Экстремистийн организацешкахь дакъалацарна бехкебечу Оьрсийчоьнан бахархойн хьокъехь Иракъехь дийцарш хилла Нохчийчоьнан куьйгалхочун Гергарчу Малхбалехь а, Къилба Африкехь волчу векалан Сабсаби Зияда. Иракъан низамашца оцу нахана бойуш кхелаш йогIу. Кадыровс хаамбарехь, Сабсабин къамел хилла Иракъан Лакхарчу кхелан куьйгалхочуьнца Зейдан Фаикца а, иштта терроризман гIуллакхашкахула волчу Лакхарчу суьдхочуьнца Абдулкерим Хусамца а. Бехкебечийн цхьа дакъа гIуллакхаш листар цуьнан карахь хилла. Оцу цхьанакхетарехь... Читать дальше...
ГIалгIайчоьнан Iедалша меттигера муфтият бехкейо халкъ бунтана карзахдаккха а, барт эгIон а гIортарна. Бусулба жамаIатах гIалгIайн куьйгалхо Евкуров Юнус-Бек дIахадош муфтиятан сацамна дуьхьал иштта реакци ю церан. "Динан экстремизмаца а, радикализмаца а къийсам латторехь муфтият пайден гIоьнча хир ю аьлла хетара. Шайн балха тIехь жигаралла лакхаяккхар дара муфтиятера оьшург, хIунда аьлча, цара цхьалха даха дезаш дуьсура дуккха а гIуллакхаш. Доккхачу декхъанна дуьйцург ду, кегийрхой кхетош - кхиор... Читать дальше...
Оьрсийчоьнан Лакхарчу кхело шинариндийнахь луьстур ду чоьхьарчу гIуллакхийн министраллан Академехь доьшуш хиллачу Магомадов Анзоран арз. Шемарчу даIишхойх дIакхета гIортарна а, герз лелорна а бехкевинера иза Ростовн тIеман кхело. КIентан гергарчара а, адвокаташа а чIагIдарца, герз кхоьсинера цунна полисхоша, ткъа кийтарло яйтинера жимчу стаге, тIехь Iазап латтош, ницкъбийр бу бохуш, кхерамаш тийсинчул тIаьхьа. Кхело набахтехь даккха 9 шо кхайкхийнера Магомадовна Зазадоккхучу-баттахь. Масех шо... Читать дальше...
КарабогIучу беттан 4-чу дийнахь 16-чу кхаччалц цIерпоштца Берлинера Москох богIуш бу бIе гергга доттагIаллин векалш. Церан Iалашо ю Оьрсийчоь дика йовза а, цуьнан бахархошца гергарло таса а, Москох дуьненан футболан Чемпионат схьайоьллу церемони ган а. Германина а, Оьрсийчоьнна юкъахь дипломати кхион, доттагIалла лело хьелаш кхоллар, пачхьалкхийн кеп-кепарчу дакъошкахь юкъарлонаш лело лаам бу проектан. Немцойн Druschba Global юкъараллан организаци а, туристийн Paneurasia компани а ю и барам вовшахтоьхнарг. Читать дальше...
РБК-н информацица, оршотдийнахь берийн бакъонашларъярхойн съездехь Бастрыкин Александра дIахьедина, кхечу пачхьалкхаша Интернет тIехь урхалла дечу зеделлачух пайдаэца безара аьлла. "Yandex, Google компанийн метта Туркойчохь берашна лерина юкъаяьккхина шайн информацин система ю. Ткъа вайга Инстаграм а дIа ца къовлало. Инстаграмна блок тоха езара, хIунда аьлча, стохка Петарбухахь оцу машанех пайда а оьцуш дира теракт", - яьлла Талламан комитетан куьйгалхочо. Хьалхо Талламан комитето дIакхайкхийнера... Читать дальше...
Талламчийн информацица, Хьалха-Мартанарчу некъан полицин хIусамехь 11 эзар сом кхаъ бала гIоьртина 46 шо долу вахархо инспекторна, ша некъан бакъонаш цаларъярх протокол ца хIоттадайтархьама. Белхан кабинет чохь ахча стоьл тIе охьа а диллина, дIаэцахьара бохуш, дехарш дина хилла цо. Полицин белхахоша зулам юхатоьхна оцу меттигехь, яздо "Нохчийчоь Тахана" агенталло. Талламчаша тоъал тоьшаллаш гулдина оцу вахархочунна дуьхьал бехкзуламан гIуллакх даккха.
Саламова Елена "Наркотикаш лелорна" кхеле озийначу Соьлж-ГIаларчу "Мемориалан" декъан куьйгалхочуьн Титиев Оюбан вешин кIант Титиев Адам а лаьцна деношкахь оццу бахьанийца. Бакъоларъярхошна хетарехь, полисхоша доцург кхоьллина цунна тIехь. Нохчийчоьнан куьйгалхочо Кадыров Рамзана даржийна иза лацарх лаьцна, Титиев Оюбна дуьхьал "компромат" йовзуьйтучуха. Амма Титиев Адам лацар низамехь дац, чIагIдо бакъоларъярхоша. Iасанаш а, даккхий кисанаш а "Дуьххьара Титиев Адамна наркотикаш лелорна хан... Читать дальше...
