Комесарот на Европската унија за надворешна политика Џозеф Борел го опиша иранскиот напад врз американските војници во Ирак како уште еден пример на ескалација на состојбите и растечка конфронтација. Денеска во Брисел тој нагласи дека не е во ничиј интерес зголемување на насилството, додавајќи дека министрите на земјите- членки на Европската унија ќе одржат специјален состанок в петок за да дискутираат што може меѓународната заедница да стори за стабилизација на регионот. Борел рече и дека го поканил... Читать дальше...
Сите американски летови врз небото на Ирак, Иран и заливот се забранети по денешниот напад врз американските сили во Ирак. Американската федерална агенција за авијација издаде соопштение во кое им забранува на американските цивилни оператори да го користат воздушниот простор на Ирак, Иран и водите на Персискиот и заливот на Оман. Ова доаѓа само неколку часа откако Иран испука повеќе балистички ракети од неговата територија и погоди најмалку две воени бази во Ирак во кои беа американски војници.
Шест словенечки војници, кои се стационирани во градот Ирбил во северниот дел на Ирак, набрзо ќе бидат евакуирани. Оваа одлука е донесена по иранскиот напад на аеродромот и на уште една воена база во Ирак, јави дописникот на МИА од Љубљана. Словенечките војници во Ирак се дел од германскиот контингент. За повлекувањето веќе е известен и претседателот на Словенија и врховен командант Борут Пахор, на состанокот што го имаа утрово со министерот за одбрана Крал Ерјавец и началникот на генералштабот Аленка Емец. Читать дальше...
Лидерот на Демократскиот сојуз на Косово Иса Мустафа по средбата со лидерот на Самоопределување Албин Курти изјави дека денеска продолжуваат нивните разговори за составување нова коалициска влада на Косово. Курти деновиве ги објави имињата на кандидатите на неговата партија за втор заменик премиер и за петмина министри. Главна пречка за договор за новата влада е барањето на Демократскиот сојуз да му припадне правото да предложи претседател на Косово кога во март 2021 година му истекува мандатот на актуелниот претседател Хашим Тачи.
Претседавачот на Воениот комитет на НАТО, воздухопловниот маршал Стјуарт Пич престојува во дводневна официјална посета на Република Северна Македонија. Пич, кој е претседавачот на највисокото воено советодавно тело на НАТО, денеска ќе оствари средба со својот домаќин, началникот на Генералштабот, генерал-потполковник Васко Ѓурчиновски и со министерката за одбрана Радмила Шекеринска, по што ќе биде информиран за плановите и процесот на трансформација на командите и единиците на Армијата. За време... Читать дальше...
Рускиот претседател Владимир Путин пристигна во Истанбул на денешната церемонија на отворање на гасоводот Турски тек. На церемонијата ќе присуствува и турскиот претседател Реџеп Таип Ердоган кој долго време се обидува неговата земја да ја направи своевиден енергетски терминал. Преку новиот гасовод ќе течат над 31 милијарда кубни метри руски гас преку Турција до Бугарија, Србија и Унгарија. Најавено е дека на церемонијата ќе присуствува и српскиот претседател Александар Вучиќ.
Косовската полиција уапси лидерка на мала шиитска заедница во југозападниот дел на земјата, откако таа го пофалила иранскот генерал Касем Солејмани кој беше убиен во американскиот воздушен напад во минатата недела. Икбале Худути-Бериша од Призрен беше приведна на 7 јануари по наредба на обвинителството и ќе остане во притвор 48 часа чекајќи на судска одлука, изјави портпаролот на полицијата Даут Хоџа. Таа деновиве ги критикуваше Соединетите држави за убиството на Касем Солејмани, кого го оцени како „голем човек“. Читать дальше...
Украински авион со 167 патници и девет членови на екипажот се урна во средата во близина на аеродромот „Имам Хомеини“ во иранскиот главен град Техеран, јави државната телевизија, наведувајќи дека немало преживеани. До несреќата дојде на неколку часа откако Иран изврши напади врз американски цели во Ирак.
Украински патнички авион со околу 170 луѓе се урна во средата веднаш по полетувањето во близина на аеродромот „Имам Хомеини“ во иранскиот главен град Техеран, јави државната телевизија. Се претпоставува дека несреќата била предизвикана од механички проблеми. Несреќата се случи неколку часа откако Иран изврши балистички ракетни напади насочени кон две бази во Ирак, во кои се распоредени американски сили. Тоа, како што се наведува во Техеран, било одмазда за убиството на генералот на Револуционерната гарда Касем Солејмани.
Иран изврши напади со над десетина балистички ракети врз неколку цели во Ирак, вклучувајќи и две воени бази во кои има американски војници и коалициски сили, соопшти Пентагон. Станува збор за воените бази Аин Асад и Ербил. Иранската исламистичка Револуционерна гарда ја презеде одговорноста за нападите, соопшти иранската државна телевизија, наведувајќи дека тие биле одговор за убиството на иранскиот воен командант Касем Солејмани кој во минатата недела загина во американски воздушен напад. Во соопштението... Читать дальше...
Ќе биде сончево и студено. Ќе дува слаб до умерен претежно северозападен ветер. Утринската темпеартура ќе биде од минус 12 до два, а дневната од минус еден до осум степени. Во Скопје и околината слично време. Утринската температура ќе биде околу минус шест, а дневната ќе достигне до четири степени.
