Ахатәы аҭаҵәахратә фонд аҟынтә афинанстә цхыраара аҟаҵара аанкылоуп, абри аҩыза аӡбамҭа рыдыркылеит иахьа Аԥсны аминистрцәа реилазаараҿы. Избан, изыхҟьазеи ус еиԥш аӡбамҭа адкылара - абри атәы арадио Sputnik Аԥсны аефир аҿы еиҭеиҳәеит аиҳабыра реилазаара аилатәара иалахәыз акорреспондент Бадраҟ Аҩӡба.
Аминистрцәа реилазаара аилатәараҿы иҟаҵан 2018-тәи ашықәсаз аусбарҭақәа имҩаԥыргаз аусурақәа реихшьаала. Арепатриациазы аминистр Беслан Дбар иаҳасабырбаҿы иазгәеиҭеит иҳаҩсыз ашықәс азы Аԥсныҟа ихынҳәыз ҳџьынџьуаа рхыԥхьаӡара егьырҭ ашықәсқәа раантәи арбагақәа реиҳа ишыҳараку.
Есыҽны аурыс-аԥсуа ҳәаа иахысуеит амимоза мҩанызго хәба рҟынӡа аидарамҩангага машьынақәа.
Хәажәкыра аказы Аҟәатәи астадион "Динамо" аҿы имҩаԥысуа ашьапылампыл Ахраҿа хада агаразы аиԥылареи, Аԥсны Ачемпионат аҩбатәи аҭагьежь ахәмаррақәеи ртәы арадио Sputnik Аԥсны аефир аҿы еиҭеиҳәеит Аԥсны ашьапылампыл азы Афедерациа апресс-маӡаныҟәгаҩ Алхас Манаргьиа.
Хәажәкырамза аказы, Аҳәынҭқарратә филармониаҿы имҩаԥысуеит IX-тәи жәлар ринструментқәа рфестиваль "Аԥхьарца". Иван Кортуа ихьӡ зху Жәлар рырҿиара ареспубликатә центр аиҳабы Нури Кәарҷиа арадио Sputnik Аԥсны аефир аҿы еиҭеиҳәеит сынтәатәи афестиваль аҷыдарақәа ртәы.
Тхеквондо азы Аԥсны еизгоу акоманда 29-ҩык аспортсменцәа рыла ишьақәгылоуп.