Соьлжа-ГIаларчу "Мемориал" офисан куьйгалхочун Титиев Аюбан вешин кIант Титиев Адам дIалацар провокаци ю аьлла церан гергарчара. Наркотикаш лелош хилла аьлла, бехкевина лаьцна дахначу пIераскандийнахь Титиев Аюбан вешин кIант Адам. Талламчаша чIагIдарехь, цуьнан кисанахь карийна 120 грамм марихуана, хааме даьккхкина бакъонашларъярхочо Ганнушкина Светланас. Титиев Адам шина баттана чохь вуьтуш сацам тIеэцна кхелахоша. 45 шо долу Титиев Адам пхеа беран да ву. Могуш вац иза, некъан бохам хиллачул тIаьхьа Iасанашца лелаш ву. Читать дальше...
ГIалгIайчуьрчу Iеламнехан а, ярташкарчу къанойн а кхеташонехь мехкан куьйгалхо Евкуров Юнус-Бек шайн динан юкъараллах дIакъастош сацам тIеэцна. Оцу сацамо доьхку бусулбачарна Евкуровх хьакхалучу диканехь-вонехь а дакъалаца, хуьлда иза зудаялийна я стаг велла меттиг. "Махкара динан урхалла дискриминаци кIел латторна" бина муфтиято шен сацам. Муфтията векалша дийцарехь, и такфир тIеэца бакъо елла царна 2013-чу шарахь Исламан конференцехь динчу дIахьедарша. Цара магадо "вон леларг, адамашна тIехь харцо лелориг динан юкъараллера араваккха". Читать дальше...
ГIалгIайчуьрчу Iеламнехан а, ярташкарчу къанойн а кхеташонехь мехкан куьйгалхо Евкуров Юнус-Бек динах дIакъастош сацам тIеэцна. Оцу сацамо доьхку бусулбачарна Евкуровх хьакхалучу диканехь-вонехь а дакъалаца, хуьлда иза зудаялийна я стаг велла меттиг. "Махкара динан урхалла дискриминаци кIел латторна" бина муфтиято шен сацам. Муфтията векалша дийцарехь, и такфир тIеэца бакъо елла царна 2013-чу шарахь Исламан конференцехь динчу дIахьедарша. Цара магадо "вон леларг, адамашна тIехь харцо лелориг динчуьра араваккха". Читать дальше...
Дагестанерчу НогIийн кIоштахь дежийлашкахь цIе яьлла, буц яьгна. КIирандийнахь яьллачу цIаро хIаллкйина даьхни дажа лохку 12 эзар гектар меттиг. Суьйранна бен ницкъ ца тоьъна цIе сацо. ЦIе йойуш къа хьегна 113 стага а, 19 леринчу технико а, хаамбина республикан орцан министралло.
Ойсхарарчу школехь ца йогIу елаш йоху аьлла, яьржина информаци толлур ю Нохчийчуьрчу прокуратурано. Мехкан прокуроро Абдул-Кадыров Шарпуддис талламан тоба вовшахтоьхна, социалан машанашкахь Гуьмса кIоштан Ойсхарарчу школашкахь доьшучу берийн дай-наношкара ахчанаш доху аьлла даржар. Маршо Радионо хааме даьккхира, Ойсхарарчу бахархоша латкъам бина хиларх, цхьацца бахьанашца, школашкахь ахчанаш дохуш хиларх а, "Фирдаус" фирмера дешархойн духар шайга оьцуьйтуш хиларх а лаьцна, яздо "Кавказский узел" агенталлан хаамашна тIе а тевжина. Читать дальше...
"Кхетаме Оьрсийчоь" федералан проекто 2018-чу шарахь дуьххьара бозуш боцу аналитикан талламаш дIабаьхьна, Оьрсийчоьнан субъекташлахь наркотикашна дуьхьал бинчу къийсаман жамIаш зуьйш. Антинаркотикан рейтингца а догIуш, уггар унах цIена лерина 85 субъекташлахь Архангелскан, Волгоградан кIошташ а, Чукотка а. 4-чу могIарехь ю Нохчийчоь. Дагестана дIалаьцна 8-гIа позици. ГIебарта-Балкхаройчоь 15-чу меттигехь дIанисъелла, ГIалгIайчоь 25-чу меттигехь, Къилбаседа ХIирийчоь 33-чохь. Москох 78-чу позицехь ю, Петарбух 81-чохь. Читать дальше...
Иракъера а, Шемара а Оьрсийчоьнан бахархой цIаберзо массо а кепара некъаш лоьху Нохчийчоьнан Iедалша. Буьйцурш бу, Иракъан а, Шеман а набахтешкахь лаьцна латто зударий а, дай-наной белла байлахь дисина бераш а. Уьш Оьрсийчоьнан бахархой хилар чIагI а деш, даймахка берзорна сихо а ярхьама, ДНК-тест ян оьшу аьлла, дIахьедина мехкан куьйгалхочо Кадыров Рамзана. ВКонтактерчу шен агIон тIехь бина и хаам куьйгалхочо.
