Беларусин дозанехула богIу Нохчийчуьра мухIажираш чу ца битарна Польшин дазанхойн политика емалйина Европин адамийн бакъонашкахула кхело. Польшин дозанхоша йохийна Европин конвенцин маcийтта артикл, 2017-чу шарахь политикан тховкIело йоьхурш юха-юха а Беларусе юхахьежорна, аьлла ду Европин адамийн бакъонашкалу йолчу кхело бинчу сацамехь. Кхело дIахьедар дина цу хьокъехь Польшина латкъам бина хиларх лаьцна нохчийн къомах волчу 13 Оьрсийчоьнан вахархочо, шайна юкъахь бераш а долуш. Цу наха дийцарехь... Читать дальше...
Нохчийчуьра иллиалархо Цураев Iаьрби 14 шо ду Францерчу Ниццехь веха. Махкал арахьа вевза иза шен уггар гIардаьллачу "Нана" цIе йолчу иллица. Иза дIаолу цо масийтта маттахь. ТIаьхьарчу хенахь концерташ луш дIасалелар дукха нисло Цураевн Европерчу пачхьалкхашкахула.
ТIаьххьарчу 24 сахьтехь Къилбаседа Кавказехь коронавирусах велла 4 стаг, цомгуш хилла – 370, боху Оьрсийчоьнан уьнна дуьхьалоечу Оперативан штабо. Цуьнан хаамца, Дагестанехь дарбан хIусамехь дIаваьлла кхо стаг, Краснодар-махкахь – цхьаъ. Юьхьанца дуьйна Къилбаседа Кавказехь COVID-19 уьнах велла 968 вахархо. Таханена долу хьал (керла цомгушнаш а, юьхьанца дуьйна вирусо лецнарш а): Краснодар-мохк + 96 (7860) Ставропол-мохк + 92 (7770) Дагестан + 41 (9103) Адыгей + 36 (2604) ГIалгIайчоь... Читать дальше...
Краснодарерчу Ленинан кIоштан кхело кхаа денна лаьцна Хабаровскерчу гуламхошкахьа шаьш хилар хоуьйтуш гIалахь хIоттийначу акцин кхо декъашхо. Оцу хьокъехь Кавказ.Реалиига хаам бина адвоката Аванесян Алексейс. Цо бахарехь, «санкци йоцу акци хIотторна» аьлла довзийтина кхело бахьана. Товбеца-беттан 25-чу дийнахь (шот) Краснодарерчу мэрин цIенна хьалха гулвелира 100 гергга вахархо. Полицино гулам низамца богIуш бац шайга аьлча, гIалин цхьана урамехула охьабаха буьйлира нах, «Со, тхо Хабаровскера ду» лозунгаш а кхайкхош. Читать дальше...
Нохчийчоьнан дозанаш къевлина латтош ду. Республикан Iедалхоша коронавирус яьржаш хиларна бахархойн могашалла Iалашъярца иза кхетадахь а, меттигерчу наха а, эксперташ а дуьйцу цуьнан коьрта Iалашо республике бозуш боцу журналисташ а, юкъараллин векалш а ца кхачийтар ю, бохуш. Цу кепара Iедалша шайн имидж ларйон боучух тешна бу цу версин агIончаш. Кавказ.Реалиино хаьттира эксперташка, хIун чулацам болуш ду, Оьрсийчоьнан федералан дозанаш схьадостуш а долуш, Нохчийчоьнан дозанашкахь чу-ара волуш луьра билламаш латтош хилар. Читать дальше...
Австрехь вийначу мухIажиран Умаров Мамиханан (Анзоран) нанас а, йишас а динчу къамелан видео лела социалан машанашкахула а, мессенджерашкахула а. Зударша бакъ ца до, шайна цхьана ницкъаша тIеIаткъам бо, аьлла даьржийна къамелаш. Видео йолош вистхуьлу ша Умаровн шича ву боху стаг. Цо йовзуьйту шена уллера ши зуда – Венехь вийначун нана а, йиша а. Йишас дийцарехь, 2004-чу шарахь даймахкара дIавахана Мамихан, ша зуда ялийча, хадийна гергарчаьрца хилла зIе. Умаровга шен нанна гIо а ца дайтора зудчо, боху цо. Читать дальше...
Ша а, шен кхо доьзалхо а юкъаязвинчу Американ Цхьаьнатоьхначу Штатийн санкцийн тептарахь хила лууш бу махкара массо а бахархой, дIахьедина Нохчийчоьнан куьйгалхочо Кадыров Рамзана "Россия-1" телеканалан "Вести"программин эфирехь Товбеца-беттан 26-чу дийнахь. "Со мел гучара олу соьга: «Хьо а, хьан доьзал а [Американ Цхьаьанатоьхначу Штатийн санкцийн] тептарахь белахь, оццу тептарахь ду тхо а». Нохчий а, Кадыров а кхерийна, боху. Тхуна лууш доцург тхоьга, кхера а дина, цхьаммо а дойтур дац", - аьлла регионан куьйгалхочо, яздо ТАСС агенталло. Читать дальше...