شفیق افریدی وايي، د خپلې وروسته پاتې سیمې تقدیر بدلول غواړي
شفیق افریدی وايي، د دوی خلقه د پاکستان له جوړېدو راهېسې وروسته پاتې ده او ډېر کارونه کول غواړي
شفیق افریدی وايي، د دوی خلقه د پاکستان له جوړېدو راهېسې وروسته پاتې ده او ډېر کارونه کول غواړي
د پاکستان وزيراعظم ويلي، د هندي سيکانو لپاره به کرتارپور راهداري د نومبر پر نهمه نېټه په رسمي توګه پرانېستل شي.
دا افغانستان ته د متحدایالاتو د دفاع وزیر په توګه د ایسپر لومړی سفر دی او په داسې حال کې کېږي چې د امریکا او طالبانو د استازو ترمنځ د سولې خبرې په ټپه درېدلي دي.
د میدان وردګ چارواکي وايي، د دغه ولایت والي جنرال ظفرالدین یمین له یوه ځانمرګي بریده روغ وتلی، خو څلورو تنو ټرافیکو ته په کې مرګ ژوبله اوښتې ده. د ولایت ویاند محب الله شریفزي د یکشنبې په ورځ په دې اړه ازادي راډیو ته وویل، برید نن تر غرمې وروسته درې بجې په میدان ښار کې د موټربم په واسطه شوی چې په خپله والي او ساتونکو ته یې زیان نه دی رسېدلي. شریفزی زیاتوي، په برید کې درې تنه ټرافیک پولیس وژل شوي او یو تن بل ټپي دی. تر اوسه پورې کومې وسله والې ډلې د دغه برید پړه پر غاړه نه ده اخیستې.
د هلمند امنیتي چارواکي وايي، په تېره یوه میاشت کې ۱۱۵ وسله والو مخالفینو ته د افغان ځواکونو په عملیاتو کې مرګ ژوبله اوښتې. د هلمند امنیه قوماندان سمونمل حسام الدین هلمندي نن په یوه خبري غونډه کې وویل چې په نادعلي، ناوې، نهرسراج او ګرمسير ولسواليو کې د افغان ځواکونو په تصفیوي عملياتو کې ۹۱ تنه وسله وال مخالفین وژل شوي او ۲۴ نور ټپیان دي. ښاغلی هلمندي زياتوي چې په دې عملياتو کې افغان ځواکونو او ملکي وګړو ته زيان نه دی اوښتی.
افغان چارواکي وايي، د بغلان ولایت لپاره د طالبانو مرستیال والي په هغو ۳۳ کسانو کې شامل دی چې د دولتي ځواکونو په عملیاتو کې مړه او ټپیان شوي دي. ۲۱۷ پامیر قول اردو په یوه بیان کې چې نن خپور شو وايي چې دا کسان په کېله ګي، ډنډ غوري او ډنډ شهاب الدین سیمو کې په تصفیوي عملیاتو کې په نښه شوي دي. په بیان کې راغلي چې په دې عملیاتو کې نهه طالبان وژل شوي او د بغلان لپاره د طالبانو له خوا د نومول شوي مرستیال والي قاري بختیار په ګډون لس تنه نور وسله وال ټپیان شوي دي. په بیان کې د کندز ولایت په دشت ارچي... Читать дальше...
راپورونه وايي چې په کشمیر کې د پاکستاني او هندي ځواکونو په نښته کې لږترلږه ۴ ملکي وګړي او ۳ سرتېري وژل شوي دي. له دواړو خواوو څخه بېلابېل رارسېدلي راپورونه وايي چې ښايي د تېرې شپې په دې نښته کې د تلفاتو شمېر زیات شي. د پاکستان د پوځ ویاند اصف غفور نن پر ټویټر په یو بیان کې د دې حملې پړه پر هند اچولې او وايي، د هند پوځ د کنټرول د کرښې له بلې غاړې د توپ ډزې وکړې چې هدف یې عمداً د ملکي وګړو په نښه کول وو. هغه زیاتوي چې پاکستاني سرتېرو په ځوابي ډزو نهه هندي سرتېري ټپیان کړي دي.
