Афымцалараша аҭагылазаашьа иазкны иахьа Аԥсуа телехәаԥшра апресс-центр аҿы "Амшынеиқәафымцамч" ахада Аслан Басариа ипресс-конференциа мҩаԥысит, уаҟа излацәажәаз атәы арадио Sputnik Аԥсны аефир аҿы еиҭалҳәеит акорреспондент Сариа Кәарцхьиаԥҳа.
145 шықәса раҧхьа диит аҧсуа литература абду, аԥсуа ҭҵаарадырра ашьаҭаркҩы иахьа шәышықәса зхыҵыз раԥхьаӡатәи аԥсуа газеҭ "Аԥсны" ахацыркҩы Дырмит Гәлиа.
Жәабран 26 рзы Аԥсуа драматә театр асценаҿы имҩаԥысит апоезиатә хәылԥазы "Аԥсуа литература ашедеврқәа". Иреиӷьӡоу аимгеимцарақәа шәрыхәаԥшыр шәылшоит Sputnik иазнархиаз афотолентаҿы.
Косики карате азы Урыстәылазегьтәи атурнир "Сибра Ахраҿа" Барнаул имҩаԥысит жәабран 23 - 24 рзы.
Избан амхқәа зцәаӷәарц зҭаху анхацәа змаҷхо, феидас иалоузеи аџьықәреи аҟашәеи раахәара? Абри атәы арадио Sputnik Аԥсны аефир аҿы еиҭеиҳәеит ақыҭанхамҩа аминистрра амеханизациа аҟәша аиҳабы Мурман Џьонуа.
Жәабран 26 рзы С. Ҷанба ихьӡ зху аԥсуа драматә театр асценаҿы имҩаԥысит апроект "Аԥсуа литература ашедеврқәа" аҩбатәи ахәылԥаз. Уи ауха апоезиа аҳра ахьауаз атеатр даҭааит Sputnik акорреспондент, апоет қәыԥш Аинар Ҷыҭанаагьы. Шәаԥхьарц ишәыдаагалоит иазирхиаз аматериал.
Шәышықәса раԥхьа жәабранмза 27 рзы иҭыҵит агазеҭ "Аԥсны" раԥхьатәи аномер, уи редакторс даман Дырмит Гәлиа. Излалыршахазеи ҳтәыла ақырҭуа меншевикцәа ахаԥаны ианыҟаз аамҭазы уи аҭыжьра? Абри атәы арадио Sputnik Аԥсны аефир аҿы еиҭеиҳәеит иахьа агазеҭ "Аԥсны" аредактор хадас иамоу Енвер Ажьиба.
Аԥсны иахьаҵанакуа афымцалашара дырцәоит жәабран 20 инаркны, есыҽны, асааҭ 11:00 - 14:00 рзы.
