Новости за 13.05.2024

11 майда Ютазы районы Урыссу бистәсендә хатын-кызлар арасында «Халисә» V Ачык Россиякүләм Коръән укучылар бәйгесе узды. Ул Мәрданшиннар гаиләсе тарафыннан үткәрелде. Аны оештыручылар арасында Татарстан мөфтияте, Ютазы мөхтәсибәте һәм Ютазы муниципаль районы һәм күпләгән иганәчеләр бар иде.

19 майда Болгарда Идел буе Болгар дәүләтендә Ислам динен рәсми кабул итүгә багышланган «Изге Болгар җыены» тантаналы чарасы узачак. Бөтендөнья татар конгрессы Башкарма комитеты җитәкчесе Данис Шакиров чарада аерым мәйданчыкта татар көрәше булачагын әйтте.

Бөтендөнья татар конгрессы 17-19 май көннәрендә Казан шәһәрендә «Милли тормыш һәм дин» XIV Бөтенроссия татар дин әһелләре форумын үткәрә. Бөтендөнья татар конгрессы Башкарма комитеты җитәкчесенең беренче урынбасары Марс Тукаев әйтүенчә, әлеге форум Россия киңлекләрендә булган бик күп мөфтиятләр өчен бердәнбер үзара аралашу, тәҗрибә уртаклашу, күрешү өчен бер мәйданчык булып тора.

Татарстан Рәисе Рөстәм Миңнеханов хакимият органнарына республика җитәкчесенең Кадрлар резервында катнашучыларның инициативаларын гамәлгә ашыруда һәрьяклап ярдәм күрсәтергә кушты. Бүген ТР Хөкүмәте Йортында алар проектларын яклады. Бу турыда Татарстан җитәкчесенең матбугат хезмәте хәбәр итә.

Бөтендөнья татар конгрессы 17-19 май көннәрендә Казан шәһәрендә «Милли тормыш һәм дин» XIV Бөтенроссия татар дин әһелләре форумын үткәрә. Конгрессның Башкарма комитеты җитәкчесе Данис Шакиров форум кысаларында оештырылачак фикер алышу мәйданчыклары турында сөйләде.

Татарстан башкаласында Җиңү көненә әзерлек эшләре һәм «Казан марафоны»н уздыру Уеннарга һәм БРИКС саммитына юлларны ремонтлауга туры килде. Шуның аркасында шәһәрдә яшәүчеләрнең күбесе май бәйрәмнәрендә зур бөкеләргә эләккән. Казан мэры Илсур Метшин эшлекле дүшәмбедә бу хәл өчен гафу үтенде.

Россия хакимияте автомобиль номерларын идентификацияләүне кыенлаштыра торган җайланмалар кулланган өчен штраф кертергә ниятли. Бу хакта «Интерфакс» яза.

Бөтендөнья татар конгрессы 17-19 май көннәрендә Казан шәһәрендә «Милли тормыш һәм дин» XIV Бөтенроссия татар дин әһелләре форумын үткәрә. Бөтендөнья татар конгрессы Башкарма комитеты җитәкчесе Данис Шакиров әлеге форумының татар дөньясы өчен аерылгысыз төшенчә булуын әйтте.

Якын көннәрдә Татарстанда температураның көндезге һәм төнге сәгатьләрдә нык үзгәрүе көтелә. Бу хакта ТР Гидрометүзәге хәбәр итә.

Г.Камал исемендәге театрның Кабан күле ярындагы яңа бинасын БРИКС саммитына төзеп бетерергә планлаштыралар. Ул Татарстан башкаласында октябрьгә планлаштырылган. Бу хакта эшлекле дүшәмбедә Казан мэры Илсур Метшин сөйләде.

Майның беренче 10 көнен Россиянең Европа өлеше территориясендә күзәтүләр тарихында иң салкыны дип атарга мөмкин. Бу хакта Россия Гидрометеоүзәгенең фәнни җитәкчесе Роман Вильфанд хәбәр итте. ТАСС шул хакта яза.

12 май көнендә Чувашстан татарларының хәйрия чарасы барышында җыелган ярдәме Оренбургка илтеп тапшырылды. Чувашстан татарлары милли-мәдәни берләшмәсе рәисе Әгъзам хаҗи Шакиров белән республиканың Диния нәзарәте рәисе Мансур хәзрәт Хайбуллов 550 600 сум күләмендәге акчаны Оренбургта каза күргән дин кардәшебез гаиләсенә илтеп бирделәр, дип хәбәр итә Бөтендөнья татар конгрессы матбугат хезмәте.