د پاکستان یو شمېر خبريالان او فعالان وايي چې په هېواد کې د ټولنيزو رسنيو د استعمالونکيو ځورونه ورځ تر بلې مخ په زياتېدو ده.
د اروپايي شورا مشر ډونالد ټوسک وايي له اروپايي ټولنې د بریتانیا په وتو کې د ځنډ په اړه د بریتانیا د حکومت د رسمي غوښتنې په مسئله کې د دې ټولنې له مشرانو سره سلامشورې کوي. د بریتانیا صدراعظم بوریس جانسن د یوې لایحې له مخې اړ شو چې له اروپايي ټولنې د بریتانیا په وتلو یا بریګزیت کې د ۳ میاشتني ځنډ غوښتنه وکړي. د بریتانیا پارلمان پرون شنبه په یوه استثنايي غونډه کې د ۳۰۶ منفي رأیو پر وړاندې په ۳۲۲ موافقو رأیو د بریګزیت پرضد رأیه ورکړه. جانسن په جولای میاشت کې د صدراعظم په توګه له دې ژمنې سره په... Читать дальше...
د ترکیې د بهرنیو چارو وزیر وايي، له سوریې سره پر پوله په امن زون کې حتی د یوه وسله وال کُرد پاتې کېدل هم نه غواړي. مولود چاووش اوغلو نن یکشنبه وویل، ترکیه به له روسیې او هغو نورو ځواکونو سره چې د سوریې د ولسمشر په ملاتړ جګړه کوي، د سوریې له منبېج او کوباني سیمو څخه د کُرد وسله والو د ایستلو په اړه بحث وکړي. له دې مخکې د سوریې د کُرد وسله والو یو مشر ویلي و چې که د ترکیې په مشرۍ ځواکونه کُرد وسله والو او ملکي وګړو ته له دې سیمو د وتلو اجازه ورکړي، نو د امریکا په منځګړتوب اوربند سره د همغږۍ لپاره... Читать дальше...
د اکتوبر پر ۲۰مه د پاکستان په یو شمېر ښارونو کې د امام حسین د څلوېښتۍ مراسم وشول او اهل تشیع عزاداري وکړه. د دوی د مجلسونو لپاره امنیتي سرتېري ځای پر ځای شوي ول او په ځینو ښارونو کې موبایل ټېلېفون سروېس هم تړل شوی وو. ویډیويي رپورټ.
د امان الله خان یاسین زي له دفتره د اکتوبر پر ۲۰مه، په خپره شوې یوه خبرپاڼه کې ویل شوي دا ګام په بلوچستان پوهنتون کې د وېډیو سکېنډل د مخې ته راتلو نه پس اخېستل شوی.
د افغانستان د خوست هوايي ډګر ته د ملکي پروازونو لړۍ پیل شوه. د اکتوبر پر ۱۹مه پرې لومړۍ الوتکه کېناسته. چارواکي وايي، د اوس لپاره له دې هوايي ډګره یوازې د کابل او خوست ترمنځ پروازونه کیږي، خو کله چې یې د ټرمینل چارې بشپړې شي، نو نړیوال پروازونه به هم ورڅخه پیل شي. نجیب الوخېل پرې ویډیويي رپورټ وړاندې کوي
د نایجېریا پولیس وايي ، په تېره یوه اونۍ کې یې په څلورم ځل پر یو مدرسه عملیات کړي او هلته تړل شوي نژدې ۱۵۰ زده کوونکي یې خوشي کړي دي. دوی وايي پر دې زده کوونکو هلته تشدد او تېری کېدی. پولیسو دا هم ویلي چې د مدرسې مالک یې وار له مخه نیولی دی. بوریوال کاکړ په دې اړه د رویټرز اژانس ویډیويي رپورټ وړاندې کوي.
