. Дар ин бора расонаҳои туркӣ 9-уми январ хабар доданд. Ба иттилои нашрияи "Миллият", сокинони маҳаллӣ 1-уми январ, тахминан соатҳои 10-и шаб дар ноҳияи Эсенюрти Истамбул ҷавонеро бо гардани бурида пайдо ва "ёрии таъҷилӣ"-ро даъват кардаанд. "Дар натиҷа табибон шаҳрванди 23-солаи Туркманистон бо номи Арслонро ба беморхона интиқол дода... Читать дальше...
Додгоҳи низомии Узбекистон корманди пешини Вазорати умури хориҷии ин кишвар Қодирҷон Юсупови 68-соларо дар хиёнат ба давлат айбдор ва 5 солу 6 моҳ аз озодӣ маҳрум кард. Ба огаҳии Додгоҳи низомии Узбекистон, ҳукм 9-уми январ "бо назардошти усули инсондӯстӣ ва адолат" содир шудааст. Юсупов дар сафорати Узбекистон дар Австрия, Бритониё ва Шарқи Наздик, инчунин намояндаи доимии Узбекистон дар СММ ва САҲА фаъолият кардааст. Вай солҳои 2002-2005 сухангӯи Вазорати корҳои хориҷии кишвараш низ буд. Қодирҷон Юсупови 67-сола... Читать дальше...
Партовҳои дар роҳҳо пошида ва ҳайвоноти дар ҷустуҷӯи ғизо дар партовгоҳҳо, аз саҳнаҳои маъмулӣ дар кӯчаҳои шаҳри Кӯлоб аст. Сокинон мегӯянд, дигар одат кардаанд, ки ҳар рӯз аз канори ин партовгоҳҳо бетафовут убур намоянд. Зеро ба қавли онҳо, муроҷиату шикояташон дар мавриди сари вақт тоза кардани партовгоҳҳо натиҷа надодааст. Аммо масъулин пеш омадани чунин ҳолатро ба ҳамкорӣ накардани сокинон бо Идораи коммуналии шаҳр рабт медиҳад. Қосим Ҳайдаров, як сокини шаҳри Кӯлоб мегӯяд, мақомот ҳамеша ваъдаи пок кардани партовгоҳҳоро медиҳанд... Читать дальше...
Жириновский дар порлумони Тоҷикистон, муроҷиат дар бораи пул ба мансабдорони кишвар, мардуми асабонӣ аз марги сарбоз ва кору шароити хуби гуруҳе аз муҳоҷирон дар Русия видео ва мавзуъҳои суҳбати Озодӣ Онлайн аст.
Жириновский дар порлумони Тоҷикистон, муроҷиат дар бораи пул ба мансабдорони кишвар, мардуми асабонӣ аз марги сарбоз ва кору шароити хуби гуруҳе аз муҳоҷирон дар Русия видео ва мавзуъҳои суҳбати барномаи имрӯз аст. Донишҷӯи тоҷик Суқроти Акбарзод дар остонаи интихоботи порлумонии Тоҷикистон, ки моҳи март баргузор мешавад, чанд суоли муҳимеро аз тариқи Радиои Озодӣ дар миён гузошт ва бахусус дар ин бора, ки чаро дар Тоҷикистон гуногунандешӣ ва дар порлумон вакилоне чун Владимир Жириновский, раҳбари Ҳизби либерал-демократи Русия, вуҷуд надорад.
Федератсияи футболи вилояти Хатлон тасдиқ кардааст, ки Аслиддин Ҳабибуллоев сармураббии дастаи футболи лигаи олии Чемпионати Тоҷикистон – “Хатлон”-и шаҳри Бохтар таъйин шуд
Раёсати Кумитаи амнияти миллӣ дар Вилояти Мухтори Кӯҳистони Бадахшон барои ҷилавгирӣ аз ҳамлаи гургҳо ба сокинон, ба гурӯҳе аз шикорчиён милтиқ ва тир додааст. Ин тасмим дар ҳоле гирифта шудааст, ки ҳамасола дар фасли зимистон ҳодисаҳои ҳамлаи гургон ба аҳолӣ ва чорвои онҳо сабт мешавад. Мақомоти вилоят гуфтанд, то имрӯз 28 сар гург безарар гардонида шуд. Мутахассисон мегӯянд, гург як ҷонвари нерӯманд аст ва маъмулан шикори онҳо ба таври гуруҳӣ сурат мегирад. Ҳукумати вилояти Бадахшон бо нашри як хабари расмӣ гуфт... Читать дальше...
