Ахәаҷа-маҷа аҿагыларазы, аҩычагатә ҵиаақәа ирынаҭо аԥхасҭа аԥырҟәҟәаразы иҟаҵатәу атәы иазааҭгылеит жәларбжьаратәи аекспертцәа Аҟәа имҩаԥысыз аилатәараҟны. Аиԥылара алҵшәақәа ртәы арадио Sputnik Аԥсны аҟны еиҭалҳәеит акорреспондент Сариа Кәарцхьиаԥҳа.
Аԥсны афырхаҵа Сергеи Дбар ихьӡ зху Аҧсны Аџьынџьтəылатə еибашьра аҳəынҭқарратə музеи аусзуҩ, афондқəа реиҳабы Гəыгəыца Џьыкырԥҳа гəыблыла дылгəалалыршəоит изаамҭанымкəа зыԥсҭазаара иалҵыз аҳəынҭқарратəи ауаажəларратəи усзуҩ, Ахьӡ-Аԥша аорден ахԥатəи аҩаӡара занашьоу, Гəдоуҭа араионтə еизара хынтə депутатс иалырхьхаз, Аҧсны ашəҟəыҩҩцəа рассоциациа алахəыла Иура Ҭақəчыч-иҧа Ԥкьын.
Апоет, аиҭагаҩ Геннади Аламиа арадио Sputnik Аԥсны аефир аҿы еиҭеиҳәеит Самсон Ҷанба ихьӡ зху Аԥсуа драматә театр иқәдыргыларан иҟоу Уилиам Шекспир итрагедиа "Ромеои Джулиеттеи" аиҭагамҭа аус шадиуло атәы.
Аԥсны Жәлар Реизара аилатәара мҩаԥысит хәажәкыра 20 рзы.
2018 шықәса рыҩныҵҟа Аԥсны иаҭааит 4,5 миллионҩык урыстәылатәи атуристцәа.
Иахьазы аус зуа аԥҟаррақәа Жәлар Реизараҿы ирыдкылан 2012 шықәса рзы.
Хәажәкыра 21 асааҭ 12:00 рзы Sputnik Аԥсны амультимедиатә пресс-центр аҿы имҩаԥысраны иҟоуп Урыстәылатәи аҵараиурҭақәа рҭаларазы имҩаԥысуаз аԥышәарақәа реихшьаалақәа ирызкны урыстәыла-аԥснытәи усутә гәыԥ имҩаԥнаго апресс-конференциа.
Тҟәарчалтәи аҳәынҭқарратә комедиатә театр арежиссиор хада Сырбеи Сангәлиа арадио Sputnik Аԥсны аефир аҿы еиҭеиҳәеит атеатр ашьаҭаркҩы Шәарах Ԥачалиа диижьҭеи 105 шықәса аҵра инамаданы иқәдыргылаз апиеса "Мазлоу зегьы злоу" атәы.
Хәажәкыра 22 рзы Аҟәа, арҿиаратә ҩны "Аинар" аҿы имҩаԥысран иҟоуп Липецктәи асахьаҭыхратә школи арҿиаратә ҩны русеицура иахылҿиааз ацәыргақәа. абри атәы арадио Sputnik Аԥсны аефир аҿы иҳәеит ахәыҷтәы арҿиаратә ҩны "Аинар" аиҳабы Витали Қацәба.
Аҟәатәи "Нарҭи" афонтәи "Афони" реицыхәмарра мҩаԥысит Аҟәатәи ашьапылампылтә стадион "Динамо" аҿы.