Арепатриациазы аминистр Беслан Дбар арадио Sputnik Аԥсны аефир аҟны иҳәеит ҳџьынџьуаа нхарҭа ҭыԥла реиқәыршәара апроект иалагӡаны 48 ҭаацәара руадақәа рцыԥхақәа шрыҭаз, ашықәс анҵәамҭазы даҽа уиаҟара аҭаацәарақәа ауадақәа рзыршараны иҟоуп.
Хәымш Афон Ҿыц имҩаԥысуаз Гиви Смыр игәалашәара иазкыз ашьапылампыл азы ахәыҷкәа рыбжьара ахԥатәи жәларбжьаратәи атурнир хыркәшахеит. Аспортсменцәа иаадырԥшыз алҵшәақәа ртәы арадио Sputnik аефир аҟны еиҭеиҳәеит аҿартә политиказы аҳәынҭқарратә еилакы ахантәаҩы ихаҭыԥуаҩ Михаил Цкәуа.
Акурорт Пицунда аофициалтә хаҭарнак Азамаҭ Багаҭелиа арадио Sputnik аҟны еиҭеиҳәеит аԥсшьаҩцәа Аԥсны радԥхьаларазы еиҿкаау аицлабра ҿыц атәы.
Маҷара ақыҭан аҩнеихагылаҿ ауада ҿыцқәа рцаԥхақәа рнапаҿы ироуит зыԥсадгьыл ахь ихынҳәыз ҳџьынџьуаа 48 ҭаацәара.
Нанҳәа 2 рзы Мыркулатәи ажәытә нхарҭа ҭыԥқәа рышьҭа-мышьҭақәа ҭырҵаауа иалагеит Аԥсни Урыстәылеи рархеологцәа. Аусурақәа мҩаԥысуеит нанҳәа 20 рҟынӡа.
Аԥсны атәанчаҩцәа хаз иго ркатегориақәак иаку аԥарашәара рзухарц азы 2019 шықәса ԥхынгәы 17 рзы ашәҟәы рнапы аҵарҩит Аԥсны аԥыза-министр Валери Бганбеи Урыстәылатәи Афедерациа аиҳабыра ахантәаҩы ихаҭыԥуаҩ Витали Муткои.
Аҳауа-десанттә ар рымшныҳәа азгәарҭоит нанҳәа 2 рзы.
1997 шықәса нанҳәамза 2 рзы Аҟәа иӡырган урысшәалеи аԥсышәалеи иҭыжьыз Аԥсны ахсаала. Уи аус адызулоз, насгьы ахсаала аиқәыршәара шымҩаԥысуаз атәы арадио Sputnik Аԥсны аефир аҿы еиҭеиҳәеит аҵарауаҩ, аетнограф, ахсаала аиқәыршәара зыбзоурахаз руаӡәк Таҷ Гыцба.
III Жәларбжьаратәи ашьапылампыл азы атурнир "Леон" иорден занашьаз Гиви Смыр игәалашәара иазкын. Иара иалахәын Аԥсны, Урыстәыла, ЛЖәР, ДЖәР аҟынтәи 16 команда.