Арахьара баьхкина нах а боцуш, деса ду ХьаьжцIахь; нехан дегнаш зуьйш ю Iабдул-Маликера цамгар; Дагестанерчу экс-премьеран воI лаьцна Москвахь - бехкево йоI ерна
Нохчийчуьрчу Куьршалан а, Хьалха-Мартанан а, Серноводскан а, кхинйолчу кIоштийн а бахархоша латкъамаш бо, хица шаьш хьоьгучу баланах, яздо Кавказ.Реалиис.. Меттигерчу бахархоша дийцарехь, цхьайолчу меттигашкахь хи дац байначу беттан тIаьхьарчу деношкара схьа дуьйна. Ткъа кхаъ хуьлу шайна боху, масех дийнахь цкъа, я буьйсанан юккъехь хи охьадоладелча. Оцу юкъанна "Водоканалан" хьукматашкахь дIахьедо, хин тIегIортарца доьзна хIуммаъ а дац, юкъ-кара хи сецар йовхонца доьзна ду бохуш. Дийнна бутт а болу... Читать дальше...
Оьрсийчоьнан Бусалбанийн динан урхалло хьехар дина ГIурбан дийнахь рузба дан маьждиге баха дагахь болчу нахана шайн-шайн цIахь а совца, ткъа адамаш гуллучу меттигашкахь социалан дистанци а ларйе аьлла. Москвахь цхьадолчу маьждигашкахь рузба дийр дац, коронавирусан ун даржаран кхерам хиларна. Ша аьлча, ламаз дийр дац Историн а (Большая Тверская улица), Мемориалан а (Поклонная гора) маьждигашкахь. Москварчу Коьртачу маьждигехь рузбан ламаз дийр ду имамаш а, муфтийн гIовсаш а, гIурбан де даздар вовшахтоха... Читать дальше...
Ах шо сов хан ю Нохчийчуьра волонтераш Шелан кIоштарчу Жимачу АтагIарчу цхьа шо ах шо долчу Гачаев Iабдул-Маликан дуьхьа нахера ахча гулдеш хьийза. Спиналан дилхан атрофи ю беран. Ткъа деккъа цхьа дарба бен доцу и цамгар юхаяккха юьсу хан яц дукха а. Ши шо кхачале дуьнентIера уггаре беза маха "Золгенсма" тоха беза кIантанна – цуьнан мах бу 2 миллион 280 эзар доллар. Делахь а дог ца дуьллу Iабдул-Маликна дахар совгIатдан арабевллачу жигархоша. Массех акци дIаяьхьина цара, социалан машанех буьззина пайда а оьцуш... Читать дальше...
I932 шарахь кхоллаеллачу СаIудийн Iаьрбийчохь, тIебаьхкина нах а боцуш, дуьххьара хьаж ду деш. Чекхдолу иза тIебогIучу Марсхьокху-беттан 2-чу дийнахь. Хьал маьрша долучу шерашкахь лаххара а ши миллион бусалба кхочура Макка хьаж дан. Амма кху муьрехь цига бац кхаьчна I0 эзар гергга нах бен. Ткъа уьш бу, доккхачу декъанна, меттигера бахархой. 65 шарал сов хан йолчу баккхийчарна а, хроникан цамгарш йолучарна а ца магийна ХьаьжцIа баха. Хьаж дечарна тIехь ду коронавирусан тестах чекхбовла а, адам алссам гуллучохь дистанци латто а. Читать дальше...
Оьрсийчуьрчу миллиардераша вежарша Ротенберг Аркадийс а, Бориса а пайда эцна сурташ а, кхийолу а исбаьхьаллан хIуманаш юхкучу аукционех, Америко кхайкхийначу санкцешна кIелхьарбовла. Цунах лаьцна дуьйцуш ду Цхьаьнатоьхначу Штатийн Сенато кечдинчу репортехь, хаам бо Маршо Радион Оьрсийн сервисо. Оьрсийчоьнан президентана уллера и миллиардераш 2014-чу шарахь дуьйна Американ санкцешна кIеллахь бу. Царна дихкина ду Цхьаьнатоьхначу Штаташкарчу компанешца махбар. Делахь а, Сенато бинчу хаамца, РотенбергъгIаьрца... Читать дальше...
Американ Цхьаьнатоьхначу Штатийн пачхьалкхан департаментан санкцийн тептаре ваьккхина Нохчийчоьнан куьйгалхо Кадыров Рамзан а, цуьнан хIусамнана Медни а, ши йоI Iайшат а, Хадижат а. Оцу гIулчо махкахь хьоьшучу адамийн бакъонашна дуьхьало йийр яцахь а, делахь а, дикка новкъа ю уьш Оьрсийчоьнан хьаькамна. ХIунда аьлча, дуьненахь ларам болчу, йоккхачу пачхьалкхо массарна а хезаш, дIакхайкхийна, иза зуламхо хилар. Карладоккху, пачхьалкхан секретаро Помпео Майка куьйг таIийначу документа тIехь яздина ду... Читать дальше...
Москварчу Басманный кхело шинарин дийнахь лаьцна Дагестанехь премьер-министр хиллачу Меджидов Мухтаран воI Меджидов Муртуз-Iали, хаам бо "РИА Новости" агенталло. Иза бехкево 2018-чу шарахь Москварчу дуьненаюкъарчу дипломатин институтан (МГИМО) студент ерна. Лурчаха бIаьста институтан йоьалгIачу гIат тIера корах чуйоьжна Казахстанера студент Байсафа Томарис. ТIаьхьо дарбан цIийнехь дIаяьлла иза. Цо ша-шена тIе куьг даьхьина аьлла айдира гIуллакх юьхьанца. Меджидовга хеттарш дира, амма ца лецира хIетахь. Читать дальше...