د پاکستان د دفاع وزیر او د اپوزېشن ډلو سره د خبرو اترو لپاره د جوړې شوې کمېټۍ مشر پروېز خټک وايي، مولانا فضل رحمان او د هغه ملګري دې ورسره مذاکرات وکړي.
د افغانستان د اداري فساد پر وړاندې د مبارزې د څارنې او ارزونې د ګډې کمېټې (میک) چارواکي وايي، دوی د کانونو او پټرولیم وزارت نږدې ۲۰۰ سپارښتنې کړې وې، خو د تېره یوه کال په موده کې یې یوازې ۳۰ سپارښتنې عملي کړې دي.
د شامي کرد ملېشې یو مشر رېدور خلیل ویلي، سرتېري به یې هله د امریکا په منځګړیتوب د شوې موافقې له مخې د هېواد له شمال شرقي سرحدي
د افغانستان لپاره د اروپايي ټولنې ځانګړی استازی رولاند کوبیا ویلي، دوی هڅه کوي چې د افغانستان د سولې خبرې بیا پیل شي.
په داسې حال کې چې د افغانستان د جمهوري ریاست ټاکنو پایلې نه دي اعلان شوي، د ګلبدین حکمتیار په مشرۍ د سولې او اسلامي عدالت ټاکنیزه ډله وايي چې ټاکنې دویم پړاو ته ځي.
د ننګرهار ولايت په هسکه مېنه کې د جمعې په ورځ د لمانځه پر مهال له شوې چاودنې داسې څوک نه دې پاتې چې ووايي چې چاودنه ځانمرګي بريدګر کړي او که بمونه ایښوول شوي وو. د پېښې قربانيانو سره مالي مرسته شوې او ولسمشراشرف غني دغلته د غمرازۍ لپاره ورغلی وو.
د امریکا دفاع وزیر وایي، د هغو ځواکونو ډېره برخه چې له سوریې ایستل کېږي، د عراق په لوېدیځ کې به ځای پرځای شي.
افغان ولسمشر محمد اشرف غني د اکتوبر د ۲۰مې نېټې پر سهار د یوه لوړ پوړي دولتي پلاوي په مشرۍ د ننګرهار هسکې مېنې ولسوالۍ ته ولاړ.
د افغانستان د سوداګرۍ او پانګونې خونه وایي، پاکستان د انارو بیي درې برابره لوړې کړي. د دې خونې مرستیال محمد یونس مومند نن له ازادي راډيو سره په خبرو کې له حکومته وغوښتل چې دا ستونزه هواره کړي. ده وویل: "حکومت باید دا ستونزه هواره کړي، که نه مونږ به مجبور شو چې د ګاونډيو هېوادونو په تازه مېوو د محصول د زیاتېدو غوښتنه وکړو." دا په داسې حال کې ده چې تر دې وړاندې پاکستان ژمنه کړې وه چې پر افغان سوداګرو به مالیاتي محصول راټيټوي. خو سوداګر وايي چې دغه ستونزه هم لا پرځای ده.
د افغانستان د کانونو او پټرولیم وزارت د غزني د زرکشان د مسو او طلا کانونه داوطلبۍ ته سپاري. د دغه وزارت ویاند سیحون کامګار نن ازادي راډيو ته وویل، لومړیتوب به هغه شرکت ته ورکړل شي چې لومړی اقدام وکړي. دی وایي: "پروسه داسې ده چې شرکتونه په داوطلبۍ کې ګډون کوي او تر ټولو غوره داوطلب سره مذاکرت او ورپسې قرارداد کېږي." د افغانستان د کانونو وزارت وايي، د غزني په زرکشان کان کې د ۳۰ ميلیاردو ډالرو په ارزښت د طلا او مسو زېرمې موجودې دي. د دوی په وینا، دا خصوصي سکټور ته هم یو ښه فرصت دی، څو پانګونه وکړي.
د اپوزېشن سياستوالو پر حکومت غږ کړی چې د جمعيت علمای اسلام (ف) د مشر، مولانا فضل الرحمن لخوا پلان شوي لاريون ته دې خنډونه نه جوړوي.