Новости за 20.05.2018

КIирандийнахь Демаьшкана гергарчу гIаттамхойн тIаьххьарчу Ярмук анклавера арабаьхна "Исламан пачхьалкх" шех олучу тобан декъашхой аьлла, хаамбо Лондонехь куп тоьхначу адамийн бакъонаш ларъечу Шеман группано. Рейтер агенталло билгалдаккхарца, и дакъа арадаккхаро юхаметтахIоттор ду президентан Асад Башаран ражо оцу кIоштан Iуналла дар. Шеман пачхьалкхан зорбанаша хьаха ца дина, Ярмукехь мухIажирийн купна гергара анклав дIатаса исламхошна бакъо еллачу бертах. Шоьтадийнахь шемахойн тIеман хьостано бакъ ца дира, юкъахь барт хилар. Читать дальше...

Соьлжа-ГIаларчу килсана тIелатар динарш Нохчийчуьра бахархой Юнусов Iамир а, Юнусов Iела а, Элисултанов Микаил а, иштта ГIалгIайчуьра Цечоев Ахьмад а хилла аьлла, Iорадаьккхина махкарчу ницкъаллийн структураша. Маршо Радионо хаамбира, шоьтадийнахь хиллачу тIеман тасадаларшкахь Нохчийчу  гIуллакх кхочушдан хьажийначу Саратоверчу полисхойх лакхара ши сержант Рахметов Кайрат а, Горсков Влаимир а верах. ЮнусовгIар Iамир а, Iела а ши ваша ву. Цушиннан а, Цечоев Ахьмадан а 18 шераш ду. Элисултанов Микаила 19 шо. Читать дальше...

ГIалгIайчоьнан Сунжа кIоштахь иккхинчу девнехь цхьанна герз тоьхна, важа уьрсаца йинчу чевнех велла. Болчу хаамашца, Сунжара вахархо шен лулахочун неIаре вахана хилла, церан кертара схьахеза яккхий гIовгIанаш лахъяхьара ала дагахь. Шина стагана юкъахь конфликт яьлла, цхьахволчо тапча тоьхна вукхунна. "Цул тIаьхьа вийначун гергарчара урс диттина бекхам барца. Чевнех хьалха ца ваьлла иза а", - яздо "Интерфаксо". Схьадийцарехь, оцу зуламехь лазийнарш кхин а бу, яздо Magas.ru хьостано. Республикера Талламан комитет ю и гIуллакх толлуш.

Венехь йийна Хадижат даймахкахь лаьтте кховдий. ТIаьххьара дош олучу дехоша, шайн ницкъ кхочуш, дуьтур дац шаьш берана динарг, аьлла, дIакхайкхийна, юьртахой теш а хIиттийна.

Венехь йийна Хадижат даймахкахь лаьтте кховдий. ТIаьххьара дош олучу дехоша шайн ницкъ кхочуш чIир юьтур яц аьлла дIакхайкхийна, юьртахой теш а хIиттина.