Германин Iедалша цIа далор ду шайн махкара "Исламан пачхьалкх" тобанах дIакхета баханчу зударийн бераш. Цунах лаьцна хаам бина Bild am Sonntag газето, чоьхьарчу гIуллакхийн министралло деллачу омрана тIе а тевжаш. Махка юхадерзийначул тIаьхьа, кхеторан болх а бина, и бераш дIалур ду церан гергарчу нахе а, социалан урхаллашка а. Bild am Sonntag газето далочу терахьашца, карарчу хенахь шайн берашца цхьаьна Шемахь а, Иракъехь а тIемаш боьлхучу зонехь ю Германин паспорташ долу лаххара 270 зуда. "Исламан пачхьалкхах" а... Читать дальше...
Нохчийчохь а даздина "Хьалхара Май". Chechnyatoday.com сайто бинчу хаамца, даздаршна лерина акцеш хилла республикан кIошташкахь а, гIаланашкахь а. Соьлж-ГIалахь даздар вовшахтоьхнера "Сийлаллин аллей" олучу дагалецаман комплексна хьалхарчу майданахь. Цуьнан декъашхоша айина дара цхьацца йозанаш тIехь долу кIедеш а, лоппургаш а, Оьрсийчоьнан а, Нохчийн Республикан а байракхаш а. Хьалхо "Кавказский узело" хаам бинера, цу даздаршкахь дакъалаца декхарелахь бина бюджетера алапа оьцуш болу белхахой а, студенташ а аьлла.
Полицино Москох гIалин юккъехь лаьцна, Хьалхара Май даздеш хиллачу демонстрацехь дакъалоцуш волу 20 сов жигархо. Цунах лаьцна хаам бина "ОВД-Инфо" портало, дIалаьцначаьрна юкъахь йолчу юкъараллан жигахочунна Медведева Анастасияна тIе а тевжаш. Цо дийцарехь, лецнарш бу психожигархойн ковранан декъашхой. Церан болам бу коьртаца лазарш долчу нехан проблемашна Iедалан тидам тIебахийта гIерташ. Медведевас дийцарехь, лецначарна юкъахь бу заьIапхой а, кхетамца галбевллла нах а, ткъа иштта 2 кхиазхо а.
Киевехь лаьцна нохчийн 3 жима стаг. Уьш бехке бина гIалин юккъехь Украинин Лаккхарчу Радан декъашхочух Найем Мустафах латарна, яздо Кавказ.Реалиино, меттигерчу депутатана Мосийчук Игорна тIе а тевжаш. Цо дийцарехь, нохчашна а, Найемна а юкъахь дар-дацар хилла некъа боьлхуьш. Инцидент хиллачу меттера дIавахана кхо жима стаг тIаьхьо лаьцна полицин белхахоша. Мосийчука дийцарехь, царна бехке дуьллуш ду сий дойуш лелар.
Нохчийчуьрчу ницкъаллин структурийн белхахоша таранспортана дIакъевлина Соьлж-ГIалин юккъера урамаш. Иза доьхзна ду цу гIалахь Хьалхарчу майна хьажийна демонстраци ярца. "Кавказский узело" бинчу хаамца, цу акцехь дакъалаца декхарелахь бина бюджетера алапа лучу меттигашкара белхахой а, студенташ а.
ГIажарийчоьнан Iедалша блок хIоттийна Telegram мессенджерна, хаам бина Reuters агенталло, цу махкарчу зорбанан гIирсашна тIе а тевжаш. ГIажарийчоьнан пачхьалкхан телевизионо дIахьедар дина, и сацам боьзна бу "пачхьалкхан кхерамазаллин хьашташца" аьлла.
ТIаьххьара болчу хаамашца, Кабулехь динчу шина эккхийтарехь вийнарг ву 9 журналист. Царна юкъахь ву Маршо Радион ОвхIанхойн сервисан ши корреспондент а, цу сервисехь болх бан кечлуш хилла кхин цхьа журналист а. Теракташ хилла Iедалан хьукматийн куьпахь, Iамеркан векалаллана гергахь. Хьалхара эккхийтар дина мотоцикл тIехь хиллачу Iожалхочо. И бохам хиллачу метте баьхкина орцанхой а, журналисташ а. Телеоператорх тарвелла царна юкъахь волчу стага эккхийтина шолгIа бомба. Оршотан Iуьранна... Читать дальше...
Iамеркан Цхьаьнатоьхначу Штаташа оршотан дийнахь дIакъевлина "Исламан пачхьалкх" (ДАIИШ) тобанна дуьхьал лаьттахулара тIеман операцеш дIаяхьарехула йолу шайн штаб. Иза ду, цу тобанерчу тIемалошна духьал Иракъехь Iеман операцеш дIаяхьар, дIадирзина бохург. ДАIИШ тобанерчу тIемалоша масийтта шарахь шайн Iуналлехь латтийра Иракъан территорин кхоалгIа дакъа, шена юкъахь яккхийчерах кхоалгIа гIала йолу Мосул а йолуш. Стохка ГIуран-баттахь Иракъан премьер-министро Ал-Абади ХIайдара дIакхайкхийра, Iамеркахоша гIо а деш... Читать дальше...
Украинин президенто бакъдина шайн пачхьалкхан тIеман ницкъашна Iамеркин Javelin олу танканашна туху ракетийн комплексаш кхаьчна хилар. Порошенко Петрос дIакхайкхийна иза Оршоташ сарахь. Цо дийцарехь, керла герз кхачаро хаъал чIагIбина церан тIеман аьттонаш а, пачхьалкхан кхерамазалла а. Хьалхо Iамеркан Пачхьалкхан депортаменто бакъдинера, Вашингтоно Ураинине Javelin комплексаш хьажийна хилар. Болчу хаамашца, Украине хьажийначу кхузаманахьлерчу цу герзан мах бу 47 миллион доллар. Цу юкъахь ю 210 танканашна туху ракеташ а... Читать дальше...