Россиянең 46 югары уку йорты «Бөтендөнья иң яхшы 2000 университет рейтингы»на кергән. Алар арасында Казан федераль университеты да бар. Бу хакта CWUR Бөтендөнья рейтингы үзәге сайтындагы мәгълүматтан билгеле булды.

Татарстан Дәүләт Советы депутаты Эдуард Шәрәфиев махсус хәрби операциядә катнашучыларга түләүләр күләмен яңадан карарга кирәк дип саный. Ул билгеләп үткәнчә, махсус хәрби операция башланганнан бирле контрактчылар һәм үзе теләп киткән кешеләр өчен акчалата түләү бер тапкыр да индексацияләнмәгән. 2022 елдан ул 200 мең сум күләмендә саклана.

Министрлар Кабинеты отставкага китәр алдыннан, Сергей Шойгу ачыклау ясаганда төшерелгән видео чыкты. Журналист Павел Зарубин аның белән телеграм-каналында уртаклашты.

Тиздән Россиядә «Нәтиҗәле һәм көндәшлеккә сәләтле икътисад» исемле яңа илкүләм проект эшләтеп җибәрәчәкләр. Вице-премьер вазифасына кандидат, хөкүмәт рәисе урынбасары вазифаларын башкаручы Александр Новак әйткәнчә, бу илкүләм проект икътисад өлкәсендә илкүләм максатларга ирешү өчен кирәк. Бу хакта «Известия» яза.

2024 елның гыйнвар-март айларында Татарстанда сөт җитештерү, узган елга караганда, 5,9 процентка арткан, әмма ит өчен терлек һәм кош-корт үстерү 2,7 процентка, шулай ук йомырка җитештерү 0,6 процентка кимегән. Бу Татарстанстатның республиканың социаль-икътисади хәле турында әзерләнгән докладында билгеле булды.

Узган елда Татарстанда 3,4 млн кв. метрдан артык торак, ягъни бер кешегә исәпләгәндә 0,858 «квадрат» төзелде. Татарстан бу күрсәткеч буенча Россиядә 16нчы урынны алды. Бу хакта РИА Новости тикшеренүендә билгеле булды.

Болгар ислам академиясенең өлкән фәнни хезмәткәре Вячеслав Әхмәдуллин Бөек Ватан сугышы елларында эзәрлекләүләр булуга карамастан, совет хакимияте ислам руханиларының тугры һәм Ватан өчен кан коярга әзер булуына инанган, дип саный. Бу хакта ул Татарстан Диния нәзарәтендә «Бөек Ватан сугышында катнашкан татарлар һәм ветераннар, ислам яңарышы (XX гасырның икенче яртысы)» Россиякүләм конференциясенең пленар утырышында сөйләде.

Бердәм дәүләт имтиханы (БДИ) биремнәренең мәҗбүри исемлегенә экология турында сораулар кертелергә мөмкин. Аларны география, биология һәм җәмгыять белеме буенча БДИга өстәргә тәкъдим итәләр. Бу турыда ТАСС Россия Мәгариф министрлыгына юлланган хатка сылтама белән хәбәр итә.

КФУның Халыкара мөнәсәбәтләр, тарих һәм көнчыгышны өйрәнү институты доценты Рөстәм Ибраһимов Бөек Ватан сугышы елларында татар-мөселманнарның дингә тугры булып калулары турында сөйләде. Бу хакта ул Татарстан Диния нәзарәтендә «Бөек Ватан сугышында катнашкан татарлар һәм ветераннар, ислам яңарышы (XX гасырның икенче яртысы)» Россиякүләм конференциясенең пленар утырышында әйтте.

2025 елдан эшләмәүче пенсионерлар өчен картлык буенча иминият пенсияләре елына ике тапкыр арта башлаячак. Индексация тәртибендә яңартулар турында РИА Новости Дәүләт Думасының Хезмәт комитеты әгъзасы Светлана Бессарабка сылтама белән хәбәр итә.

Быел көз Дәүләт Советына сайлау узачак. Алдан тавыш бирүдә катнашучы Бөтендөнья татар конгрессы Башкарма комитеты җитәкчесе Данис Шакиров үз фикерләре белән уртаклашты.

Ульяновск шәһәренең Зөя аръягы районы «Ак калфак» татар хатын кызлары оешмасы «Бәби туе» йоласын күрсәтте. Бу хакта Ульяновскиның «Өмет» газетасы телеграм-каналында хәбәр ителә.

4 май көнне Удмуртиянең Халыклар дуслыгы йортында яшь башкаручыларның 27 нче «Язгы тамчы» конкурс – фестивале узды. Яшь башкаручылар милли моңнарыбызны инструменталь уен коралларында яңгыратты. Бу хакта Бөтендөнья татар конгрессы матбугат хезмәте хәбәр итә.