1996-чу шарахь Марсхьокху-беттан 31-чу дийнахь Хасу-Юьртахь Оьрсийчоьнна а, Нохчийчоьнан Ичкери республикана а юкъахь машаран бертан кехатна куьйгяздира нохчий эскаран буьйранчас Масхадов Аслана а, Кремлан векало Лебедь Александра а. Махкара арадаха сацийра Оьрсийчоьнан эскарш
Лукашенко Александр винчу денца декъал вина Кадыров Рамзана. Ша "бакъ волу политик ву иза" аьлла цунах лаьцна Кадыровс. Шо а ду Беларусехь политикан кризис лаьтта. Малбузен мехкаша пачхьалкхан президент санна тIе ца оьцу Лукашенко.
2000-чу шарера схьа дуьйна таIзарш лелийначу бакъоларъяран органийн 122 белахочух 52-нна арахь такха хенаш кхайкхийна. Оцу юкъанна ницкъ ца тоьъна эханна дуьхьал бехктакхаман гIулакхаш даха. РБК агенталло бина и хаам, Iазапашна дуьхьалояран Комитето арахецначу рапортана тIетевжина. Оьрсийчоьнан ворхI регионашкахь лецначаьрца а, хенаш йиттина чохь бахкочаьрца а шогалла лелийна 219 меттиг хаабеллера организацина 2000-чу шарера схьа. ТаIзар дина бакъоларъяран органийн 122 белхахочунна, 70 колони хьажийна. Читать дальше...
Футболан майданахь даьккхина сурт шен инстаграме хIоттийна UFC-н хиллачу чемпионо Нурмагомедов Хьабиба. "Исбаьхьа футболан Iуьйре", - аьлла, яздина латархочо кевнашна хьалха лаьттачу шен суьртана бухахь. Мангал-беттахь ХIинжа-ГIаларчу "Легион Динамо" футболан клубо дехар динера Нурмагомедовга, шайца ловза контрактна куьйгъяздахьара аьлла. Клубан президенто Лахиялов Шемала хаам бира цунах лаьцна шен инстаграмерчу аккаунтехь. Спортхочуьнца хIоттийначу бертан боллу чулацам бовзийтинера цо, амма хоуьйтуш дацара гонораран барамах... Читать дальше...
"Эстемирова Оьрсийчоьнна дуьхьал" гIуллакхехула бина шайн сацам бовзийтина Европерчу адамийн бакъонехула йолчу кхело (ЕСПЧ). Нохчийчохь бакъонашларъярхо лаьттина, 2009-чу шарахь лачкъийна дIайигина, йийначу Эстемирова Натальин хьокъехь Европан конвенцин шолгIа артикл Оьрсийчоьно йохийна хиларх тоьшаллаш ца карийна кхелана. ХIетте а, кхело тIечIагIдина Эстемирова ер таллар эвсара цахилар, ткъа Оьрсийчоьнан Iедалхоша бехкзуламан гIуллакхан материалийн доккхадолу дакъа шайга дIа ца кхачорца Конвенцин 38-гIа артикл йохийна хилар... Читать дальше...
Тахана, Марсхьокху-беттан 31-чу дийнахь 25 шо кхечи Дагестанерчу Хасу-Юьртахь Нохчийчуьра хьалхара тIом сацош барт хилла. ХIетахь президентан декхарш кхочушдеш хиллачу Яндарбиев Зеламхан пурбанца, эскарийн баьччас Масхадов Аслана а, Кремлан векало Лебедь Александра а машаран кехат тIечIагIдира. Иштта, куьйгаш теIийра бертан кехатна Оьрсийчоьнан кхерамзаллан Кхеташонан секретаран гIовсо Харламов Сергейс а, Ичкерин вице-президенто Абумуслимов Сайд-Хьасана а. Цул тIаьхьа официалехь дIакхайкхийра Нохчийчохь хьалхара тIом бирзина хиларх. Читать дальше...
20 шарахь Афганистанан лаьтта тIехь латтийна шайн ницкъаш арабахар дерзийна Американ Цхьаьнатоьхначу Штатийн эскаро. Пентагонехь йоьдучу пресс-конференцехь дина цунах лаьцна дIахьедар Американ ТIеман ницкъийн Коьртачу буьйраллин урхалхочо, инарлас Маккензи Кеннета. Кабулан аэропортера тIаьххьара америкахойн тIеман-транспортан кема гIаьттина аьлла, хаам бина цо. ТIеман министралло Твиттерехь зорбане даьккхина, Кабулехь С-17 кемана хуучу хIаваан-десантан 82-чу дивизин буьйралла дечу инарла-майоран Донахью Крисан сурт. Читать дальше...
Оршотан дийнахь "Россия-24" телеканалан йоьдучу эфирехь харжамел хьалхарчу дебаташкахь кхайкхамбина оппозиционер Навальный Алексей а, кхинболу Оьрсийчоьнан политикан тутмакхаш а маьршабаха аьлла. Оьрсийчоьнан маршонан а, нийсонан а партин тептаран коьртехь волчу, Пачхьалкхан думан харжамашкахь дакъалоцучу Шевченко Максима дина оцу кепара дIахьедар. Иштта вистхилла иза, бозуш боцу журналисташ а, жигархой а хьийзорна дуьхьал а. "Пачхьалкхерчу чоьхьарчу политикан садукъийна, хьаьшна, вайн дешан маршо... Читать дальше...