Конфедератсиони футболи Осиё (AFC) гурӯҳи ҳакамонеро, ки бозиҳои бошгоҳҳои футболи Тоҷикистон – «Истиқлол»-и Душанбе ва «Хуҷанд»-и Хуҷандро мутаносибан дар Лигаи қаҳрамонҳо ва Ҷоми AFC-2020 доварӣ мекунанд, таъйин намуд. Бозии даври дувуми марҳилаи пешакии Лигаи қаҳрамонҳои AFC-2020 миёни «Локомотив»-и Тошканд, ноиби қаҳрамони Узбекистон ва «Истиқлол»-и душанбе, қаҳрамони Тоҷикистонро, ки 21-уми январ дар шаҳри Тошканд баргузор мешавад, гурӯҳи ҳакамон аз Лубнон бо сарварии Ҳусейн Абу Яҳё доварӣ мекунанд. Читать дальше...
Human Rights Watch (HRW) - созмони байналхалқии ҳомии ҳуқуқи инсон аз мақомоти Қазоқистон хост, ки ду қазоқтабори фирорӣ аз Шинҷон - Кастер Мусохонулӣ ва Мурагер Алимулиро ба Чин истирдод накунанд. Ин ду қазоқтабор дар Қазоқистон дар "убури ғайриқонунии марзи давлатӣ" айбдор ва парвандаашон дар додгоҳ баррасӣ мешавад. HRW мегӯяд, ҳуқуқи байналхалқӣ истирдоди фирориёнро ба кишварҳое манъ кардааст, ки эҳтимоли таъқиб ва шиканҷаи фирориён мавҷуд аст. "Мақомот бояд фавран айбномаҳои фирориёни Чинро... Читать дальше...
Эрон мавқеъи пештараашро тағйир дода, мегӯяд, ки Идораи тафтиши тасодуфҳо дар ҳаво ва коршиносони байналмилалиро барои таҳқиқи суқути "Боинг"-и украинӣ дар канори Теҳрон даъват кардааст. Рӯзи 8-уми январ бар асари сарнагуншавии ҳавопаймои Боинг 737-800-и ширкати ҳавоии Украина, 176 кас ба ҳалокат расид. Қарори Эрон субҳи рӯзи ҷумъа, баъд аз он эълон шуд ки мансабдорони ИМА, Канада ва Британия гуфтанд ки ба эҳтимоли зиёд ҳавопаймои украинӣ бо оташи барғалати мушаки эронӣ сарнагун шудааст. Мансабдорони эронӣ ин ибрози назарро рад намуда... Читать дальше...
Дастаи “Истиқлол”-и Душанбе дар бозии санҷишӣ аз бошгоҳи футболи Суперлигаи Узбекистон - «Қӯқанд-1912»-и шаҳри Қӯқанд - бо ҳисоби 1:2 мағлуб шуд. Ин бозии санҷишӣ дар доираи омодагии қаҳрамони Тоҷикистон ба бозии марҳилаи пешакии Лигаи қаҳрамонҳои AFC - Конфедератсиони футболи Осиё-2020 бо «Локомотив»-и Тошканд рӯзи 9-уми январ дар варзишгоҳи «Дӯстлик»-и пойтахти Узбекистон доир гардид. Ҳисобро дар ибтидои бозӣ, дар дақиқаи 8-ум, ҳамлагари «Истиқлол» Манучеҳр Ҷалилов боз кард. Отабек Ҳайдаров... Читать дальше...
