ТIемалойн хьалханча лаьттинчу Духаев Исрудин ши йоI лачкъийнера полисхоша; ХIинжа-ГIалахь леринчу операцехь вийнарг "ШариIатан джамаIатан" эмир хилла ву; инстаграмехула шен фанаташка вистхилла Чимаев Хьамзат
Нохчийчохь бехктакхаман гIуллакх айдина Британехь вехачу политикна, эмиграцерчу Ичкерин Iедалан хьалханчина Закаев Ахьмадна дуьхьал. Ши бутт хьалха даймахкахь нохчийн Дуьхьалонан баьчча Бютукаев Аслан а, цуьнца нисвелла масех тIемало а вийча, царех гергарчаьрга кадамбеш, Закаевс дина къамел юьхьаръэцна махкарчу Iедало. Кадыровн гонна хетарехь, терроризм къобалъеш ду и къамел. Оцу хьокъехь Маршо Радионо ши хаттар дира Закаев Ахьмаде.
Инстаграмехь шен агIоне язбеллачу фанаташка вистхилла UFC-н латархо Чимаев Хьамзат. Цо бахарехь, спорт юьтуш хиларх дIахьедар дан "сихвеллера" иза, карарчу заманчохь Нохчийчохь могушалла меттахIоттош ву иза. "Со меттавогIуш ву, са ма гатде. Дерриг а дика ду, вежарий", - аьлла, дIахьедина цо. Нохчийчоьнан байракхан сий дойъур дац ша аьлла, чIагIо йина спортхочо. Карладоккху, Швецехь вехачу UFC-н юккъерчу йозаллин латархочо Чимаев Хьамзата кху беттан 2-чохь дIахьедира Инстаграмехула, ша шен спортера карьера дIатосу, аьлла. Читать дальше...
Къилбаседа ХIирийчуьра блогер Джикаева Малика юкъарчу рожан хьелашкахь хан яккхийта колоне хьажийна Нохчийчуьрчу Лакхарчу кхело. Билггал Малика йигина меттиг йийца бакъо яц шен аьлла, дIахьедина Джикаеван адвокато Бедоева Инарас. Амма, цо билгалдьаккхина, кхелан сацамна латкъамбан шаьш дагахь хиларх. "Нохчийчуьра кхел цхьа формале хIума дара, юьхьанца дуьйна тхуна гуш дара иза. Оцу инстанцехула чекхдовла дезаш дара тхо. РогIера инстанци - Пятигорскера юкъарчу юрисдикцин кассацин кхел ю. Маликин гIуллакхца дуккха а бух боцу тоьшаллаш ду... Читать дальше...
Къилбаседа Кавказехь тIаьххьарчу дийнахь-буса коронавирусан уьнах велла 23 дархо, вирус къаьстина кхин а 493 стагаца. Официалан зерашца, Краснодаран кIоштахь велла 13 пациент, Ставрополан махкхахь - виъ, ГIебарта-Балкхаройчохь - шиъ, Дагестанехь а, ГIалгIайчохь а, Адыгейхь, ГIалмакхойчохь а цхьацца велла COVID-19 вирусах. Верриг а Къилбаседа Кавказехь ун даьржичхьана велла коронавирусах 8 140 стаг. ТIаьххьарчу 24 сахьтехь динчу лараршца къаьсттина дукха бу цомгаш нах Краснодаран кIоштахь - 130 стаг. Читать дальше...
Еарин дийнахь ХIинжа-ГIалахь леринчу операцехь вийна Дагестанан вахархо, хьалхо кхел йина хилла ву зуламхойн тобанахь латтарна а, бакъоларъяран структурашкарчу белхахошна тIелетарш дарна а. "Интерфакс" агенталло бина цунах лаьцна хаам. Дийцарехь, 2005-чу шарахь тIемало ву бохучунна колонехь даккха 17 шо хан кхайкхийна хиллера, кхо полисхо вийна аьлла. 2005-чу шарахь вийначу, Дагестанехь лелаш хилла "Дженнет" тоба вовшахтоьхна, цуьнан куьйгалла дечу Макашарипов Расулца цхьана хилла ву иза. Иштта... Читать дальше...
Нохчийн оппозицин телеграм-каналаша еарин дийнахь даржийра, тIемалойн хьалханча лаьттинчу Духаев Исрудин ши йоI-кхиазхо лачкъийна аьлла. 17 шо долу Раяна а, 15 шо долу Иман а масех дийнахь латтийна хилла Хьалха-Мартанан полицин декъехь. Цаьрца цхьана йигина хилла кхин а церан гергара зуда а. Телеграм-каналаша чIагIдарца, 2010 -чу шарахь лаьмнашкахь вийначу Духаевца долчу гергарлонна тIехула бигина бара уьш. Кавказ.Реалиин информацица, тIаьхьо Духаевн ши йоI а, церан гергара зуда а маьршабаьхна хиллера. Читать дальше...