Аҷандара ақыҭан игылоу, акыр ахҭысқәа ирхаану аҷандарҵла аҭоурыхи уи иацу аҳәамҭақәеи ртәы арадио Sputnik Аԥсны аефир аҿы еиҭеиҳәеит араион ԥасатәи ахада Витали Џьениа.
Лассы имҩаԥысраны иҟоуп Очамчыра араион ашәаҳәаратә еицлабра "Орфеи" ахԥатәи аконцерт. Апроект амузыкатә напхгаҩы Лика Ҵәыџьԥҳа еиҭалҳәеит аицлабра шеиҿкаахаз, ахәыҷқәа ишрыдыркылаз, насгьы ахԥатәи аконцерт азы аҽазыҟаҵарақәа шымҩаԥысуа. Аиҿцәажәара мҩаԥигеит Аинар Ҷыҭанаа.
Аԥснытәи акаратистцәа алахәын ақәԥаратә ҟазареи аспорттә қәԥареи рзы IX-тәи иаарту афестиваль "Кубок равноапостольного Николая Японского". Афестиваль мҩаԥысуан Москватәи аобласт, Пушкино ақалақь аҿы.
Иԥсҭазаара далҵит Аԥсны зҽаԥсазтәыз аҳақьым, "Ахьӡ-аԥша" аорден ахԥатәи аҩаӡара занашьоу Анатоли Акшба. Ҳҭәыла агәабзиарахьчараҿы иара илагала атәы арадио Sputnik Аԥсны аефир аҿы еиҭеиҳәеит ареспубликатә хәышәтәырҭа аҳақьым хада Аполлон Гәыргәлиа.
Урыстәыла Агәҭатәии Аҩада-мраҭашәаратәии аокругқәа рҿы таитәи абокс азы ачемпионат мҩаԥысуеит жәабран 3-7 рзы, Курск ақалақь аҟны.
Калининградтәи аобласт аҿы имҩаԥысуаз аԥсуа спортсменцәа злахәыз зхы иақәиҭу аиқәԥаразы жәларбжьаратәи атурнир шцаз атәы арадио Sputnik аефир аҿы еиҭеиҳәеит Аԥсны зхы иақәиҭу аиқәԥаразы азыҟаҵаҩ Игор Бераиа.
Изаамҭанытәиу атактикатә ҽазыҟаҵарақәа ирылахәын зықьҩык инареиҳаны аруааи 200 цыра рҟынӡа арратә техникеи.
Арадио Sputnik Аԥсны амҩаԥгаҩ Алхас Манаргьиа иҳаҩсыз аԥсшьарамшқәа рзы адырраҭара "Авторивиера" аҭыхратә гәыԥ дацны Риҵаҟа дхалеит. Изеиԥшроузеи уаҟа аҳауатә ҭагылазаашьа, асы рацәаны ишьҭоума - абри атәы еиҭеиҳәеит арадио Sputnik Аԥсны аефир аҿы.