Мақомоти Қирғизистон хабар медиҳанд, ки дар ин кишвар дар соли 2019 бештар аз 5 ҳазор ҳодисаи хушунати хонаводагӣ, аз ҷумла хушунати ҷисмонӣ, равонӣ ва ҷинсӣ сабт шудааст. Дар мавриди бештар аз 580 хушунати сабтшуда тафтишоти қаблӣ шуруъ гардидааст. Соли 2017 дар Қирғизистон қонун "Дар бораи муҳофизат аз хушунати хонаводагӣ" қабул шуд. Аз оғози соли 2020 дар он кишвар ду ҳолати фавти одамон сабт шуд, ки дар натиҷаи хушунати хонаводагӣ рух додааст. Дар ноҳияи Кочкори Қирғизистон рӯзи 1 январ як зан дар пайи латту кӯби шавҳараш фавтид. Читать дальше...
Мақомоти Тоҷикистону Қирғизистон гуфтанд, ки шаби 10-уми январ дар марзи ду кишвар (байни деҳаи Сомониёни Исфара ва Куктоши Бодканд) муноқиша сар зад. Гуфта мешавад, сангандозии сокинони ду тараф ба сӯи мошинҳои якдигар шабона боис ба сар задани низоъ шудааст. Ҷонибҳо якдигарро муттаҳам мекунанд, ки даст ба тирандозӣ ҳам задаанд. Нерӯҳои марзбонии Тоҷикистон рӯзи 10-уми январ бо пахши изҳорот шаҳрвандони Қирғизистонро дар сар задани ҳодиса гунаҳкор кард. Хадамоти марзбонии Қирғизистон гуфт, ки... Читать дальше...
Эътирозгарон дар минтақаи ҷудоиталаби Абхозистони Ҷумҳурии Гурҷистон ба биное ҳуҷум карданд, ки амалан дафтари президенти минтақа Раул Хаҷимба маҳсуб меёбад. Хабарнигори Радиои Озодӣ дар минтақа мегӯяд, ки рӯзи 9 январ даҳҳо эътирозгар ҳама тирезаву дарҳои ошёнаи аввалро шикастанд ва садҳо нафари дигар дар берун бо шиорҳои "Истеъфо, Хаҷимба!" ба барканории раҳбари минтақа даъват карданд. Худи Хаҷимба дар ин лаҳзаҳо дар дохили бино набуд. Эътирозгарон аввал дар муқобили бинои Додгоҳи олӣ ҷамъ шуданд. Читать дальше...
Дар вилояти Лебапи Туркманистон кормандони пулис ба наздикону пайвандони онҳое фишор меоранд, ки ғайриқонунӣ ба Туркия рафтаанд. "Аз наздикони туркманистониҳое, ки баъди ба поён расидани муҳлати раводидашон дар Туркия мондаанд, талаб мешавад, то пайвандонашонро ба ватан баргардонанд. Онҳоро таҳдид мекунанд, ки агар барнагарданд ба ҷавобгарии ҷиноӣ кашида мешаванд",-иттилоъ дод хабарнигори бахши туркмании Радиои Озодӣ. Ба гуфтаи хабарнигор, кормандони пулис маълумот дар бораи туркманистониҳои... Читать дальше...
Як сокини шаҳри Норак иддао дорад, ки маъмурони милисаи ноҳияи Фирдавсии пойтахт шаби 31-уми декабри соли 2019 се писарашро боздошту шиканҷа кардаанд. Бибиҷон Назарова гуфт, он шаб писаронаш Парвиз, Орзу ва Алишер Набиевҳо барои таҷлил аз соли нав аз Норак ба Душанбе омада буданд. Мақомот иддаои шиканҷа шудани бародаронро рад карда, гуфтанд, ки онҳоро ҳамчун гумонбар дар шуъбаи корҳои дохилӣ бозпурсӣ карданд. Ба қавли як маъмури милисаи шуъбаи корҳои дохилии ноҳияи Фирдавсии Душанбе, се бародарон ба кочоқи маводи мухаддир гумонбар буданд. Читать дальше...
